第四十二章 (色魔哥哥 – 3/5 卷)【Mandy 執筆】
條蜥蝪仔有的知難而退, 見佢起身走左之後, 突然, 好快地再有另一個男人跟住就坐左落黎, 哦, 原來係碧琪個呀哥, 亦即係果個色魔呀 Ray。
「Hi Jenny, 咩咁啱嘅!」 條友一坐低就係咁喪鴿住我條波罅同短裙處嘅一對大脾, 我即時翹住隻腳再媚住對眼咁應番住佢, 「係囉, 又會咁啱嘅!」
條友笑左一笑咁再講, 「咩妳成日都落黎呢的地方度搵食架, 點呀, 咁今晚妳發左市未呀?」 哦, 咩佢又知我係落黎呢度搵食架。
「哦, 今晚成晚坐親響你呢張櫈度嘅人都唔係咁掂, 似乎今晚我都係無咩著落架嘞, 所以, 我打算都係坐多一陣間就會走架嘞, 呀, 係呢, 咩你唔使去廁所度睇吓你的女朋友嘅咩? 佢地似乎入左去都好耐吓咁囉喎!」
個呀 Ray 聽到我咁講, 見佢面上即時有的好詭異嘅表情咁又托左一吓副眼鏡咁, 「Jenny, 其實, 大家落黎呢度都係有個共同目的, 既然係咁, 咁不如今晚我地就唔好再花時間咁再去另搵目標囉, 我地不如而家就一齊出去搵個地方….」
又輪到我笑番一笑咁同佢講, 「哦, 咁又真係好似幾嘥時間咁喎, 不過, 我又好似未曾試過同的通緝犯一齊去攪野嘅, 而且佢仲要係我的同事嘅呀哥黎添, 好對唔住, 今晚我無咩心情, 就咁失陪先!」
講完我就起身走人, 行到出酒吧外, 我見到有個女仔正哭喪住面咁帶住幾個警察咁四圍行住, 「呀 sir, 我果先仲見到上次強姦我果個男人就係企左響呢度, 我估佢可能係入左呢間酒吧入面!」
我即時瞄吓酒吧入面嘅呀 Ray, 見佢依然仲係坐左響頭先張櫈度, 唉, 人地嘅呀哥, 強姦犯, 望住的警察同個女仔入左去酒吧, 而果個呀 Ray 亦好警覺咁跟住就起身向住後門方向咁行左去。
公司內, 「碧琪, 一陣有無約人呀? 不如我地一齊出去食 lunch 吖!」 餐廳內, 我同碧琪正閒話家常, 「呀係呢碧琪, 其實妳呀哥佢有無女朋友架?」
碧琪食住飯咁答我, 「佢, 以前好耐之前都有拍過吓拖咁嘅, 不過果陣時佢識親的女朋友都係好惡嘅, 成日都將佢鬧到死咁滯, 跟住到佢同的女朋友散哂之後, 就好似無再聽到佢話有拍拖嘞!」
「哦….., 咁妳知唔知你呀哥…係咪成日…都出夜街架?」 「咦 Jenny, 做咩妳好似咁關心佢咁嘅, 唔通妳…..」 碧琪正古古惑惑咁望住我笑住。
是日星期日上晝, 出面天色陽光普照, 今日約左班同事去人地屋企度玩瘋狂生日派對, 而我心情亦正在大好, 我一早起身沖完個熱水涼之後, 跟住我就攞左響呢幾日買果的靚靚巴巴底底出黎試吓。
望住塊鏡入面嘅三點式自己, 我正姣住咁響度自言自語住, 「小姐, 賞面同我執番劑嗎? 哈, 咁無黎情趣, 唔, 再黎, 小姐, 我一見到妳, 我嘅身體就唔知點解會咁不受控制, 唔知小姐妳可唔可以…為我解除身體上呢一刻嘅煎熬同痛苦咁呢？ 哦, 好呀, 黎啦, 我等緊你呀….哈哈哈….」
電話響起, 哦, 係碧琪打黎, 「喂 Jenny, 佢地話一陣會響光仔間舊樓天台度開趴地, 而家佢地仲買緊野, 佢地話一陣先通知我地幾點鐘同會響邊度等埋一齊先上去喎, 到時有通知我先再 whatsapp 比妳啦!」
好快, 碧琪已經 send 左個集合時間同地點比我, 碧琪 send 完訊息比我之後, 跟住佢又再入番房度繼續試衫, 呢個時候, 呀 Ray 正響房度行左出黎, 見佢望吓枱面碧琪果部電話, 跟住佢就攞起部機正襟住的 whatsapp 訊息黎睇緊。
過左一陣, 我部電話又再響起訊息提示, 係碧琪再 send 訊息過黎, “地點已改, 會響九龍城打鼓嶺道 x 號的天台等, 時間不變!”
我望完之後縮一縮膊, 跟住就繼續啦啦啦咁試住的新巴巴同底底,
到左九龍城, 已經企左響碧琪話果個地址嘅樓下度, 我抬頭望吓, 哦, 得果五六層樓倒, 都唔係好高啫, 我開始行上樓度向住天台方向上去。
我一路行住上去, 點解層層樓都好似唔見有人咁嘅, 唉, 唔好理嘞, 就上左去先至算嘞, 我一路行住上去, 已經行到上三樓咁滯, 四圍都仲係好靜咁。
就黎上到去嘞, 我繼續行住, 突然, 面上突然一涼, 頸已經比人從後正大力咁箍實, 「唔想死嘅就精精地咁唔好發出聲響!」 我望住把菜刀正響我面前搖晃住, 嘩, 大佬呀, 你話要點咪點囉。
(待續)
