首先，多謝樓主咁辛勞寫你同Athena嘅故事。
我絕對唔係咩道德Ｌ，但我自問我做唔到樓主咁瀟灑，我太太佢後生時，都有行差踏錯，有做過夜總會，仲要係＂木魚＂，之後又有做過啲經紀，亦有所謂嘅＂床單＂，後生時更好多所謂嘅男朋友，離過２次婚添，我唔係話要數我太太有咩唔好，我好愛我太太，我可以接受哂佢所有之前嘅任何情況／遭遇，我只有一個要求，只要佢而家只係愛我一個，咁我就絕對無問題，但如果佢話要出去玩，我真係無可能接受到，我承認我都應該係一個較傳統嘅大男人，但除此而外，我所有嘢都可以俾我太太話事嘅，我時不時就會好掛住佢、亦會同佢講，我每個月出糧都會過哂去佢戶口，而家我同太太都＂五張＂嘢喇，我哋１個月都會行埋幾次，絕對高過香港人平均中位數㗎。
我咁講，我唔係話要企喺咩道德高地講嘢，我都覺得樓主你可以放得開係好嘢，我亦覺得你哋嘅故事好精彩刺激，但我相信大部份香港男人絕對做唔到，就好似我，就算可以接受以前有幾亂嚟，都好難去接受一齊之後，仲要出去玩，我有時待入樓主嘅角色／身份度諗，我都真係覺得好難受，因為有部份情節，同我太太有啲情況都相似，所以我更加覺得痛苦，但當然，故事上係好吸引、好睇嘅（唔係話你作故仔），只係有啲情況有身同感受啫。
可能講得多咗，但都多謝樓主咁辛勞去更新你同Athena嘅故事。
