故事後的四章「花絮」。。(3) Winnie
Hello, 我叫 Winnie, 我今年 16 歲呀。
我知我喺故事裏頭，係一個唔多起眼既角色。。其實，喺現實生活當中，都一樣㗎，我喺屋企，排行第二，有個家姐同細佬，我就好似係多餘既咁。。我知道我永遠唔會係「主角」。。我知，因為我肥吖嘛。
即使連我自己最好既朋友，喺我背後都叫我做「肥 Win」，你估肥人就無「自尊心」既咩？咁，我亦都有自知之明既。。不過，人哋係鍾意食嘢啦嘛。。唔知係咪因為咁，所以我。。應該算「早熟」啩。。上中學，就已經暗戀啲男同學啦。。可惜吖。。
我鍾意唱K，同寫文。講多個秘密畀大家知吖，我仲鍾意寫「甜文」。。因為喺故事裏頭，我可以「化身」成為一個人見人愛既「小淫娃」，其實喺現實，我當然從未有過男仔追啦。。咁，梗係仲係處女啦，都未拍過拖。
無法啦，又無人追。
追人？試過啦，只會換來傷心。。所以，都係做番我個「女作家」，引啲「狗公仔」嚟追吓我，嗰種「飄飄然」感覺，即使唔現實。。但喺網上，「畀人追」既感覺，可以實現吖。
其實我係「女作家」呢個秘密，仲有一個人知，我個 bestie 呀，佢覺得我好無聊，不過，有一次，我想寫一個特别啲既主角名，叫佢幫我諗，就係「家烯」嗰篇嘞。
我個 bestie 叫 Margo，佢好靚，我好羨慕佢㗎。。但佢扁扁好似成日都唔開心咁既，好多男仔都望佢，但佢就從來都好似唔 care 咁。
我曾經喺度估，唔通佢係「女同」？我就諗咗一個「遊戲」同佢玩，就係「偷拍」啲自己認為 cute 既男仔，大家交換睇吓鍾意邊一類型。。佢居然話唔想玩呢啲。。無聊喎，咁我咪自己影畀佢睇，自己玩。
估唔到。。原來佢都有偷偷玩到。。我哋，仲影到同一個男仔呀！！
( 下—章：「？？」)
[
本帖最後由 米高達 於 2018-3-9 01:16 AM 編輯 ]
