第七章 (舊同事 - 上)【Mandy 執筆】
公司入面個同事菲力最近遞左辭職信, 菲力雖然差不多已年屆五十歲, 但外表都仲叫 keep 到四十歲左右嘅外貌, 而佢響同事們中都公認為係一個好好先生, 不過響一年多前, 佢嘅老婆因病而離世後, 自此菲力就變得比較沉默寡言。
工作期間, 菲力亦曾教過我唔少工作上嘅野, 而且佢對人嘅態度亦算好真誠同上心, 好多公司內嘅同事曾經講過嘅事佢都會記住響心度, 所以, 佢算係公司內少數會受到我地尊重嘅人。
呢一晚, 我又如常單獨咁四圍去泡, 「珍尼…」 我向住嗌我嘅方向望去, 哦, 係菲力。
「菲力….」 菲力行到我嘅身邊, 「珍尼, 咩原來真係妳黎!」 菲力同我響附近嘅餐廳處坐低, 我地各自叫左杯凍飲之後, 跟住就再繼續傾計。
菲力 : 其實我響呢頭夜晚已經見過妳好多次, 不過就唔敢肯定會唔會係妳。
我 : 係呢, 聽講你會番加拿大喎, 咁幾時會走呀。
菲力 : 下個禮拜就走, 係呢珍尼, 妳而家同日頭嘅感覺, 真係好似判若兩人咁, 我有時見妳同的唔同嘅陌生男人….., 珍尼, 妳咁年青, 而且我知妳仲係單身, 不過妳都唔好咁樣黎作賤自己啦, 不如就正正經經咁搵個男人走去拍吓拖咪仲好。
我無出到聲, 手正揸住支膠捧攪住杯涷飲
我 : 係呢菲力, 我想知道, 你地的男人, 係唔係但凡一見到的稍具姿色嘅女人, 個腦入面就總係會諗住要同佢地上床咁呢?
菲力 : (諗左一陣) 大致上都會係, 但我亦唔敢話自己係正人君子, 不過自我老婆死左之後, 我原本都有同另一個女人響埋一齊, 但, 當我地一去到床上, 唔知點解, 我就硬係無辦法提起勁力去做果會事, 腦入面總係會諗起我嘅老婆, 果刻我就係有一種對唔住佢嘅心情咁。
我 : 但人都走左成年, 你終需都要搵過另一個人而忘記過去架。
菲力靜左一靜
菲力 : 唉, 就係咁樣, 而家有個女人肯應承同我過加拿大, 但我同佢之間又係為左呢會事而覺得極度煩惱, 唉, 呀, 係呢珍尼, 妳成日都同我借果的黑膠碟, 我呢次要走都唔想擰太多嘅野, 不如我就將所有嘅黑膠碟都比哂妳啦。
我 : 咁多, 我邊擰得哂呀, 而且我都唔係隻隻都要。
菲力 : 咁就不如搵日妳自己上黎揀嘞, 呀, 係喎, 我就住響隔離街度, 咁不如而家妳就自己上黎揀咪仲好。
我同菲力上左樓之後, 入到屋內, 菲力已經一喼二喼咁放哂的行李響廳度, 菲力示意我果的黑膠唱片之處, 「珍尼, 妳就自己摷吓邊的鍾意就攞去啦!」
我緩緩咁行過去, 一大堆黑膠唱片正放左響一個木柜之上, 我一邊揀住, 一邊望緊菲力嘅屋內四周, 好多唔同大細嘅相架正放左響屋內四處, 相入面正正就係菲力同佢老婆果的合照。
菲力一邊自己執住野, 一邊不時望下果的相架內嘅照片, 似乎菲力仲係好掛住佢老婆咁樣, 揀左一堆唱片之後, 我望住菲力嘅背影, 唔知點解, 我好似洞悉到佢心入面果種思妻嘅情緒, 佢始終都係放唔低佢同佢老婆一齊果種嘅感覺。
我呆望住佢多一陣, 跟住, 我慢慢咁起身, 將佢到處嘅相架統統拍低響檯面, 我行到菲力身邊, 將最後響佢面前呢個相架都拍低埋, 我坐邊佢側邊, 靜靜咁望住佢。
我 : 不如嘗試吓唔好再諗, 我知你老婆都唔願意見到你會係咁嘅。
菲力望住我無出到聲, 我地之間又靜左一陣。
我 : 菲力, 以前我都試過有好多野係放唔低, 但自從諗通左之後, 發覺做人係唔可以永遠停留響某一個階段, 菲力, 你就試吓學我咁, 盡量將以前嘅事統統都放諸腦後, 咁樣對你將來或你身邊嘅人都會係好過一的。
菲力 : 珍尼, 妳以前曾經有過的咩事係令妳放唔低架?
我無答到佢, 我地繼續響度對望住, 菲力咪埋對眼, 等左一陣, 跟住就抖左一啖大氣
菲力 : 珍尼, 或者妳係講得啱嘅, 我都應該比個機會自己, 同再比個機會人地, 但始終, 我仲未知道自己能唔能夠做得到?
我諗左一陣, 個心好似有左的決定咁, 我企左響身, 跟住伸手向後咁將我件低胸連身裙嘅背後拉鏈開始拉低, 菲力見我咁, 即時呆左一呆咁。
菲力 : 珍尼, 妳…..
我 : 你而家試吓, 睇吓係唔係可以做到能夠拋開亡妻嘅思憶, 如果你能夠做到嘅話, 咁你將來就可以同另一半過番一的正常嘅家庭生活架嘞。
低胸連身裙已經跌到地上
(舊同事 - 待續 Pg. 8)
[ 本帖最後由 mandy2013 於 2014-4-15 04:52 PM 編輯 ]
