第十九章
餐廳最角嘅邊位度, 可兒約左巧兒出黎見面, 「巧兒, 呀媽而家一個人搬左出去住, 不過我就已經搵到野做, 而家生活上都叫做無咩問題, 巧兒, 呢度有的錢, 雖然唔係好多, 但妳就慳慳地咁用住先啦!」 巧兒正呆望住可兒手上的錢。
「係呢巧兒, 又會咁奇怪嘅, 點解無端端妳會住左響果個子健條女屋企度架? 佢果邊的人不嬲都當我地係仇人咁看待架?」 巧兒無答到佢呀媽。
「唉, 妳唔肯講就算, 總知我而家知妳住響邊度就得架嘞, 喂, 差唔多嘞, 飲埋杯野我都要走嘞, 其實我唔係咁方便出黎見妳架咋, 好嘞, 再有的咩事我地就電話聯絡啦!」 好快, 可兒就自己起身先去柜檯度埋單走人。
晚上, 巧兒正響街上一個人盪住, 一架私家車正慢慢咁駛到路旁, 「巧兒….」 車上揸車嘅人正係子健。
巧兒望左一望, 跟住無理到子健咁就繼續向前行住, 子健架車一路響路邊慢駛住咁跟住巧兒, 「巧兒, 妳去邊度呀? 上車等我車埋妳吖….」 巧兒繼續向前行緊。
「巧兒, 巧兒, 我有件事…其實…好想知道…., 不過…我就真係唔知應該點去問妳至好, 巧兒, 妳可唔可以上我車度先咁呢….?」巧兒仍繼續向前行住。
子健索性停車, 跟住就走左落車咁去追住巧兒, 已經捉住巧兒嘅手臂, 巧兒停低左落黎, 「巧兒, 我…我地…, 唉, 點講呢, 響日本度, 果晚我飲醉左酒, 我想知…果晚….我地到底…有…無….」
巧兒擰轉個頭, 跟住就用的好冷淡嘅語氣黎問番子健, 「我地到底有無的咩咁呢….?」 「巧兒, 我地….即係….妳扶完我…之後, 我地之間究竟…有無…做過的….」 巧兒繼續冷冷地講, 「我扶完你, 跟住你…..咪當左我係芷姍姐姐, 然後…你咪將我….襟住響張床度咩左囉!」
子健聽到咁, 正比巧兒嘅冷漠同坦白嚇到有的驚咁, 而且, 佢估唔到件事原來係真嘅, 「巧兒, 我…….」 等左一陣, 巧兒再講, 「你仲有的咩想問咁呢? 如果無嘅話我想自己響街度行多一陣, 咁唔該你放開我先, 好唔好?」
子健放開左巧兒, 巧兒跟住就自己繼續向前行住, 而子健就呆住咁挨響架私家車旁, 一路望住巧兒個背影, 直至消失響視線範圍之內為止。
正行到遠處嘅巧兒, 直至響呢一刻, 眼淚先至開始響眼角度流住出黎。
第二日, 芷姍打電話比子健, 「喂子健, 今晚不如我地去食日本野囉, 好唔好呀?」 「芷…姍, 尋晚…巧兒佢幾點先番到屋企呀?」 「幾點, 好似都成十一點幾先番到, 咦, 做咩你會咁問嘅?」
「哦, 無….呀係呢, 佢番到黎, 咁佢有無同妳講過的咩說話咁呀…?」 「講過的咩? 好似無呀, 佢番到黎咪即刻沖涼, 跟住咪就自己番房上床瞓覺囉, 喂, 究竟巧兒係唔係有的咩事發生左呀?」
「無, 梗係無啦, 我只係多口問吓咁啫, 呀, 係呀, 就係因為尋晚我揸車見佢響街度行緊, 跟住我就話要送佢一程, 但佢就話想行多一陣先至番屋企, 我仲以為佢係有的咩心事, 所以先至咁去問吓妳啫!」
呢日之後, 子健就開始有的怕再見到巧兒咁…….
(待續)
