異地奇緣之鄰家人妻 (P.1, 6, 9, 13, 17, 22, 26, 35, 41, 61, 74, 98)

收藏 | 訂閱

1.5k 291.2k

oldcake10

等待驗證會員

oldcake10

601^# 大中小發表於 2009-6-22 只看該作者

樓主..精彩!!!!絕倫!!!SOEEY 睇哂至回..

有情有理的故事..正!!!!

ryanwwk

等待驗證會員

ryanwwk

602^# 大中小發表於 2009-6-22 只看該作者

PART X

我起左身，發現所有野都冇郁過，包括我部電腦、書等等。我埋去書台汁好ｄ野，準備一陣出發去下一個目的地出發。電腦仲未熄，而佢個ｅｍａｉｌ　ａ／ｃ亦冇ｌｏｇｏｕｔ到，我無意中睇到佢老公俾左一封ｅｍａｉｌ佢。內容大致上係叫佢ｓ盡快聯絡佢，好擔心佢，打極俾佢都搵唔到，而個電話好似熄左咁．．．．

我睇到呢度，唔想知人地太多私隱，隨手就熄左部腦佢再入袋。但係，個腦就完全唔聽洗咁，將之前ｊｏｕｒｎｅｙ所遇到既事一件一件重整緊，一ｄ諗唔明既謎亦開始有眉目。Ｓ全程應該係熄左電話，所以先無哂牽掛咁，但避唔得好耐，佢個心始終都記起佢老公，於是，就借我部電腦黎上去ＣＨＥＣＫ　ＥＭＡＩＬ，訓到一半夜仲走埋。

我開始有Ｄ失落，亦逐漸清醒過來。向窗外遠眺，雪停了，外面景色就好似我同佢既將來咁，一片迷霧．．．

我唔知佢尋晚幾時走，定係今朝岩岩走，都不重要了．．．

梳洗後，我汁好哂ｄ野就出門口。臨走前，回頭望一望間房有冇漏野，視線不其然咁番到床頭櫃個度．．．心有種酸溜溜既感覺。地獄與天堂，其實相距不遠。

我經過佢間房門口，佢應該仲係入面，重門深鎖。我停左係佢門口一陣，有諗過去拍佢門噤佢門鐘，舉起哂手，作勢要拍落去，但最後冇咁既勇氣，我感覺到自己唔應該出現去令一向慣於平淡既佢泛起漣漪，大家再沉淪落去終會唔捨得對方，於是．．．我回頭就走，獨個兒落去餐廳食早餐．．．

今日冇尋日咁趕，我可以慢慢咁拎多左野食，一個人捧住一大兜野搵左一個暗角位自己坐低左。今日間餐廳比尋日個間細，周圍亦都多人，但兩日既心情形成好強烈既對比，縱使ｄ野有幾好食，都係食不知髓，淡而無味．．．過左一陣，我見到佢入左黎，有利位置一早俾人坐哂，得番我附近仲有一兩張吉台，比較僻冇人黎。佢今日著住一條黑色連身長裙，一件啡色燈芯絨褸，戴住一對大烏蠅鐘，比起前兩日，雖然缺少左一股少女氣息，但卻添上左幾分成熟女人味。最令我感到奇怪係佢無端端戴黑超，我懷疑緊佢會唔會係唔夠訓，定係尋晚喊過黎．．．

佢行到埋黎我附近。

Ｓ：早晨。
我：早餐．．．今日都好多人呢。
Ｓ：嗯，呢張台有冇人坐？（指住我旁邊另一張台）
我：喔．．．應該冇。
Ｓ：嗯，我放Ｄ野係度，你可以幫我睇住嗎？
我：嗯，你去吧。

佢冇同我坐埋同一張台，反而坐左係旁邊，我覺得好地既距離遠左，比起初相識一晚更遠、更遠．．．

過左陣佢拎完野返黎，我就繼續食我既早餐．．．大家都默默無語，我心裡面好想知尋晚既事，但我偏偏開唔到口。不禁，我再反問自己：我咁樣算係鍾意左佢？

我食完．．．亦唔好意思等佢，佢既舉動好似想話俾我知大家應該要有距離．．．

我：我食完啦．．．行先啦。
Ｓ：嗯，一陣見。

就係咁，我自己一個起身就走．．．頭也不回。

去到酒店門口，天氣仲係好凍。我點起一支煙，深深吸左一口．．．呼出的只是一陣煙霧，心底裡卻仍有千言萬語，緊緊埋藏著．．．

下一站：江原道

TO BE CONTINUED...