同H係埋一齊, 如果你問我, 其實可以算係淡淡無味, 因為佢係一個生活好欠乏味既人, 佢天生同人溝通關係唔叻, 做就左佢身邊無咩朋友, 女性朋友少男性朋友就更少, 再加上佢個讀MASTER既朋友對佢態度, 所以呢佢的確係一個幾難相處既人.
的確係工作上, 佢幫我唔少(最起碼去佢公司做PRESENTATION, 無要我一個鐘內要交返個會議室比佢.) 但係有樣野最使我接受唔到既, 就係佢公私好唔分明, 特別係工作上. 經常將我地兩個人關係放左入去, 後果係點, 大家都好清楚. 對於一D佢公司入面, 資曆比較深既人, 一眼就會睇穿我地兩個關係, 特別係WENDY, 我好相信佢好快就已經知道左................
一年幾後, H終於捱唔住呢間日資公司既人際關係同人事鬥爭, 佢決定退下火線, 轉去另一間公司過其ADMIN生涯. 其實要改變係佢自己, 環境改唔改都好, 佢個人唔改, 去到邊都係一樣, 我曾經同佢講過, 佢有無聽入耳我唔知, 反正講一次就算.
離開左日資公司後, H同我之間亦開始少左聯絡, 關係亦開始有點疏離, 唔係我無搵佢, 係佢好多時都話自己好唔得閒, ANYWAY, 其實我無咩所謂, 直到幾個月後的一天, 我收到佢電話, 約我出黎見面, 地點係尖沙咀一間COFFEE SHOP :-
我 : 點呀? 咁好約我出黎
H : 咪又係咁,
我 : 我地都有兩個月無見
H : 係咩? 我無留意呀.
我 : (只笑不語)
H : 我走左後, 班八婆有無係我背後講我壞話
我 : 你有野比人講咩? 再者真係有, 你都控制唔到人地
H : 果班全部都黑我憎
我 : 係既, 包括我在內, 哈哈
H : 我搵你有野話你知
我 : 哦!?
H : 我下個月結婚
我 : 咁突然! (其實我唔MIND)
H : 之前我無講你知
我 : 其號呀?
H : 下個月囉, 我無打算請你 (又係好掘)
我 : 哦, 唔請我, OK, 明白
H : 以後你唔好再搵我
我 : 你搵我出來就係想咁講?
H : 係! 你重想我講咩?
我 : 無呀
H : 有野想知你可以問
我 : 真係無野問喎
H : (無出聲, 過左一陣)
H : 你好唔關心我同邊個結婚
我 : 你都叫我唔好去, 又唔好再聯絡你, 咁我還有什麼好問
H : 你個人愛自己比較多
我 : 我愛身邊所有人, 亦會關心身邊所有人, 但係我唔知點去表達對一個叫我唔好再聯絡佢既人表示愛同關心, 好抱歉.
H : 你嬲我無同你講
我 : 唔會呀, 你有你選擇權, 呢樣係你選擇, 我會尊重 (的確我完全無唔開心)
H : 其實你有無愛過我呢 (佢好覆雜, 問題都係........)
我 : 呢個時候唔需要問呢個問題, 我更加唔需要去答啦
H : 咁我無野講啦, 你保重 (轉身離開......)
從那天開始, 我無再見過H, 佢好像係人海消失一樣, 我亦都無去搵佢, 隨緣吧, 我相信大家有一日要見到時, 就會見到, 好似我同P一樣, 但你問我, 我真係無沖動見H........當年我36歲.
有好多師兄想我寫WENDY, 其實本來我出得個名, 我就無打算去寫, 但既然大家都想知, 我就輕快點去交代一下吧.........
WENDY一個係我工作上認識左好耐既人, 大我9年, 老公係一間上市公司行政人員, 有個仔去左外國讀書, 個子唔高, 大約5尺1, 2. 上班永遠都係黑色套裝(當然係名牌), 長頭髮, 每次見佢都打扮得好靚, 但講真個樣好一般........佢係日資公司做老闆秘書, 基本上佢係一人之下, 包括ADMIN DEPT都係佢管, H同佢攪對抗等於找死. 我由工作上認識佢, 我好清楚自己對佢定位, 可以話尊重, 難聽少少講, 都幾怕佢! 但佢對我都算唔錯, 無試過留難我, 係工作上我算係執到.
同WENDY有一段唔見得光的關係, 始於H離開我後的那個夏天, 我37歲後的那個夏天, WENDY呢, 46了.............. (係, 果次我食左薑..........)......................待續
[ 本帖最後由 Alden72123 於 2013-12-7 09:31 AM 編輯 ]
