湯浴火重生

－序－


大家好，我係湯佬。

事隔唔夠一個禮拜，【湯佬淫記】嘅「第二話」又嚟連載。

因為呢篇稿先前已經儲落，所以先出得咁密。我嘅習慣係，篇故事一日未寫完，一日都唔會放上嚟住，無謂爛尾丫嘛。

相對嚟講，一個故事結束，至另一個故事開始，當中會隔幾長時間，我都唔知。

有讀者講過《苦惱的外甥女》得十二集太短，唔夠喉。咁今次就更加唔好意思，因為呢篇仲短，畀定心理準備大家。

等我有返咁上下空檔、心力、體力（係呀，寫嘢都要體力。先前病咗一病，收咗皮，咩都寫唔到住，工又要照返，唉），先計劃一下寫長篇（故事已經有。講過，取材自本人經歷）。而家，暫時都係以少食多餐為主。

【湯佬淫記】第二話――《醜美人•老闆娘》，寫嘅，係一份情懷。我對故事中嘅女主角，到今日為止，仍然心存感激。

希望大家會鍾意。

故事每逢星期一、三、五上載新一集，直至完結。

例牌。睇咗，係鍾意嘅，唔該按下推薦，畀啲動力我；有咩感想，留言講低，有心嘅留言我一定覆。

Enjoy。


[ 本帖最後由 湯浴火重生 於 2015-3-20 01:14 AM 編輯 ]

湯浴火重生

【湯佬淫記】

第一話# 《苦惱的外甥女》
http://www.188channel.com/viewthread.php?tid=24330759&extra=page%3D2


第二話# 《醜美人•老闆娘》

（01）茶記蘇菲亞羅蘭　　　　- P.1
（02）食女心經　　　　　　　- P.2
（03）黑鮑的反射記憶　　　　- P.2
（04）三淺一深　　　　　　　- P.3
（05）我只可以幫你出嘢　　　- P.3
（06）再見，我的蘇菲亞羅蘭　- P.3

－完－


第三話# 《Cyber劇場 の 大肚淫母》
http://www.188channel.com/viewthread.php?tid=25369705&extra=page%3D1



[ 本帖最後由 湯浴火重生 於 2015-12-14 10:01 PM 編輯 ]

湯浴火重生

　　三十歲嘅時候，我仲未升到而家呢個位。於是，好多大大小小嘅雜務都要攬上身。其中一樣，就係要落去工業區同廠商交涉。

　　嗰陣香港嘅工業已經式微。有啲廠就算未執，其實都只係留住一間辦公室或一個倉，用嚟存放成品，安排配送。正式製造嘅工序，已經交哂畀大陸啲廠去搞。

　　呢間位於葵涌嘅印刷公司就係咁。

　　當時我一個禮拜至少要落去一次，同佢哋嘅「廠長」跟進各式各樣嘅排版細節，亦都要同佢哋「運輸部」（一個倉管，一個倉務，一個司機）個阿頭溝通，確保每一次出貨去門市嘅日期無誤。

　　以上嘅工作，刻板而沉悶，相信看倌們都睇得唔耐煩。但我當年身處其中，未曾詐型。相反，每個星期「落區」一至兩次，係我少有期待嘅「出差」。工作內容本身唔痛苦，而且好快就搞掂，通常只會花我一個上晝嘅時間。Lunch Time開始，至到返公司打咭之間，所有時間都可以畀我嚟「吞卜」。

　　當時，我成日去印刷公司對面馬路嘅工業飯堂食飯。開始嘅時候，係貪方便同貪平（十八蚊一碟牛腩飯連餐飲，而家見到呢個價都唔敢叫）。後來，係貪嗰度「環境好」。

　　「常餐，要火腿奄列，腸仔烏冬，走果撻，方包轉多士，凍啡。」

　　「一輪嘴咁，咪又係次次都一樣！」

　　「證明我長……」

　　「吓？」

　　「長情呀，吞口水都唔畀。」

　　「好無聊囉你。」

　　老闆娘落完單，就行過去水吧嗰邊交帶，期間嘴角嘅笑容一直無消失。

　　我望住老闆娘嘅背影，覺得今日「環境唔錯」，因為老闆娘又着咗黑色窄身牛仔褲開工。

　　窄牛，如果係啲Model着，長腿翹臀，當然係好多麻甩佬嘅至愛；不過我偏偏鍾意睇另一種形態嘅窄牛，即係好似而家嘅老闆娘咁。

　　老闆娘睇得出後生嗰陣係瘦底，但（應該）喺缺乏運動同無注意飲食習慣之下，身上多咗廿磅贅肉，分佈喺手臂，大髀，同蘿柚上面。於是，我而家見到嘅蘿柚係有啲軟肉橫生嘅，同佢嗰條尚算Keep得到嘅腰形成沙漏狀。

　　亦即係嗰啲成日會畀老人家誇獎「好生養」嘅大Pat Pat。當然，如果遇着真正嘅肥婆，都無人會好意思讚佢好生養。只有健康嘅肉感，先會令我覺得性感。

　　老闆娘個蘿柚，就係我最想貼碌鳩上去磨爆嘅類型。只要一諗起會畀佢Pat Pat啲肉包圍同擠壓，我就會有衝動想娶個咁嘅老婆。

　　不過，最令我對老闆娘感性趣嘅唔係佢個蘿，而係佢個樣。

　　老闆娘望落去大概三十六，七歲，戴黑框眼鏡，眼皮有少少下垂，鼻樑有啲過長，厚唇，棚牙好大好凸，唔笑嘅話都好似有啲嘢含住喺口咁；皮膚開始粗糙鬆弛，所以點睇都唔會畀人覺得佢仲係後生。

　　無錯，老闆娘係醜女。

　　不過，如果將我以上描述嘅眼耳口鼻擺埋一齊，又出奇地令人覺得有一股魅力撲鼻而嚟。即係呢，醜還醜，但幾好睇。唔係睇耐咗覺得順眼嗰種，而係第一眼見到就覺得「正呀」嗰種。

　　唔知大家有無咁嘅經驗？

　　而我，湯佬，就經常發掘到一啲「醜女人」嘅美態。

　　六、七十年代，意大利有個極紅嘅女影星──蘇菲亞羅蘭。佢當年嘅綽號，叫做「醜美人」。

　　老闆娘，就係我心目中嘅「茶記蘇菲亞羅蘭」。

　　諗落，香港嘅影后羅蘭姐，後生嗰陣都幾睇得丫，哈哈。

　　唔好屌我眼光獨特，事實係你未夠老實啫。

　　「靚仔，你喺呢一頭返工㗎？耐唔耐都見你嘅？」老闆娘幫我擺低杯凍啡，見到咗下午茶時間，個場靜靜哋，就走嚟撩我。

　　「唔係喎，我公司喺灣仔。」

　　「吓？灣仔落到嚟呢度食飯？」老闆娘好大反應。吹水都咁投入，證明係性情中人。

　　「無計啦，呢度啲嘢好食，靚女又多，唔幫襯多啲點得。」

　　「靚女？無女喎呢度。」老闆娘指向飯堂四角，全部都係叔伯兄弟，牛頭馬面。

　　「靚女，喺我心目中一個已經好多。」我望住老闆娘。

　　「妖！」老闆娘笑住大手一揮。我覺得佢係想講「屌！」，但返緊工，落過Order都係客，未敢咁猖狂。

　　其實，我隨時歡迎佢「屌」我，用口；而我，就用鳩。

　　老闆娘──我心目中嘅茶記蘇菲亞羅蘭，就係咁大情大性，不拘小節。

　　又有一日，老闆娘企喺張凳仔上面，呻吟連連。

　　原來佢係想搬吊櫃箱公仔麵落嚟，但佢五呎半差兩吋，對手唔夠長夾實個紙箱。

　　我見飯堂班壯丁距離尚遠，而我就坐喺隔離，於是一個箭步埋去托住佢。

　　「衰仔，係幫手嘅話就企上嚟幫我攞啦，攬住我托咩！」

　　「我以為你要跌丫嘛。」我唔捨得離開佢個蘿。雖然無得搾，但用手攬住都夠哂滿足。

　　「跌你條命呀仆街仔！」

　　我見佢咁多嘰屹，於是貪玩，一手拉張凳仔埋嚟，企上佢後面，伸手上去幫佢搬箱，賓周就頂到佢個蘿實一實。

　　好肉緊、好貼身啊。證明我眼光無錯，老闆娘個蘿係當打嘅。

　　「喂，你等我落返嚟先丫嘛！」

　　我得了便宜還賣乖，笑住話：「又係你叫我上嚟嘅？」

　　「山腳」班夥計見到我同老闆娘攬埋一舊，齊齊起哄。「好撚浪漫呀，里安納度同肥閪絲莉呀！」當中仲有個傻佬喺度哼起《My Heart Will Go On》。

　　「你班死仔！」老闆娘甩開我嘅懷抱，返落去屌鳩班阿叔。

　　又有一晚，我臨收工前畀當時嘅大佬（我哋嗰行嘅猛人，但幾年前走咗去自己搞公司，跟住先到我上位。至於佢間公司，捱咗三年就摺埋）屌咗鑊甘，心情陷入谷底。最應棍嘅，佢唔係亂屌我，而係我嗰次真係抵屌。所以我先咁在意。唔係嘅話就當佢唱歌啦。

　　落到公司樓下，我睇下錶，下晝五點半，我飛的落去葵涌。

　　「餐蛋麵，齋啡。」

　　老闆娘拖緊地，估唔到我會呢個鐘數過嚟。「靚仔湯，我哋準備打烊喇喎。」

　　「收哂爐喇？」

　　老闆娘望下大廚，大廚聳聳肩。

　　「咁剩係畀杯齋啡我得喇啩？」

　　老闆娘唔出聲，行入水吧沖咗杯齋啡畀我。無耐，班夥計陸續收工，鐵閘落地，只係開住道閘門。

　　我杯齋啡未飲完，唔想走。

　　老闆娘唔知去咗邊。而我就戇居居咁望住天花板嘅白光管，咩都諗唔到。

　　然後，有人喺我張檯放低一碗餐蛋麵，同一份牛油多。

　　我望住老闆娘，佢話：「慢慢食，食埋先走都未遲。」

　　我慢慢咁捉住佢隻手，拉佢埋嚟，攬住佢。

　　佢無再「妖」開我。



[ 本帖最後由 湯浴火重生 於 2015-3-9 09:34 PM 編輯 ]

jessica413

又比雲b快過我，唔制啊

loyanpai100

噢，工廠食堂。

Nicole@Baby

又有新作wo.....支持下先@@啲文長有長好，短有短好，好過無得睇，你講到甘負責任唔會爛尾既，甘我一定入黎覇定個令位

waikl28

支持，支持

湯浴火重生

引用:

原帖由 鋒馬故如雲 於 2015-3-9 09:38 PM 發表
咁快又扯起？ Wow⋯⋯

埋位食頭圍，霸咗位先睇

老馬又集郵。下下都畀你食頭圍，果然對「開齋」呢味嘢特別眷戀呀。


上次用青春可人嘅外甥女嚟滿足你嘅「喜好」（Okay，共同喜好），希望今次嘅「醜美人」唔會倒你胃口啦。

湯浴火重生

引用:

原帖由 jessica413 於 2015-3-10 02:03 AM 發表
又比雲b快過我，唔制啊

Ka妹，講到「快」，你又點及得上你個雲Ｂ。佢喺我仲搞緊「後製」嘅時候已經埋位夾餸喇，你遲嚟啲分分鐘湯渣都無得食。:smile_42: