GiveUpme

引用:

原帖由 Katrinacat 於 2016-3-28 12:28 AM 發表
Give師姐，睇戲咁開心！趁假期好好享受拍拖時光！

哈哈~邊係呢！咁老公想睇嘅，我都會陪佢嘅，咁佢早兩日都有陪我去行街，只係我自己去shopping，而佢就坐喺Starbucks 等我啫，都知佢坐咗成個幾兩個鐘㗎啦！所以我聽日咩乖乖地陪返佢睇戲囉！
講真四日嘅假期真係剛好夠分配，一日就老公陪我，一日就老公同我屋企人食飯，一日就我同佢屋企人食，一日就我陪老公，所以話四日就真係good fit。

師姐你呢個Easter 又安排咗咩節目呢？有無同屋企人外遊？

degree06

引用:

原帖由 Katrinacat 於 2016-3-28 12:28 AM 發表
Give師姐，睇戲咁開心！趁假期好好享受拍拖時光！



http://n2.hk/d/images/r10/mobile.jpg

cat姐四日假期有冇好好瘋狂番一晚呢

dragonbone

我今日去左做運動,勁爽.
而家睇行程,睇咩,聽日去澳門,我估....將會攰爆......HAHA.........

dragonbone

大家Happy Easter~~~~

*第二回，默契*


果時有幾個新黎既台灣女仔都幾靚，其中最搶眼既有2個，分別叫Echo同Cherry，講真，Echo短髮，俾人很爽朗既感覺，亦很主動直接，樣貌同身材都非常之唔錯，而Cherry呢?長髮斯文，佢就更真係堅靚同埋好清純，果時我夠膽講全校大把男仔都想追佢地兩個。

*********************************

好，入返正題先~~~~咁如果你問我，我有無心動呢兩位台灣妹呢?sorry我又無，唔係我清高，講真，呢兩位台妹我都覺得靚，Cherry亦好純。佢初黎報到咩都唔識時，就係阿N去take care佢地。所以我同佢地都有見過下面say過下Hi，其實個感覺就有D似我係哥哥同阿N係姐姐咁一齊幫下呢2個台妹。{其實阿N同佢差不多大架喳}我估除左我心裡面潛意識因為有左阿N之外，仲因為.....連我班FDS都係度追埋呢兩位台妹一份，所以我同佢地係有點保持距離的。而返學的日子如常，大概一個月後，放緊break既時候，係library裡，我既死黨Alan就講我知；

Alan: 聽講阿Ken追到Cherry啊。( 阿Ken，我地朋友之一，但同我唔熟，因為我覺得佢為人麻麻，但係阿N個個人都幫之下，我都算識呢個香港男仔。 )
我: 真係?肯定? ( 其實我唔算太驚訝，因為我記得有次同阿N去買野時，我地係商埸見到阿Ken同Cherry食緊野，以Cherry個番薯阿哥日日成碌燈柱咁阻頭阻勢之下都約到，阿Ken應該係有點本事的。而我知道果時阿Ken係特登走去報幾個同Cherry同一樣既COURSE黎讀所以可以近水樓台呢。 )
Alan: 都好肯定下呢。
我: 請問你聽邊個講呢下先生? ( 我都收到風，所以也在明知故問。 )
Alan: Echo講架囉。 ( 說時他有一點靦腆。 )
我: 啊~~~~ 咁我都聽到D野喎，我聽講大把人追既Echo，情傾我地既靚仔Alan哥喎，請問係唔係呢? ( 我單刀直入，殺Alan一個措手不及。 )
Alan: 哦……即咁樣，我地係好朋友黎遮。你又係邊度聽返黎呢?
我: 你話呢? ( 其實不難估計，因為Echo同Cherry同邊個係好朋友又一齊溫書呢。 )
Alan: 阿N?估唔到喎，佢咁口疏既。
我: ai……佢無口疏，係溫書時Echo猛問起你既野，阿N估到又俾我聽到遮。
Alan: 原來係咁，咁佢問咩呢?
我: 講之前先答我，你對人有無興趣先? ( 我在好奇，而Alan係靚仔既，成個書生型架。加上佢係開subaru返學，實在吸引。 )
Alan: 佢係唔錯既，但佢同魯芬行得好埋下呢。 ( 我同Alan對魯芬印象麻麻，因為雖然我地對佢認識唔深，但佢個名唔太好，唔係魯芬個名，係名聲，哈哈，我認果時我係有D膚淺既。 )
我: 魯芬我覺得佢似係D女中豪傑，咩人都會識咁遮。
Alan: 咁我都覺得係，你知嘛，Echo把聲原來幾好聽架喎。
我: 有幾好聽啊?佢叫俾你聽呀? ( 我當然知，因為台灣妹最識撒嬌呢。 )
Alan: 頂，唔係啊，即傾計時佢真係…… ( 說時遲，那時快，阿N、Echo同魯芬都入左黎library，佢地應該係一齊約好左，各自落堂時一齊係library見，所以佢地坐左係我同Alan既對面隔兩行位置，一開始佢地係見我地唔到既，但大家應該知，女仔隻眼雖然生係面度，但唔知點解，佢地係會feel到有人昅佢地又或望時，佢地識一抬頭就朝果個方向去對望返。Echo望住Alan，阿N就望住我。 )

以下對話，因為有Echo在，所以都會用普通話傾，但當同Alan，魯芬及阿N傾時，又會轉channel為廣東話，唔知大家試過未，其實都幾有趣，哈哈……

Echo: Hi, Alan喔。 ( Echo見到Alan，由原本苦惱功課難題的表情，變得精靈起來，令人感到活力。而阿N呢，她看見我就在瞪眼，我也相對沒作聲的在作狀眼厲厲來回應。不明所意的人還可能猜我們有什麼過節似的。因為此時…… )
魯芬: N,妳唔妥佢架。
N: 哼，佢地好衰架，成日蝦我。 ( 她刻意高聲了點，讓我聽到，我當然知佢在開玩笑，之不過…… )
魯芬: 有咁既事?咁使唔使我搵人招呼下佢地。 ( 之不過有人會以為認真的。 )
Echo: 對，跟Alan無關的，他跟Dragon不是很熟稔呢。 ( 我聽完，只有一個結論: 女人，要可怕時是很可怕的…… )
N: 吓，哈哈，我講笑喳，梗唔使。
魯芬: 哈哈，我梗知妳講笑啦，但如果你地俾人蝦，講我知喎，妳地咁幫我，我一定幫妳地架。 ( 說時魯芬望過來，果個氣場感覺真係唔講笑架。咁我同Alan又唔係咖喱啡而因為咁走左去，相反我地都好友善咁行左埋去。 )
我和Alan: Hi, 很難嗎? ( 當然我們指的是功課啦。 )
Echo: 很難啊，都不懂耶，幸好有阿N呢。 ( 說時Alan已逕自行去Echo旁，在幫她一起看功課了。
我: 0靚妹，仲要好耐嗎? ( 我對阿N說，她意會到我下一個意思的。所以她先說...... )
N: 原本唔耐架，但你一黎左就難講了。 ( 即是說我在搞亂檔呢，說時她是在笑的，魯芬當然也明白。 )
我: 咁不如一齊食左lunch先啦，好唔好? ( 我的意思是這樣，N也在微笑回應。 )
Echo: 好耶，Alan，一起嗎? ( 最開心的，是Echo。而Alan在點頭，我也在幫阿N收拾起東西來。整個動作都那麼自然，魯芬看在眼裡就像是明白了什麼。 )
N: 魯芬，一齊嗎?
魯芬: 你們就去食吧，我不了，阿N，等陣上堂課室見。 ( 說完後她就二話不說行去跟一班人出校外煲煙了。 )

而我們呢，一行4人就坐上了Alan的掃巴佬出發了，唔~~~~ 技巧點來了，不知大家有無這樣的習慣，這是小事，卻正正又反映了很多事。今次是Alan開車，我是他老友，理應坐前座，兩位小姐就是後座吧。但因為我和阿N在閑談的關係，步伐慢了點，而Echo就好自然地，自己開車門，坐上了前座。我是征了一征，也在微笑了一下後開車門給阿N也一併坐後座上車出發去了。朋友間坐車，大家係點樣架?我呢?當只得兩個人而坐前座，當然理解。但四個人一起而大家只是朋友關係時，男女有別，往往會男一對女一對前後座分開坐，而車主當中是男女朋友了，就會變成情侶一起坐前座，這是潛規則呢~~~~

兩個人相處，我覺得最有趣既係默契，在工作上，無論妳/你幾有本事，遇上事情可以獨力應付都好，但當2個人，或2個以上既人一起完成可以令事情結果更出色時，我都好期待呢種團隊契默。話說回來，在感情事上，與曖昧相比，我更喜愛2個人之間所帶來的契默感覺，因為默契，往往係表現出無聲勝有聲，站立在對方為出發點的思維模式、一種我頗為喜愛的相處模式。妳/你，今日默契左未?

………TO BE 下回………

GiveUpme

引用:

原帖由 dragonbone 於 2016-3-28 03:00 AM 發表
大家Happy Easter~~~~

*第二回，默契*


果時有幾個新黎既台灣女仔都幾靚，其中最搶眼既有2個，分別叫Echo同Cherry，講真，Echo短髮，俾人很爽朗既感覺，亦很主動直接，樣貌同身材都非常之唔錯，而Cherry呢?長 ...

師兄，好耐無見喎！放假都咁夜上嚟update你嘅故事俾大家，真係好有heart，聽講師兄你今日去澳門喎！希望唔好太多人啦~不過我估應該唔多，話晒今日係假期嘅尾聲，應該回港嘅人就比較多。我自己就幾年無去過澳門了，因為老公話唔抵，住一晚好少少嘅酒店都要成千幾，所以宜家佢都唔想去，但我又幾有興趣喎，簡簡單單兩日一夜，休息一下幾好呀~~唉！可惜佢又唔鐘意去。

sam7211

引用:

原帖由 dragonbone 於 2016-3-28 03:00 AM 發表
大家Happy Easter~~~~

*第二回，默契*


果時有幾個新黎既台灣女仔都幾靚，其中最搶眼既有2個，分別叫Echo同Cherry，講真，Echo短髮，俾人很爽朗既感覺，亦很主動直接，樣貌同身材都非常之唔錯，而Cherry呢?長 ...

我更喜愛2個人之間所帶來的契默感覺，因為默契，往往係表現出無聲勝有聲，站立在對方為出發點的思維模式、一種我頗為喜愛的相處模式。妳/你，今日默契左未?

很喜歡dragon兄以上的說話，默契呢家嘢，夾得到真會令人很開心。。。

阿銘~~~

引用:

原帖由 GiveUpme 於 2016-3-27 09:32 PM 發表



成日打咩好熱氣囉！

咁又無喎，哈哈

sam7211

引用:

原帖由 GiveUpme 於 2016-3-28 08:55 AM 發表



師兄，好耐無見喎！放假都咁夜上嚟update你嘅故事俾大家，真係好有heart，聽講師兄你今日去澳門喎！希望唔好太多人啦~不過我估應該唔多，話晒今日係假期嘅尾聲，應該回港嘅人就比較多 ...

其實去澳門都幾好，買個
Package又飲又食又玩又瞓都好好，我都啱啱去完8字摩天輪那間新酒店

conradt

引用:

原帖由 sam7211 於 2016-3-28 09:57 AM 發表
其實去澳門都幾好，買個
Package又飲又食又玩又瞓都好好，我都啱啱去完8字摩天輪那間新酒店



http://n2.hk/d/images/r10/mobile.jpg

其實只是幾天好境，但其他時間鬼影都冇...

conradt

引用:

原帖由 dragonbone 於 2016-3-28 02:53 AM 發表
我今日去左做運動,勁爽.
而家睇行程,睇咩,聽日去澳門,我估....將會攰爆......HAHA.........

師兄醒目，今天才去澳門