恭喜馬老雲又完成一篇力作。
《辦公室豔遇》係馬如雲採用「一夜式」嘅際遇去描述嘅一篇趣文，由始至終嘅情節都發生喺一晚之間。如果有睇開佢作品嘅讀者，可能會覺得呢種手法有啲熟悉，就係馬如雲嘅前作《澳門奇遇》喇。
所以，喺我眼中，《辦…豔遇》其實就係《澳…奇遇》嘅姊妹作。
當然，論架構、氣勢、規模嚟講，《辦》只算係小品。《賤男性事錄》同《義嫂》先會歸類為「大作」。「馬如雲」喺《賤男》入面嘅愛慾交織、喺《義嫂》入面嘅離奇交錯，精彩嘅劇力之中同時亦照顧埋「以文起機」嘅讀者（嘻，包括我），可以話係業餘界入面嘅甜故作者中無出其右。
相反，寫小品嘅重點在於「信息傳達」，「情節」一環可以相對減輕，自由度更大，亦能夠更輕易咁表達作者嘅想法、感情。
「馬如雲」與其話係《辦》入面嘅主角，倒不如話係故事入面嘅「旁觀者」，實則係由兩種女性嘅角度去呈現返現代社會嘅感情觀（LeAnn嘅長年等待／單思）、社會定位（Monnie嘅處境）、性觀念（LeAnn交出以獲得心靈慰藉、Monnie交出以獲得生活保障）。
有幸因為湯佬私下嘅生活圈子同文章，而令到馬老雲得到靈感去寫成一篇作品以享讀者。又一篇好文共享，多謝。
期待下一篇《她來自江湖》。
