引用:
原帖由 小Koey 於 2024-9-26 08:46 發表 
嗯嗯，希望他或她是乖乖的小朋友，不要像我那样顽皮 😂
又黎講吓人生大道理
其實嘛, 首先ignore 羊媽媽較早前果番言論, 然後唔好將本宮既個別例子放埋入去一併考慮
我覺得對小孩子打罵懲罰係必須囉
本宮並唔係好信 "人之初性本善" 呢句話, 相反人生出黎係一張白紙, 整污糟佢 (學壞) 遠比整乾淨佢 (學好)來得容易
係真係容易好L 多, 好L 好L 多
其次就係有一個講法, 就係 "因果關係" / "cause & effect" 乃係全宇宙所有理論既基礎
所以亦應該係所有人整個人生應該要學會既第一個concept
做事做得好做得對, 必須要獎賞; 做左壞事事無大小, 就必須受罰
循循善誘耐心解釋係應該, 但亦應該發生在受完該受既懲罰之後作為安撫,
亦可以好似本宮阿瑪咁樣掉轉黎做, 先解釋左我錯乜然後
因為呢個錯,
所以現在要受幾多吓籐條
我作為被教育果方必須要自己點頭同意先開始罰, 否則有可能可以無止境咁一路對峙落去架
cause 係我呢個小孩做左d 我唔應該做既野, effect 或者 consequence 就必須係一d 我真切會感到難受既野, 比如疼痛
其他形成既懲罰比如扣零用錢/ 唔俾出街等等唔係唔得, 但只可以作為main course 以外既附加刑罰
舉例我俾老豆教訓, 然後要被打手板, 我唔認錯唔肯伸手出黎受罰, 呢個時候佢會俾我take my time
但每多一分鐘既不配合/ 死撐/ 狡辯/ 求饒/ 推卸試圖逃避受罰, 我下個月零用錢將會少 $x
當然仲有其他形式既附加刑罰啦, 但背後既concept 都係一個, 就係鍛鍊出果種承擔既勇氣
總結發言, 小孩子除非天生唔知點解就自然地聽教聽話從不百厭, 否則曳左就一定要打一定要罰
