引用:
原帖由 求贖罪 於 2017-10-10 09:18 PM 發表 
上網睇過D資料，同埋係呢度追post，知道HSV2係經皮膚接觸傳染，有冇案例或呢度的師兄咁不幸只係被打飛機都中？
咁問係因為既然共用性玩具係已知的間接傳染方法，同樣地如果女方摸完個西再幫男方打飛機時掂到割左包皮 ...
個人意見：
HSV(1、2)係 skin to skin contact 嘅病毒。
大家擔心嘅HSV2，最主要中招嘅源頭在於插入式性行為，例如陰道交同肛交。
感染位置極大部分係生殖器附近，屁股、大腿內側都係其中一個地方，只不過係較少。
感染HSV2需要緊密嘅skin to skin contact，即係性行為中嘅抽插過程，破損嘅生殖器皮膚或者無安全套保護嘅龜頭、包皮黏膜與病毒源頭緊密接觸，足夠接觸時間下，就構成感染風險。
呢到嘅skin係指較薄弱嘅皮膚，而不是手腳呢啲比較厚實嘅皮膚，呢到嘅skin多數係指boxer covered area(著孖煙通所包含嘅地方)。
→HSV2有喜好嘅特定地方。
手部、腳部理論上都可以感染HSV2，但條件係你有破損(非普通表面劃傷)嘅皮膚，再與病毒直接接觸而中招。
但呢種情況係屬於極少見，而且亦不是有效傳染途徑。
→不是有效途徑。
如果真係達到一個常見嘅感染途徑，那麼現實生活上，大家觸摸啲交通工具、握手等都會造成感染，長年累月，因為咁樣而感染嘅人就會增加到大數字。但現實上呢個情況冇發生。
→不符合實際嘅感染數字。
所以你話有師兄話因為手交而感染HSV2，咁就要做更深入嘅調查，例如佢地是否都係未曾有性行為？包括自己女友、老婆同埋性工作者？
多年前曾經有性行為，今日手交，下個星期有HSV2症狀都不能就100%歸咎手交，反而會更加相信係復發症狀，即係多年前已經感染過。
→難以去100%清晰知道呢啲特別個案嘅背景治療。據我所知，接著過感染HSV2嘅師兄，100%都係都係曾經有插入式性行為。
關於共用性玩具和互相手交嘅情況，理論風險係比上面所講嘅手→生殖器嘅風險高，但實際上不是高出幾多，因為都係不是直接接觸源頭。
想像下，差電話嘅時侯，您直接插入差電線3分鐘嘅電量較多？還是插2秒再拔出，隔10秒再插入2秒差電、重複10次嘅電量較多？
→而且性病病毒一旦離開人體就會become less active, 從而減低咗感染對方嘅力量。
反而上面嘅情況，性病細菌問題相對比較多機會中招。
師兄所講嘅情況，理論上有HSV2風險，但實際上如果因為咁而擔心甚至去做測試，似乎係過分憂慮。
PS.網上有好多資訊，但係好多都係東南西北去合併而來而且無進一步解釋，而medhelp 當年有開放醫生問答嘅時候嘅資料遠遠比前者更有參考價值。
兩位醫生 Dr HHH ,Dr Edward 係性病資歷、研究與直接接觸病人嘅臨床經驗，我諗香港暫時都幾難搵到類似嘅醫生。
