上門教學
Amanda走後，我和Bella接觸的機會多左，因為她正式成位我的直屬幫手，我發現佢係一個很好學既女仔，咩都會好奇，同我一貫認為靚既女仔就會好依賴好被動既唔同，佢不單會主動尋根究底，更會提出改善建議，我們一眾男人開慣OT，佢都會每晚忙到同我地一齊收工一齊走。而每星期最後一日放工前我們慣左黎個總結，以備下周的工作。
Bella: Catalogue果度我地已完成晒拍攝同調較，而家排緊版，另傾緊加多2張稿係for新產品推廣用既。而客果度，女… 唔係，Michelle (女魔頭)都已好順利為佢做好樣辦，而家等佢覆。一切應該下周中會有結果。 ( Bella已有Amanda 7成的影子，而柒男佢地亦簡單交代了進度。 )
我: 好好，大家加油，完成晒準備功夫後就係展覽，展覽期間見客既schedule排好未?
Bella: 我同Mani都排好了。 ( Mani同我地Bella唔同team，但都要各自應付好客人既時間表，由於客源性質唔同，2條team又從來唔會爭客，只會互相協助，最多就係良性地認下威，表現下業績。 )
Lawman: 而家忙完，新產品如果有客睇中，我地又將會有排忙，好似無機會抖。 ( Lawman呢句純粹呻下，我地呢行，平時忙設計，客人buy了就忙手辦同生產，生產時又要同對方QC打交道。 )
柒男: 咁望都望忙既，唔係我地就食西北風架喇。
我: Haha…… 唔使呻到樹葉落既，我有個好消息。就係聽講我地搞緊果個project如果客buy，真係成事落實，同埋Michelle果度亦順利出貨，老闆放風講話會搞個旅行，俾大家放下電玩下。
Bella: 真既? ( 大家聽後反應都好開心，因為忙碌既生活，真係好需要輕鬆下。 )
而開完會後，大家就各自回自己坐位工作，此時Bella就入我房。
Bella: Dragon，你既水。
我: 咦，隻杯唔同左既?
Bella: 你隻杯太舊喇，所以我擅作主張，換左呢隻保暖杯俾你，我諗住你平時D咖啡好多時都放好耐先飲完，所以覺得幾隻可能啱你。
我: 哦?....... 好喎，我都無留意添，幾錢啊?我俾番錢妳。
Bella: 唔使啦，好少錢之嘛，而且你唔啱用講我知，我轉另一隻俾你。
我: Haha…… 妳有好多隻杯架?
Bella: 唔係呀，只不過早幾日行開時，我都買左隻俾自己之嘛。
我: 哦，咁多謝先。妳仲未走? ( 此時遠處我見柒男佢地都熄機準備收工了。 )
Bella: 未啊，趕埋少少野先。我想問呢………..
我: 咩事?
Bella: Dragon你頭先講去旅行果度，如果真係個project傾掂左，公司真係會搞旅行架?
我: 應該係，腦細講既，傾得成就會架啦。
Bella: 我黎左無幾個月既都有?
我: Haha……. 我估腦細唔會細分成咁既，有出心出力既都會有，佢仲話會去XXX添。
Bella: 係?果度有溫泉，又有海灘架喎，咁咪可以去游水囉。
我: 都係架。
Bella: 好喎，我好想去啊，Dragon你想嗎?
我: 我好想個project得，我更加想去玩啦。 ( 玩，從來佔我生命比例非常高和多位置。 )
Bella: 好啦，咁我唔阻你啦，我出去做野先。 ( 簡單既獎勵，令大家更賣力，而簡單既對話，令我有點想入非非……….. 我在想………. 我忽然在想，穿上泳衣游水既Bella係點既呢?唔著衫浸溫泉既Bella又係點既呢……… )
其實這些都是再稍後才有機會發生既事，所以我回過神後，亦好快專心手頭上既工作，此時傳來Cherry的信息。
Cherry: 我知道一間，有我鐘意既live聽，有你鐘意既扒食而又好好氣氛既地方，想唔想試?
我: 好喎，咁妳想我邊度接妳?
Cherry: 我想果晚你陪我飲酒，不如唔好揸車囉?
我: 又好喎，咁妳book啦。 ( 同Cherry有點特別，去邊，食咩野，好多時佢都會有主意，呢D男士應該做既事，佢反而都樂意去做，我記得佢講過，佢最想有人陪佢輕鬆下，同佢一齊食下佢揀既野，佢就會好開心。所以同Cherry一齊以黎，由我決定食野既地方，唔多過10次。 )
周末，慣常和女友行街食飯，當然性生活就必有，以前女友係呢方面都不太熱衷，但今次就非常滿足，愛後見躺著床上久久未回過神來，還有她事後會追吻著我，我就在想……. Cherry提到當中的細節位也頗有用，能令身邊人性愛感覺得到了躍進，燃起了我想係Cherry身上了解更好，也不知不覺間令我出了點傾斜…………….
到和Cherry約定的日子，Cherry如常的給了我時間地址，到約定時間時，她致電給我會有點遲，她說她想拿點東西，叫我先入餐廳等，免得過了訂位時間而失去了座位，女孩都會瞎擔心這些，我也只好先入餐廳等好了。我其實好鐘意室內設計，當入餐廳時，也被她華麗的設計吸引，還有牆上的紅酒，說實在，我當然不會叫整枝紅酒飲，那是貴得不得了嗎?不一定，但卻就是不划算，此時，Cherry就來到了，她…….. 有點不同。
我: 哦?妳恤了髮? ( 我在拉櫈給Cherry同時，看見她熨直了也聞出了點點髮香。 )
Cherry: 係啊，想轉下髮型，換個心情。
我: Haha……. 人地講女人買野同剪髮後都會好心情，而家我信了。
Cherry: 係咩?點解會好心情?
我: 因為靚左囉。
Cherry: 多謝…………. 喎。 ( Cherry今夜心情確實是不錯。點菜時，Cherry如常的在學，她喜歡點餐，學食物的配搭，聽餐廳waiter的介紹。每間餐廳，係食物同酒類的mix & match會有自己的見解，我喜歡看她在努力和不斷嘗試。 )
好快，我們就開始了用餐，其實整個過程也沒什麼特別，就是有說有笑。此時，在浮動的洋燭光影下，因champagne而臉龐顯得有點紅粉緋緋的Cherry份外迷人，我不時也有點定神的看著她。
Cherry: 你望我既次數多左。
我: 哦?乜我平時無望妳架咩?唔會架喎。 ( 我喜歡望人，尤其吸引的東西。 )
Cherry: 我意思係你”凝望”啊，平時既你，同今晚既望法有D唔同。
我: 哦?係咩?有原因架~~~~
Cherry: 咩原因?
我: 俾1分鐘妳估……………. ( Cherry當然估唔到。 )
而此時，2男1女的外籍歌手走埋我枱，男的吉他手眼神向我示意，我輕微的點點了頭，隨即他們就在我倆旁唱起 Because I love you. 說坦白，起初的2分鐘是享受的，但隨後就有點點我唔知做咩好了。因為禮貌上我會暫停用餐享受樂曲，最多都係飲下酒，但可能我又唔算係一個非常浪漫的人，在聽著聽著，我就轉移望向Cherry，我見她非常受落，待歌手走後。
我: 鐘意嗎?估到未?
Cherry: 唔~~~~ 估咩先。 ( Cherry點頭示意鐘意。 )
我: 首歌囉。
Cherry: Haha…… Because I love you. ( Cherry估中，飛快的反應以顯威風。 )
我: 我叫妳估歌啊，做咩將妳心底話講我知遮……………….
Cherry: Haha…… 我邊有。 ( Cherry給我討了便宜，我倆在笑。 )
我: 咩都唔重要，最緊要妳開心。
Cherry: 開心啊，但你點知我鐘意呢首歌既?
我: 吓，我唔知喎，但我睇妳望我既眼神我感覺到喳。 ( 我再討多次便宜，Cherry哈哈大笑。 )
Cherry: 咁你幾時同個歌手講架?
我: 妳黎之前囉，首歌就係見妳前我上Yahoo搵先至識添架。 ( Cherry開始沒好氣和我在胡扯落去。 )
Cherry: 信你至奇…….. ( Cherry邊笑，邊握著我的手說了聲: 多謝你，我好開心。 )
我: 咩多謝啊，HAHA……..妳快D同我食埋個甜品添啊。
和Cherry共膳時間是過得特別快的，走時，她拉著我。
Cherry: 可以去你處坐陣嗎?
我: 當然無問題，妳唔問，我打算捉妳去添啊。 ( 女方都有此打算，男方應該更加主動，免除她的尷尬，這是我多年來學懂的前前奏。 )
新屋我原打算重新裝修，但我還未有時間去設計，所以租客留下的一切我仍未有打算搬走。(而且又唔急。)但今次比上次有準備的是，我一早已放了浴巾和私人清潔用品。上到新居，我先打開窗令間屋可以抖抖氣，而Cherry則入了洗手間。此時走廊和廳燈都忽然熄了，只剩下原打算來照獎盃獎牌用的鑽石燈無熄，因為它的開關在另一位置嘛…………
Cherry: Dragon…… ( 當我擰轉身時，Cherry已撲來，推倒我在sofa上。 )
我: 嘩~~ ( 我心裡在輕叫，我叫係因為Cherry推倒我?抑或係眼前的Cherry既衣著呢? )
Cherry今日仍然是制服look和我食飯的，那麼現在的她呢?在洗手間出來後她換上了黑色性感內衣，另外披了一套的簿紗外衣，除此之外就是什麼都沒有。性感的方式有多種，全裸是最美嗎?那麼性感的內衣褲就不用賣那麼貴了，Cherry記起了我曾提起過喜愛的顏色和質料後，原來她今天特地去了買，她是不好意思還是想挑起我的慾望，所以還加了她的外套呢?我不知，只知，家課老師來上課，新的體驗又要開始了………………..
