我笑笑口咁同佢講, 「係呢, 呢位同學貴姓呀?」 條仔有啲鬆毛鬆翼咁, 「我叫愛得華, 咁妳話我應該係姓咩咁呢?」 「哦, 咁呀華哥你平時係做邊個行業架?」 「我….咪做寫字樓工過囉!」 「蝦, 華哥, 睇黎你啲口才都算係叫做唔錯咁喎, 但其實咁點解你仲要黎呢度學點同人溝通咁呢?」
「我….其實…即係咁嘅 Miss, 唔怕老實同妳講啦, 平時我同人溝通, 講真, 其實就真係無咩問題嘅, 但最近…最近…我響公司度, 鍾意左一個女同事, 但唔知點解, 我響佢面前, 條脷就硬係好似打哂結咁, 攪到同平日瀟灑嘅我就簡直係判惹兩人咁!」
班上嘅人聽到之後就係咁笑住, 我即時示意大家唔好咁樣,「唔, 明白哂, 咁啦華哥, 而家, 你就當我係果位女同事, 而你就即管試吓諗吓你響佢面前, 你係會點樣先至可以同佢正常地溝通到啦!」
個靚仔華哥聽到咁, 即時就真係好似好認真咁, 見佢望住我透左一啖大氣之後, 「Stella, 我…我…, 唉……,即係…妳…妳…」 我望住佢笑住搖住頭, 「華哥, 你…係唔係…有啲野…想同我講呀?」 個靚仔無哂心機咁微微點住頭。
我細細聲咁鼓勵住佢要繼續落去,「殊, 講啦, 試吓講, 唔怕架, Stella 佢只不過都係一個普通人之嗎, 但如果你唔肯講嘅話, 咁佢就呢世都唔會知道你個心到底係會想諗啲咩架嘞!」
個靚仔好明顯係正在內心交戰住, 見佢又透左啖大氣咁點左一吓頭, 「咁好啦, 呼……, Stella, 我知我係有啲搪突, 呼….., Stella, 我….其實….唔知…可唔可以…可唔可以…(再透左一啖大氣) 唉, Stella, 我有啲鍾意左妳呀!」
我企左起身, 正行前啲咁企左響佢嘅面前, 我抬頭望住個靚仔一陣, 「華哥, 咁你試吓講我知, 你到底係鍾意我啲咩咁呢?」 個靚仔開始漸入佳境。
「Stella, 我鍾意妳個人夠純品, 我鍾意妳唔會戴住面具咁去對人, 我鍾意妳夠爽直, 我覺得同妳一齊, 我個感覺係會好舒服, 雖然我知我嘅家底比唔上 Richard, 學歷又無Simon 佢地咁勁, 但我可以肯定咁同妳講, 我一定會好好咁對妳, 而且, 我一定會傾盡我嘅能力, 將來一定會為妳帶黎幸福….同快樂!」
課室內正鴉雀無聲, 而我亦居然真係比個靚仔呢番說話感動到, 我慢慢咁捉住佢隻手, 「Edward, 你成功嘞, 我話你知, 如果我係 Stella 嘅話, 我一定會同你講我係會願意嘅!」 講完, 我再昂高個頭響佢個咀邊度錫左一啖, 全場即時嘩然, 跟住就再響起一片熱烈嘅掌聲。
個靚仔呆望住我, 「Miss…..我咁樣講….係唔係…真係可以會成功架?」 我再笑住咁同佢點一點頭, 「係, 比啲信心自己, 你咁講我覺得你一定係可以成功嘅!」
突然之間, 我覺得自己真係有啲叻叻豬咁, 好嘞, Next……
如是者我又搵左兩三個人出黎示範, 已經差唔多要落堂, 眾人嘅情緒依然繼續地高漲, 「好嘞, 仲有少少時間, 我地不如就再搵多最後一位同學出黎講講佢嘅問題先啦!」
我瞄吓班內後排果度, 我望住呢個由我行入課室內第一眼就已經留意到嘅鬼佬, 個鬼佬知我望住佢, 見佢笑左一笑咁指吓自己, 我亦笑住咁向佢點左一吓頭。
嘩, 果然真係好高大呀, 個膊頭又夠橫, 啲胸肌又勁, 個樣又型, 我個腦已經即時就諗緊同佢響床上果種感覺就應該一定係會好正嘅, 個鬼佬已經企左響我面前。
「哈…哈囉, 係呢, 我應該…同你講中文定英文先好呀?」 個鬼佬用啲唔咸唔淡嘅中文答番住我, 「Miss, 我以前個老婆都係中國人, 所以我都識得聽同講中文嘅!」
我笑住點左一吓頭, 「咁好啦, 係呢, 你不如就自我介紹一吓先, 同埋請你講吓你黎呢度上堂嘅目的同問題比我地知吖!」
「我叫做 Ronald, 今年 33 歲, 以前曾經有一個中國藉嘅老婆, 我地結左婚之後原本真係好開心嘅, 但直到有一日, 我老婆突然之間同我講話要同我離婚, 佢話開始覺我同佢已經溝通唔到同好悶, 而且….佢仲話佢已經有左人地嘅 BB……..」
我聽到咁, 一幕幕似曾相識嘅刺痛回憶即時又再響我心內浮現住
[
本帖最後由 mandy2013 於 2015-10-5 03:48 PM 編輯 ]
