第二十五章
唔經唔覺, 巧兒兩母女已經響子健呢度住左成半個月咁滯, 而可兒亦都出去再搵左另一份普通文員嘅工作, 其間, 巧兒對子健呢次嘅幫忙亦都泛起左感激之情, 而可兒亦為左子健呢番幫忙嘅舉動, 亦主動為佢地每晚都準備晚飯同屋內嘅所有清潔同打掃工作。
呢晚, 子健響房內正同緊現身處於多倫多嘅芷姍視訊通話當中, 但子健就無將巧兒兩母女搬左黎住呢件事情話比芷姍佢知。
「喂, 遲的我要考試呀, 所以我唔再同你晚晚視象嘞, 呀仲有, 巧兒佢而家點呀? 我有的掛住佢添, 子健呀, 下次如果你見到巧兒, 你就比佢同我響視訊度傾吓偈吖, 好嘞, 我都要出門番學嘞!」
晚飯其間, 可兒同子健講, 「子健, 呢排見成日都聽到你乾咳, 所以我特登煲左呢個湯黎比你潤吓, 呀仲有, 我同巧兒商量過, 而家我地兩個都有做野, 再加上我地覺得響你呢度白住就好似有的唔係幾好咁, 所以我地決定每個月都會比番多少錢你, 就當係我地交租比你咁好嗎?」
子健飲住湯咁搖住頭, 「唔使, 間屋橫掂都有地方, 而且妳而家晚晚都煮飯同幫我執屋, 果的錢妳地就留番黎儲起佢先, 等到第時妳地鬆動的之後先至再響出面搵過另一個地方搬去住!」
周未下午, 「巧兒, 我而家出去買餸, 妳今晚如果想食的咩一陣就 whatsapp 比我啦!」 可兒出門嘅時候, 咁啱子健亦都番到黎, 「咦, 番黎嗱, 我而家出去買餸, 今晚你會留響度食飯嗎?」 子健點一點頭。
巧兒見到子健番黎, 「子健, 我知你成日都同芷姍姐姐通視訊, 唔知你可唔可以幫我接通黎比我同佢傾吓偈呢?」
子健諗左一諗, 「可以, 但…不過…其實…芷姍佢仲未知道妳地而家搬左黎響呢度住, 或者咁啦, 妳就坐響側邊度唔好上鏡住, 等我而家先同佢講兩句野同 send 的野比佢先, 再過多一陣等我先用部手機扮響街度比妳同佢再視訊通話啦, 好唔好呀?」 巧兒笑住咁點一點頭。
兩個人入左房之後, 子健就開左部電腦, 視訊接通左之後, 子健同芷姍傾完正經野, 跟住好快亦將的 file send 左比芷姍, 芷姍問住子健, 「喂, 我唔響度嘅日子, 到底你有無約到其他的女仔去街呀? 嗱, 老老實實, 無我嘅日子, 你到底點解決你生理上嘅需要先?」
子健聽完之後正一面尷尬, 但佢又唔可以話比芷姍知道巧兒而家就正正坐左響佢隔離之處, 「我….嗱, 妳又老老實實, 妳響果便又有無約其他的男仔去街先?」
「唓, 同學同朋友就梗有架啦, 喂, 你都未答我嘅問題, 你無我嘅日子到底係點過架? 有無成日都呢埋一便睇咸碟架? 嗱, 快的答我呀!」
子健唔住個咀, 跟住見佢舉起左隻右手再輕輕咁搖住, 「就係咁嘞, 喂, 我趕住要出門口呀, 一陣響街度先再同妳傾過啦!」 講完, 子健好快就中斷左視訊, 呼, 真係尷尬, 子健瞄吓身旁床邊坐住嘅巧兒, 巧兒望到子健瞄住佢之後, 居然又係一面好唔自然咁低住頭黎迥避住子健嘅眼神。
「哈哈哈, 真係襟都襟唔住, 係呢, 再等多一陣我先再用部電話比妳同芷姍傾偈吓!」 子健企左起身, 正手插住褲袋咁準備要行出房外嘅時候, 突然, 巧兒嗌住子健。
巧兒依然係低住頭咁雙手扯住自己嘅短裙腳, 「子健, 呢次…真係好多謝你肯收留我地兩母女, 仲記得…果次…響日本度, 你飲醉左, 誤將我…當左係芷姍姐姐之後…., 果次…其實我…真係…無嬲到你, 我知件事…其實亦只係一場誤會, 但…」 巧兒望住子健部電腦。
「但, 如果…你唔介意嘅話, 我想….」 巧兒正在吞吞吐吐住, 「我想….我想…代替芷姍姐姐咁…再比多你一次, 咁做就當係我地多謝你今次嘅幫忙咁啦, 好唔好呀?」
子健聽到後即時大驚, 「巧兒, 妳唔好誤會我呀, 我今次幫妳地嘅原因…其實亦係要多謝番妳上次救過我嘅一命, 至於響日本果次, 講真, 我知道左真相之後其實亦真係覺得好內疚, 我….」
巧兒已經上前將子健攬實左, 「子健, 我就係知道你個心仲係會向住芷姍姐姐, 所以我先至敢向你有咁嘅提議, 不過你可以放心, 我係唔會將件事話比任何人知, 同我亦絕對唔會令到芷姍姐姐難過嘅, 就當係你比次機會我, 等我個心會好過的啦, 好唔好呀子健?」
巧兒正抬頭望住子健, 懷中亦實在太過軟肉溫香, 子健一時三刻個腦已經十分混亂, 但身上肌膚緊貼嘅感覺亦實在令禁慾左一排嘅子健有的開始控制唔住, 褲擋內亦經已慢慢地充住血。
呆左一陣, 子健對手亦已慢慢咁開始攬住巧兒, 兩個人正感受到對方嘅急速心跳, 終於, 堤壩最終都要崩潰, 兩個人經已四唇緊貼住, 錫左一陣, 子健行去輕輕關左度房門之後, 兩個人跟住就上到床上準備住下一刻嘅美事發生。
客廳內, 大門響起鎖匙開門聲音, 「唉, 又會咁大懵嘅, 連銀包都會唔記得帶嘅!」 可兒入左屋之後, 正行去飯枱度攞番起個銀包之際, 「唉…唉…唉…」 一陣陣微弱嘅呻吟聲響正響子健房間入面傳住出黎, 巧兒緩緩咁行到房門之外正靜聽住。
係巧兒把聲, 可兒已經知道房內個女正同緊邊個響度做緊的咩嘅一回事, 但見可兒諗左一陣, 跟住見佢搖一搖頭咁苦笑左一吓, 然後就再慢慢咁向住屋外行去, 繼而再好小心咁將度大門輕輕地關上。
(待續)