米高達

(24)  『愛是。。』



噢，差啲忘記咗話一件事畀大家知嘅，就係。。Queena 師姐破完我嘅(假)「處」之後呢，佢竟然封咗—封「利是」畀我呀。( 講過佢其實好鍚我㗎啦，感覺到的 )，反而真正食咗我「青頭」嘅彤姐，就無我咁好氣喇，「趙」完鬆呀。

而當我打開封「利是」見到裡面嘅錢時。。正正係三百蚊呀。。

我望著手上嘅錢，同個「紅包」，心裡頭股感動，叫我即時鼻酸咗呢。。大家知道我當時諗乜嗎？

無錯，我估。。Queena 師姐係想「借機會」，畀返佢第一次「賺」我嘅錢，畀返我㗎。。我唔知道佢真正用意係乜？係代表我哋之間「無拖無欠」嗎？我唔信係咁囉。

反而，我覺得師姐想我知道，又或者想表示，我哋之間嘅「關係」，已經唔係一個金錢上嘅「交易」。。而係幫助對方去完成夢想/幻夢。。回味一些已經無法再抓緊嘅回憶？仲有我無法/不可能爭取嘅將來？

乜我真係會如師姐所講，「米仔，我個女唔會鍾意你㗎，你死心啦。」

乜我真係咁差嗎？師姐唔係潑我冷水咁簡單呀。。佢直情係「兇」鳩我添呀，佢仲講：「米仔，即使畀你真係追到 Margo ，你都只會有排「痛苦」，唔係我嚇你，千萬唔好愛上我個女，大把苦有得你受呀。」

我好想回答師姐「愛上一個人，於我嚟講，係一件自然嘅事，好似唔係一個『選擇』喎。」，但是，我亦無開口講，因為我係一個聽話又乖嘅「師弟」。

仲有呀，如果我搏咀，咪即係好似屌番佢「有口話人，無口話自己」，太狠辣喇，點可以對一個曾經為自己愛人講出句『我願意為你而痛』咁嘅說話呢？


。。。。。。。。。。。。。。


師姐跟我講嘅說話，我會永記於心，雖然我哋只係相處咗個多兩個月，學咗嘅「功夫」，簡直係開玩笑，但喺師姐嘅經歷中，我學懂咗好多嘢。。又好多謝佢畀番三舊水我，我又可以「自我感覺良好」話畀自己聽，「我無叫過鷄」。

但，有一様嘢我發覺，就係。。每每當我以為學到新嘢時，先才發現，原來有更多嘅事物，我係唔明，同無法理解嘅。。就好似我跟「小芒果」咁，我哋從來無拍過拖，甚至，好似仲未真真正正認識過。。但，點解。。我竟然好似「失戀」咁嘅？好難受喎。。

好彩，有人同我傾吓偈 ( no，唔係我個「精神病」醫生，亦唔係我個「街坊議員」，尤其第二者，廢老一名 )。。呢個人好幫得手㗎，但就。。有代價囉。。

「有相睇未？」

我終於有一張 Queena 師姐嘅相，係我要求佢同我一齊「自拍」留念嘅。。頂！梗係我哋啱啱破完「處」時影㗎啦，。。滿面春光， 氣宇軒昂，頭髮帶點亂，面上帶點疲倦憔悴，但又好有滿足嘅笑容， 一眼望落去，就知道係啱啱扑完嘢影嘅「紀念照」。

「有一張，嗱，你千萬唔好「外傳」呀。」

「屌，講呢啲，「外傳」就已經畀咗『小芒果』啲料你啦。」

原來，「高手」真係識得「小芒果」嘅？睇吓，又多一條我不解嘅疑問喇。。當「高手」睇完我同師姐張合照後。。

「叻仔，好嘢吖，又食一件，睇個様，仲「中出」埋添。」

嘩！蟹！有沒咁神奇呀？我其實仲未有講 details 畀「高手」聽住㗎，因為佢劈頭第一句就問「攞相」。。扑咗睇得出，都話有可能。。但連「中出」都有樣睇嘅咩？真係「學海無涯」呀！！

「嘩！「高手」堅呀！「中出」都睇得出？教我吖。」

「嗯，不過，教你都唔會明。。所以唔嘥時間喇，但可以話你知，米仔，『青春就係本錢』。。你呢招『幫我破「處」吖』，我睇，你仲可以用多幾轉，好好珍惜。」

唉，真係唔知好嬲定好笑，寃枉呀，我都無存心呃人。。但是。。嘻，又好似有道理喎。

之後，我詳細分享哂今次嘅故事畀「高手」聽。

「「高手」？我想問嘅係。。我。。算唔算「失戀」呀？」

「唔算，你只係「失望」。。你根本仲未明白『愛是怎麽』？」

「係咁。。『愛』，到底係乜呀？」

我真係好想知道。。特别係今次見到 Queena 師姐跟佢「大師兄」之間的痛苦，我跟「小芒果」之間的模糊。

而。。「高手」畀我嘅回答。。( 真係好想聽聽呢位「高人」對『愛是怎麽』的見解呀 )：

「屌你，咁撚簡單嘅問題，咪撚嘥我時間啦。。自己走去 Google 吓咪知囉。」

頂！問咗等於無問。。( 不過，又係喎。。平時 Google 揾「J 圖」就經常做，但就從未試過尋問『愛是。。』怎麽 ？)

。。。。。。。。。。。。。

跟大家分享—吓我喺 Google 揾「J 圖」嘅「心得」吖 ( 即使巴打們可能比我更熟，又或者已經發現到 ) 。。通常呢，當心目中有女明星 ( 或任何靚女名人啦 )，想揾佢哋做「J 靶」時，我只要喺 Google 打入佢哋個「名」，之後按 space bar，若果 Google drop down list 有個「J」字跟尾。。呵呵呵，就即代表嗰條女，「J值」已經高到自動彈出咁巴閉，係一個非常好嘅「J民人氣」指標。



所以呢，若果邊位女明星無「J」字自動彈出，就最好自我檢討一吓，點解無人「J」自己喇，哈哈。

OK,  笑話講完，正經啲，揾埋今章「結局篇」嘅答案先。。( Goggle 吓囉 )

『愛是。。』

           。。。。當我看見 Drop down list 後。。。我呼出—口氣，我面上嘅笑容，都凝住了( 真係笑唔出囉，好令人傷感啊 )。。



因為。。『答案』，叫我不其然又再想起了 Queena 師姐。。

無錯。。Queena 師姐對「大師兄」的愛，正正就是。。『恆久忍耐』。

『愛是。。恆久忍耐』。

而相對比我跟「小芒果」？哈，我只係一個小朋友，見到公司裡頭的一件心愛玩具吧了。

~ 完 ~


《後記》



暑期假眨吓眼就放完，開學後，功課煩忙，又要打波打機打J。。仲有呀，竟然仲畀一條「新女」纏上，梗係唔係乜嘢「猛料」啦，但，總算叫做第一次畀女溝咁囉，唔係我曬命，但話哂開始大個仔，咁都會遇到啲發哂姣嘅女㗎嘛。。屌過西，人都多一分「自信」。而「自信」，係一股能吸引女仔嘅魅力 (「高手」話我知嘅 )，不過，要有機會同時間，先能再同大家分享啦。。:smile_o07:

多謝各位捧場，喜歡故事嘅，支持我作品嘅，請返到第一版，#1，點吓個「洋葱頭」啦。:smile_o13:



[ 本帖最後由 米高達 於 2018-3-2 12:14 AM 編輯 ]

可可queena

今次我有睇哂d文呀

米高達

引用:

原帖由 京兆韋氏 於 2018-2-28 10:17 AM 發表

估唔到真係比我見到「啜腳趾」，仲有奶「後花園」，
米兄知拉，我最鐘意呢味野架麻。。。真係好開心！
:smile_47: :smile_47: :smile_47: :smile_47: :smile_47: :smile_47: :smile_47:

見到米兄用「休息室」 ...

一早講咗畀你聽有「啜腳趾」,奶「後花園」 呢類指定動作㗎啦 :smile_47::smile_47:, 開心呀呢 ~ 至緊要啲讀者睇得開心

京兄果然有用心去睇我啲文, 冇錯, 「休息室」 作為師姐「心房」 實物化影射出來, 係我喺文裏面, 鍾意玩嘅一種對比, 即使未必有好多人留意到, 但係自己都會滿足自己, 因為呢啲根本就係文學上嘅趣味 :smile_o13:

有冇搞錯呀, 乜你咁容易就「移情別戀」㗎。。 若果係, 你就中招啦 :smile_39:, 因為師姐對你, 根本唔係嗰回事,
你咪以為人哋講些少秘密畀你聽, 就代表鍾意你。。
少年人, 你太年輕了。。 不過我亦記得我初戀之前嘅初戀, 係咁以畀條女翹住隻手行咗兩個街口, 就以為人哋鍾意我, 戀咗人一個冬天, 之後得個吉 :smile_o08:

米高達

引用:

原帖由 京兆韋氏 於 2018-2-28 10:27 AM 發表

其實除左大元，「米導」選用既女演員唔只都係本土，
而且或多或少都有Ｄ「資歷」。。。
:smile_47::smile_47::smile_47::smile_47::smile_47::smile_47::smile_47::smile_47::smile_47:

可見米兄其實係一個好 ...

我一直根本就係一個情深意重嘅男人 :smile_34:, 係呀, 幾多女人冧㗎 :smile_o05:
不過我冇風流好耐啦 :smile_42:。。 多情自古空餘恨, 風流傷身又傷心 :smile_39:

米高達

引用:

原帖由 faifai2 於 2018-2-28 11:20 AM 發表
寫得超好，支持

多謝faifai 師兄, 今日章大結局。。 之後將會加四章花絮 。。 一來幫助大家了解故事中, 角色嘅內心感想, 另外可以作為伏筆, 作為延伸故事嘅安排, 希望大家鍾意呢啲花絮啦

肯尼先生

引用:

原帖由 米高達 於 2018-3-1 10:55 PM 發表
(24)  『愛是。。』



噢，差啲忘記咗話一件事畀大家知嘅，就係。。Queena 師姐破完我嘅(假)「處」之後呢，佢竟然封咗—封「利是」畀我呀。( 講過佢其實好鍚我㗎啦，感覺到的 )，反而真 ...

真係眨下眼就完，恭喜米兄又下一城，恭喜恭喜:smile_o12:
米仔會唔會繼續學武？我記得仲有姚小姐......唔係，黄太先啱，未上:smile_47::smile_47:

京兆韋氏

引用:

原帖由 米高達 於 2018-3-1 10:55 PM 發表
(24)  『愛是。。』

噢，差啲忘記咗話一件事畀大家知嘅，就係。。Queena 師姐破完我嘅(假)「處」之後呢，佢竟然封咗—封「利是」畀我呀。( 講過佢其實好鍚我㗎啦，感覺到的 )，反而真 ...

我都好想裸「破處利是」呀，幾時先到我呢個真。青頭仔裸？
:smile_35::smile_35::smile_35::smile_35::smile_35::smile_35::smile_35:

講真，我覺得就算跳出個故仔，「破處利是」都比到人好窩心既感覺
就算再點明買明賣，你心裡多多少少都會有Ｄ開心。。。


米仔竟然可以搞到師姐「滿面春光」？！
搞到我都心思思想睇張「春光（滿面）照」ＴＩＭ。。。

其實我覺得，人與人真正既感情，始終係靠相處來建立，
所以我覺得就算米仔想定唔想，過多十幾廿年後，
佢最記得既都會係「相處」過既師姐，而並非夢中情人「小芒果」！

另外，我打胡小姐個名係有個「Ｊ」字彈出來喎！

farm1615

米師兄甘快又完事

farm1615

甘黃師奶系咪留俾我搞

米高達

故事後的四章「花絮」。。(1) Queena





我曾經有很多夢想，因為我曾經年輕過。。
憧憬著將來人生的種種多姿多彩。。然而，最簡單的一個夢想，就只是跟心愛的人，幸福地生活。
可惜，命運不許我這様。。原來，簡簡單單的去愛一個人，並不容易。
外人認為我錯誤的決擇，就由他們吧。他們不是我，他們不知道我的感受，他們不了解我需要面對的。。他們，比我幸運。
我心裏頭有一個不能去愛，卻又放不開的男人。。因為，每次見到自己的女兒，他的一部份，仍然在我身邊。
路，是我自己㨂，只好繼續地行下去。我相信只要能夠堅强，我仍可以行下去。

今朝，虹姐告訢我一個消息，她哥哥的妻子，病逝了。。我真的不知道如何反應，所以我無作出反應，只簡單回應了一句，「係咩？大師兄 okay 嘛？」。。但是，心底裏頭的難受，到我回到自己的「避難所」時。。眼淚很自然地便淌出。。


( 下一章：「Margo」)

[ 本帖最後由 米高達 於 2018-3-5 02:42 AM 編輯 ]