回味
我如常在公司的忙，心裡卻想著昨晚的事，心在回味，但也同時有點擔心，事緣因為……
我和Cherry攬著相擁了一會，完事後，我會喜歡享受餘韻。人說前奏緊要，但我認為愛後既餘香也不可少，我喜歡做愛後看著對方在享受、在回氣、樣子是有點迷糊同時咀角看出是因舒服而回味中………. 她久久未回過神來，此時我提起紙巾，為她抹汗，她額頭、面頰、頸項、鎖骨位、當中多多少少也許是我的汗…….
Cherry: 我……好舒服……又好攰，俾我抖抖好嗎? ( 說畢，Cherry就捲入我懷中。 )
我: 好好，咁妳抖陣啦。 ( 我倆在相擁。 )
Cherry側身進入我懷內，我的右臂則墊起她的頭，讓她好睡，但她…..真的在睡嗎?只知她雖側身在我懷裡，她右手起初是在按著我的胸部，幾分鐘後手指卻依著我身體的紋理由胸輕掃落腹部，她的右腿，也攝入我兩腿之間，她最初應該是想肯定我存在沒走動而肢體上接觸和取暖，但久了，她的右腿也有點不安份的在蠕動起來……….
我: 喂喂，妳真的在抖嗎? ( Cherry被發現，眼仍閉著但咀角在笑，不一會，她又真的停下來睡了，我看時間不早，正想提醒她之際，她仰前的輕吻了我一下。 )
Cherry: 我瞓左幾耐?
我: 唔多，5~6分鐘度。
Cherry: 唔……. 好舒服……. ( 她依近我鎖骨位在抖氣，在取暖。那是我一個私人禁區，她不知道，但我皮膚出賣了我。 )
我: 有D痕……. ( 我在起雞皮。 )
Cherry: 哈哈，原來你都會怕痕既…….
我: Haha….. 我點解唔會喎。
Cherry: 聽講怕痕既男人，會好識氹女人架喎。 ( 此時Cherry從我懷內向上望我。她不安份的右腿，在我兩腳之間向上輕輕托了一下。 )
我: 即睇妳氹既定義係咩? ( 我在輕掃她的秀髮。 )
Cherry: 令我感覺被尊重，同重視囉。 ( 說完，Cherry又主動攬起我頸背，撲上前的和我濕吻起來，她的腿，在不經意的掃著小Dragon，令他再被搞醒了，此時………. )
我: 妳……. 唔怕夜嗎? ( 確實而家已經好夜，已被原定要走的時間晚了很多。 )
Cherry: 所以我咪罰你，搞醒你再走囉。 ( 講完，Cherry就彈起身走了，剩下上下半身都醒晒既我。Cherry在夜光映照下的裸體穿回衣服，是好看的，至少我愛看……但她為什麼要罰我，我又真的不知道……. )
酒氣一早已過晒，我送Cherry走時，看見她不時輕微的一拐一拐，不知哪時整到了。
我: 妳扭親?幾時架?我唔覺既??
Cherry: 因為你囉。 ( Cherry笑著的拍打我，可能是她趕來時碰到吧…… )
我: 哦…… 唔好意思，我好少會唔覺架喎，下次我會留意。 ( Cherry再報以微笑。 )
到第2天，Cherry也沒找著我，我也因忙而沒放在心上，直到下班前，因為都沒收到任何信息，我就PM Cherry了。 ( 她的工作不方便開工時接電話。 )好快，就收到Cherry回覆。
Cherry的PM回覆: 我今早去了睇醫生，放心，少少唔舒服遮。
我的PM: 哦……. 咁妳快D抖下先。 ( 我在想，可能昨晚我打開了窗，愛後我倆裸睡了一會，可能那時的海風直接吹入來令她冷親，我真大意……. )
接下來的幾天，我也在忙，當我忙的時候，我就會不懂搵人，因為忙既人，係好怕被人煩，所以同樣我亦唔鐘意煩人，而到我回過神來時，才醒起Cherry病後都沒怎麼了解她近況，幾日來簡單的問候都只是說沒事，好多了。那麼見今日忙的事都7788了，我就再找Cherry了。而Cherry亦好快回覆。
Cherry: 我好返晒啦，有心，你呢?你忙完未? ( Cherry夠爽快的個性是我喜愛之一，她不會花時間去扭擰或怪我忙而沒有找她。 )
我: 唔…… 暫時一切按計劃進行中，所以今日可以趕到進度，下星期中才需要再忙。
Cherry: 啊?咁睇黎如果我約人果個人無理由下星期會唔出黎啦喎。
我: Haha…… 唔知喎，但如果係妳約，我估無人會拒絕既。 ( 我們在輕鬆的說，約定好了下周初見面。 )
Cherry: 咁好啦，我搵地方。
我: 又好，等妳消息。 ( 就係咁，我就等Cherry再通知。 )
在工作上，我的好幫手Amanda可能係第一胎的關係，她申請提早放產假，其實佢已腹大便便，所以也不應勉強返工，我也批准她提早放假。她很有交帶，臨走前都再和我匯報清楚。
Amanda: 嗱，我真係可能會放2、3個月產假架。黎緊展覽同埋跟緊果D客，雖然我已交帶好俾Bella同其他人，但你都要上心一D。
我: Haha…… 乜而家好似變左妳係我上司咁既。 ( 其實我同Amanda好多時都無太分上司下屬，只因大家都明會為件事好，就應該尊重自己份工，專心一點。 )
Amanda: 唔係，只係慣左咁耐以黎都親力親為，而家好似行開左咁遮。
我: 妳太令我感動，我會將妳既心情轉達俾腦細知，叫佢加妳人工。
Amanda: 你幫我叫佢加我有薪假好過啦。Haha…….. ( 我們在笑，氣氛係輕鬆的。 )
我: 放心啦，設計果度唔係問題，Catalogue同新design既進度都幾好，我覺得今次柒男同Lawman表現都OK，跟客果度，Bella唔得咪搵我囉。
Amanda: 係啊，有樣野要提一提你，關於Bella既。
我: 咩事?
Amanda: 其他部門D男仔，好多時都會約佢，好鬼多人追佢呀。
我: 咁唔出奇既，Bella真係幾可愛喎。 ( 我用可愛黎形容，因為Bella係我眼中屬於細路女型，但其實佢已經22、3歲，佢可愛既外表和紮實既性格絕對是各走極端，外表可愛柔弱既佢，做事態度卻絕不馬虎，有鬥心、說要得到就會得到得黎又不失細心，她留有一把中短髮，簡單說外型像極了那位林明禎，就是連身材都係，而且她的衣著也是很青春休閒便服，要吸引男生實在太輕易。 )
Amanda: 係啊，就連柒男果兩件騎呢怪都對佢客氣到不得了呀。
我: 咁唔係壞事既，但又未必係好事喎…….. ( 男女關係，尤其辦公室發生，又有幾多件會係好事…….. 多數都係煩人事。 )
Amanda: 係架，其實Bella都已主動同我講左，佢已放晒風講自己有男朋友，所以而家先叫好少少喳。
我: Bella主動自己坦白講出黎，都算佢乖，正常啦，咁有男朋友，就唔怕啦。
Amanda: 就係唔係喎，原來佢無男友。
我: Bella無男友?估唔到喎，佢真係幾得架喎。
Amanda: 佢而家同隔離部門個Mani熟，果日我都再問起，Mani講佢無架，但點解無，就唔知喇，只係知佢唔係好急住要拍拖。
我: 咁有拖拍，係唔係一定開心呢?又唔一定既，係咪先?而且而家係Bella無，佢小妹妹如果想要，即日就有啦，都唔使太擔心。
Amanda: 咁又係，咁就咁架啦，我聽日放假，有咩事就…… 都唔好搵我。
我: Haha…… 係啦。 ( 之後，Amanda就正式放假，而Bella，就正式接手她的工作，她的角色了。 )
