引用:
原帖由 小比利 於 2009-1-22 10:54 PM 發表 
今日已經係做完既第6日. 再去dr. wong度覆診. 醫生幫我拆左紗布lu. 仲話傷口埋得好靚... 本來佢想幫我快d拆走d線但因為實在太痛所以我同佢講等佢自己慢慢溶啦...
而家冇紗布包住. 個龜頭high度條孖煙通果陣都超酸 ...
經過三個星期既可怕回憶，我有小小得著可以分享：
1. 唔好沖涼，用濕布抹身就可以。
2. 學自己洗傷口，或者搵人幫手洗傷口，一黎你可以少D走得，復原得快D，二黎就有以下用處。
3. 剛剛洗完傷口後唔好即刻用紗布包住，用熱毛巾敷係腫既位置，唔好比熱毛巾點到傷口，咁樣可以加速果度既血液流動，快D消腫，每日敷得幾多就幾多。
4. 多飲"依母"草湯，九紀湯或田七湯，呢三種湯水都對消腫好有用，可以加速既血液流動。
5. 我之前聽做中醫既親戚，除左用消毒藥水洗傷口，用比太陽哂過茶葉沖既茶輕抹傷口，可以快D洗甩D血焦，我試過用黃藥水洗成個禮拜，血焦都唔甩，傷口又埋得唔多好，用茶洗兩日，即刻重光。
6. 小走動，多睇D可以冷靜自己既野，減少刺激。
7. 魚、蝦、蟹、鵝、鴨、雞、牛都要戒口。
8. 可以唔著褲就唔好著，如果要著，越鬆動越好。
9. 不要輕抹其它坊間藥"高"藥水，其實只需要用消毒水殺菌防止發炎，而茶既作用就係將多餘既血焦洗甩，比你傷口可以更快復原。
10. 唔使成日形住形住果度，你想消腫，就一定要傷口埋哂口，腫先自會埋得快，要傷口快埋口，就要平日自己小心護理，減少走得，多D休息，食多D有營養既野，睇多D書分散自己住意力，唔需要日日擔擔心心既，保持心境開朗。
11. 傷口一定會埋，腫一定會消，正常要兩個星期先會消腫，我就慘D，三個星期先得，有D可能要一個月，所以不用太介懷。
P.S. 生不入官門，死不入公家，我就係係公立醫院做，先會過左三個星期恐佈既日子。我做完手術佢叫我自己拆紗布，返到屋企搞到成條褲都係血，之後又叫你唔好包佢，用鹽水洗下佢就得，但下面又時不時滲血，佢又唔理，係電話入面不斷話正常正常，仲話唔放心既話就去排街症或者急症，果度既人洗傷口既手勢仲差過我家人幫我洗。仲之用公立醫院既服務就係完全同玩命差唔多！上面既經驗我係由無數既錯折同埋D做中醫既親戚意見所歸納出黎，做呢D手術最重要係後期既傷口護理....
