第18集
沖完涼之後,我地先記得未食蛋糕,我整的係普通海綿蛋糕,有少少cream,用朱古力筆寫左”Happy Birthday”
「我可以食到穎穎整的蛋糕呀!好開心」佢攬住我,錫左一陣
正準備點蠟燭時,發現我冇帶黎,好彩阿楓屋企有
不過點蠟燭時,我地爭住點,唔小心滴左d蠟去佢隻手
「哎呀!快d去沖下水啦」
「冇事呀,唔係好熱!」
許願,吹蠟燭,再送埋鎖匙包之後,阿楓好主動咁抱起我,坐上佢大脾,餵我食蛋糕
「又唔係我生日…應該係我餵你呀」
「可以服侍你,令你開心,就係我最好的生日」
「楓楓學壞喇,愈來愈口花花! 」我拖住佢隻手,玩佢d手指,發現頭先比蠟滴到的手指仲有d紅,我輕輕掃左幾下
「仲痛唔痛呀?都係我論盡啦,搞到你生日都比人SM」
「唔痛呀…而且SM都唔係用呢D蠟..」
「你有試過咩?」
「冇…梗係冇啦…真係冇!」
咁迫切否認….即係有古怪啦,不過佢生日,暫時放過佢
就喺呢個時候,阿楓的電話響,原來係佢朋友JASON同阿俊,想搵佢食飯慶祝生日
阿楓望下我,好似有D為難咁
「你帶埋我去丫….或者我自己返屋企都得,我地都食左蛋糕,唔緊要的」
結果我都跟埋去,約左7點打邊爐
時間尚早,我地又做左兩次先出去,嘻嘻,我今日比佢餵飽哂
打邊爐時,我地冇刻意講我地拍緊拖,(我地應該係拍緊拖掛…我當阿楓係男友架喇),而JASON同阿俊都係叫我阿穎,好彩冇叫我阿嫂….佢地的食量真係好恐怖...已經食左十幾碟肥牛....好彩係任食....
大約食左一個鐘,我發覺自己應該醒目D,自己走先,唔好阻住佢地幾個男人吹水
「我走先喇…有功課未做完」
「咁我都走喇」阿楓都即刻起身,我將佢拉返低
「我自己返屋企得喇,你地繼續食啦」跟住我就拎銀包出黎,究竟我應該比幾多錢呢?楓楓生日,即係將單除3啦…但佢地D啤酒另外叫…
「唔駛啦…你仲係中學生」
「你地都係學生啦….大學之嘛..」最後佢地只係肯收二百…真係唔好意思喇
阿楓送我落樓,我以為佢會再攬下我,或者同我咀咀,但咩都冇…衰人黎架!!結果又係我主動攬佢,喺佢耳邊講「陣間食多D雞子….補返下晝….嘻~」
佢面都紅哂,我就再錫佢一啖先放開佢
<待續>
我以為上集的床戲會令大家多D留言,點知你地只係掛住主角未食蛋糕
我寫甜故,唔係寫食評呀:smile_27:
不過大家咁鍾意食,我就寫埋打邊爐啦
順便賣下廣告,呢篇係我以前寫的故事,在餐廳內發生,有腸腸食~
http://www.188channel.com/viewthread.php?tid=24467995&extra=page%3D1
[
本帖最後由 可可queena 於 2015-12-7 12:06 PM 編輯 ]
