AiUehara

~最終章~

自從果次同Elizabeth分開左之後，我繼續過我簡單平凡既生活，而小妖精亦已經慢慢淡出冇再做model ，開始過佢婚後奢侈浮華既新生活。據我所知，結左婚冇幾耐，佢先生就為佢搞左Elizabeth第一個只係屬於佢自己一個既寫真展覽，規模都幾大。雖然個心有D酸酸地，不過佢能夠搵到一個願意為佢付出既好男人我都好開心。





為左盡量忘記依個曾經令我好著迷既女人，每日只為工作而工作，希望自己可以用多次依個方法尼麻醉自己唔好想諗佢。但好可惜事與願違，經已過左一個月又一個月，已成為人妻既Elizabeth依然係我不斷腦海入面出現，無論我做D咩，好似都忘記唔到二零一二年十二月十二號依一日同埋依個女人。或者，小妖精已經係我心入面佔左一個任何人都代替唔到既位置。



不過日子就算再難過都始終要過，即使得番一個空殼都好，我都要繼續做好我既野，我係時候要重新過番屬於我既日子，唔可以再俾其他人影響到我既專業。講番D開心野先，果個死仔Joe唔聲唔聲竟然同Elizabeth個助手Rebecca (果一晚出左去幫手買外賣果個) 係埋左一齊，真係估佢唔到竟然冷手執個熱煎堆！不過...話唔定佢係我背後真係好左好多野既~ 希望佢有拖拍真係可以令佢更加定性，做人有番D責任感，唔好再咁乸西就好。




(Rebecca、完美女助手) 小妖精既女助手；眼大大，個樣同身材都幾好。

我真係唔知個天係咪有心整蠱我，正當我開始慢慢忘記Elizabeth，盡量唔再諗佢既時候，一封令我重新同佢連番係一齊既信透過掛號寄到我工作室。


我最愛的Oppa：

        我哋好耐冇見喇，您最近幾好嗎？對唔住呀！自從結咗婚之後，佢成日派人喺我身邊跟出跟入，番到屋企我又離唔開佢嘅視線範圍，所以冇辦法可以同您喺電話暢所欲言，希望您可以原諒我啦！
        好啦！入番正題先，您見唔見到支驗孕棒呢...今次專登寄依封信比你嘅目的其實係想比嗰驚喜你㗎，登登登櫈... 恭喜您呀！Oppa，您要做人A ba喇~~~！
        好想講嗰秘密您知，其實12月12號果次我喺冇食到藥，因為您嘅關係，我已經停左冇食避孕藥好耐，而同佢行房果陣我都有戴套，所以計番時間我都好肯定我肚入面果嗰係您㗎。但我發誓我真喺冇諗住比任何壓力您，只係想您知道有人幫您繼後香燈。放心啦！我哋個BB嘅生活一定會好好㗎！我會好小心唔會比佢我察覺我哋兩嗰嘅愛情結晶嘅真實身份，如果佢問起，我可以話係因為意外，一定唔會俾佢拆穿。


Oppa，我愛您！

E.

(PS：Oppa = 韓文 哥哥/老公；A ba = 韓文 爸爸)


天意弄人，人生就係咁變幻莫測，就好似做戲咁。當我準備收拾心情，以為同小妖精既親密關係終於要劃上句號既時候，原來，我地驚心動魄既故事只係岩岩開始。

全文完

多謝支持

【圖文並茂】系列

(一) 屬於我們的秘密

(二) 戀上頂級女Model

[ 本帖最後由 AiUehara 於 2016-4-22 12:13 PM 編輯 ]

慢嘗君

多謝作者完成故事

個故事都幾有趣, 開頭係食女故, 以為食完就算, 點知有下文, 仲變咗奇幻故, 最後又變成愛情故, 好似過山車咁







[ 本帖最後由 慢嘗君 於 2016-4-18 10:48 PM 編輯 ]

hongsiu168

唔錯，結局有心思，等你的新作品！

AiUehara

引用:

原帖由 慢嘗君 於 2016-4-18 06:01 AM 發表
多謝作者完成故事

個故事都幾有趣, 開頭係食女故, 以為食完就算, 點知有下文, 仲變咗奇幻故, 最後又變成愛情故, 好似過山車咁

多謝師兄支持！真係唔好意思，更新得咁慢。唔知依個故仔會唔會令讀者睇到一頭霧水，或者覺得寫得唔係咁好，不過往後我仍然會努力改進，希望你睇得開心同覺得有驚喜

AiUehara

引用:

原帖由 hongsiu168 於 2016-4-18 07:17 AM 發表
唔錯，結局有心思，等你的新作品！

非常感激師兄一直對依個故仔既支持，更新得咁慢真係唔好意思，要你久等。你地既留言就係我創作既動力，希望你會鍾意依個結局同變化咁大既劇情

[ 本帖最後由 AiUehara 於 2016-4-19 12:15 AM 編輯 ]

kingofice

though the ending is not as intended the theme is clear n acceptable    good     please keep on with another well planned article

慢嘗君

引用:

原帖由 AiUehara 於 2016-4-19 12:05 AM 發表


多謝師兄支持！真係唔好意思，更新得咁慢。唔知依個故仔會唔會令讀者睇到一頭霧水，或者覺得寫得唔係咁好，不過往後我仍然會努力改進，希望你睇得開心同覺得有驚喜

嚮呢版, 故仔冇難尾已經好好了!

唔覺一頭霧水, 不過雞蛋裏挑骨頭總是可以的, 例如 (唔好介意):

1. 小弟冇食過 model, 不過照計 model 好錫身的, 因為小小花痕都可能開唔到工, 所以 Elizabeth 玩得咁激有啲誇張

2. Elizabeth 點解愛上主角? 仲冒險為佢留種? 佢地除咗上床冇其他交流喎, 因為主角性技出色? 咁更加唔應該懷孕啦, 大住個肚仲點做?

3. Elizabeth 老公係咪傻的, 自己要帶套, 但老婆大咗肚, 點會唔問此子何來?

But anyway, 以甜故計呢啲只係小事, 不過如果可以避免犯駁, 故事便完美了

期待新作

633777

好豐富既文,色色既現實愛情故事～好得:smile_o12:
不如又寫下續文,講Elizabeth老公知道一切,愛反面就係恨,報仇Elizabeth,男主鬥智鬥勇解救丫!

AiUehara

引用:

原帖由 kingofice 於 2016-4-19 04:13 PM 發表
though the ending is not as intended the theme is clear n acceptable    good     please keep on with another well planned article

Thanks for your opinion. I understand this story is not very well and not clear. But I will try my best to improve that step by step. Lastly, many thanks for your support.

AiUehara

引用:

原帖由 慢嘗君 於 2016-4-19 07:12 PM 發表


嚮呢版, 故仔冇難尾已經好好了!

唔覺一頭霧水, 不過雞蛋裏挑骨頭總是可以的, 例如 (唔好介意):

1. 小弟冇食過 model, 不過照計 model 好錫身的, 因為小小花痕都可能開唔到工, 所以 Elizabeth 玩得咁激有&# ...

絕不介意，非常多謝慢嘗君兄詳細說明再加上深入既見解。依個故仔的確寫得唔夠細膩，唔少地方我都覺得可以再寫得好啲，礙於時間有限，而且寫作技巧仍有待改進，希望多多包涵。