南荒釣蟹記 - 後記 (50#)
（一）北風緊
初春天氣，乍暖還寒。過了年宵，該吃的都吃過，該看的都看過，人便顯得特別疲倦，很想遠離人羣，不想再成為其中一份子。
喺大嶼山某條小漁村，北風依然凜冽，不過人就唔多。一個簡簡陋陋窄窄長長嘅木造碼頭仔，綁住幾隻膠舢舨。天空一片灰雲，唔見有海鷗。
喺碼頭邊有一個麻甩港佬，咬住支煙，On鳩鳩望往其中一隻紅色嘅膠舢舨發呆。觀其人也，約四條幾野，身穿Adidas風褸K-Swiss波鞋，腦後一把飄逸嘅長髮白裏透紅....吓？乜話？.....吖唔係.....應該係紅裏透白至啱！
唉！所謂三歲定八十吖嘛，一個人喺青少年時期積落嚟嘅習慣真係好難改嘅。
就好似眼前嘅呢位港男，自細渠老母就逼渠每年年尾之前一定要去整下個頭，而且重要係喺年廿二三左右就好去，因為怕啲飛髮舖加價。如今呢條港佬四張幾野，白髮漸多，年廿三走去染個頭，未過正月啲髮根又白返。不過冇所謂吖，渠自已唔多覺。
『挑！個艇身油紅色都算幾型仔啦，之不過得一個摩打嘅？！呢啲邊係快艇黎㗎！放你都唔識飛啦！』麻甩港佬咬往支純萬喃喃自語，思緒萬千。係呀！好快又一年嘞！渠已經就黎有一年冇返大陸叫雞！人生苦短，尤其係對呢種進入倒數階段嘅雞虫黎到講，射次少次，天知地知。
簡西聞心中念念不忘嘅，係二十年前嘅一隻黑色快艇。艇身鑲哂鋼板，艇尾四個摩打，五六排座位可以載成廿幾人。準確啲講，呢啲叫做大飛。乘客都係一啲廿零三十歲血氣方剛嘅＂慣性境外嫖妓人仕＂，準確啲講，即係雞虫。
.............
『喂！聽日星期日，不如今晚收工去貴山囉？』
『吓？咁急？』
『嗱！唔好推我地呀！成日話我地去玩唔叫你！＂龜公德＂話今日吹大北風，預計冇乜港佬過去，冇人同我地爭女玩！你點睇先？』
『大佬呀！你早啲講吖！等我帶定套底衫褲返工吖！』
『你估依家係小學生去旅行咩？坐言起行㗎嘛我地！下次我早個月發定封家長信過你老母好唔好？』
『喂....吹大北風喎！危唔危險啲呀？』
『挑！自細老師就教導我地，做事一定要不畏艱難，絕不輕言放棄，咁樣先至可以最後得到成功㗎嘛！』
根據筆者考證，當年老師可能教少咗一樣野，就係當睪丸酮喺你身體入面爆發嗰個moment，你條奔周硬咗，你嗡乜鳩都係啱嘅！
...............
頭上朗月當空，大飛已經到咗碼頭。
呢隻大飛係無上蓋嘅！一個廿幾三十呎長嘅流線型黑色船身，前後左右鑲哂鋼板，船頭長而尖硬，even喺靜止嘅時候都係畧畧昂起，所謂＂光斂色沉、神物自晦＂者是也！反而船尾處裝咗四副鮮紅色嘅大馬力發動機，個message唔寫出嚟都好清楚，叫做＂Come and get me bustard＂！又或者用阿鋒馬兄嗰句，叫做＂I want you to hit me as hard as you can＂！低沉嘅機械轉動聲伴住一陣陣汽油味，好低調咁將碼頭週邊嘅空間occupy哂，此之所謂＂霸氣橫泄＂也！
當廿幾歲仔嘅簡西聞第一眼望見呢隻傳說中嘅現袋文明產物，渠就知道，渠之後嘅一生，都再離唔開風浪，同埋嗰種喺大風大浪之後左擁右抱醇酒美人嘅刺激感。
船已經坐滿人。大北風刮過不停，海面上都是白頭浪。當四個摩打雷鳴一般嚮起，船上嘅人就再唔使講野，一來因為再無人會聽到，其次就係因為強烈嘅氣流撲面而來，冇人可以開到口。
船喺水面飛馳。其實用＂跳躍＂呢兩個字嚟形容可能更加貼切！
當一隻大飛全速前進，船身根本唔會長時間碰到水面，而其實係喺水面以大概每秒鐘一次嘅頻率跳躍，大約每次有三份之一秒碰到水面，其餘嗰三份之二秒成個船身離水飛翔！當一隻大飛全速前進，水面上好少有其他船可以追到渠。水警輪都只係係咁二做樣追下，追到香港水域邊皮就收油掉頭。
那一夜，黑色大飛毫無保留咁展示渠作為海上霸者嘅速度，承載住一班慾火焚身嘅港男，有進冇退，一條心向南狂飆。
據說當時蘇聯嘅太空站亦察覺到呢次嘅現像。翻查記錄，當年蘇聯人嘅太空日誌寫住：『.......我地見到有一條黑色嘅奔周向南面飛緊，支奔周好似着咗火咁！個春袋位重有四點紅光拖住一條白烟！Over！』
（昔日麗的電視名曲＂再向虎山行＂在耳際響起：
.........
平生勇猛怎會輕就範？
如今再上虎山！
人皆驚呼、人皆讚歎，
人謂滿身是膽！
........
明知要去此際不平凡，
行者笑帶傲慢！
頭上朗月，明燈一盞，
何懼無路往返！
）
[ 本帖最後由 廣東-蠻子 於 2015-4-12 07:31 PM 編輯 ]
