引用:
原帖由 kellylo4ever 於 2015-4-16 01:59 AM 發表
各位師兄師姐,我真係有反省既。我諗我都係會繼續相信我男朋友,性嗰方面,我忍下就得既,真係多謝各位既意見。
樓主, 其實男友愛妳就會愛妳o既一切啦, 邊有得一part愛一part又唔愛架? 造o既時候仲會合埋眼... 咁直情係唔尊重妳啦, 攪到好似要蒙頭入閘咁辛苦咁!
其實樓主妳有無諗過佢咁樣其實係唔愛妳, 想妳死心o既表現呢? Sorry, 可能我咁講會直左o的但係安慰o既說話人人都識講, 兩個人拍拖, 要另一方受氣或難受並唔係必然o既... 其實咁o既情況, 點有可能係愛情路上, 繼續行落去呢?
樓主, 認真諗下, 一個咁o既男朋友, 係咪真係算得上係愛妳? 天涯何處無芳草? 我相信妳總會找到一個懂得欣賞妳o既Mr. Right! 加油!