自從我同H發表左我內心說話後, 佢無逃避我, 相反大家溝通時間又多左. 雖然無經常見面食飯, 但每一日大家總會係OFFICE HOUR溝通下. 雖則佢對我態度, 我感覺到有少少改變, 但佢講野硬直既方式, 一D無改 (吹脹.......)
有一日佢又打比我, 聲線聽起來心情幾好 :-
H : 喂! 食LUNCH囉, 我訂左XX
我 : 什麼! 小姐我趕緊PROJECT, 今日行唔開
H : 做PROJECT唔需要食飯呀? 升仙呀?
我 : 我真係忙緊呀, 你公司個PROJECT月底就要出啦, 死都未有時間啦
H : 你唔會咁易死既 (傳來奸笑聲), WENDY唔會睇住你死
我 : WEN你個死人頭, 我今日真係唔得呀.
H : 總之一點, 你唔到我都去既啦, 入你數, 呢樣野你教既, BYE......
唉, 什麼世界, 世道? 我同H咩關係? 極其量係好朋友關係, 點解我要受佢指揮呢! 想到這裡, 我雙腳不聽使喚, 自動自覺的起程去找H食LUNCH. 我去到時, 好明顯係遲到, 佢板起臉, 一路食住佢件海膽手卷, 一路怒目相向.
H : 又遲到!~~~~~
我 : 咩又遲到呀, 我第一次遲炸
H : 唔駛講, 今餐你請
我 : 由頭到尾都係我請既啦, 我無預你會比錢
H : 有機會請我食飯係你福氣
我 : 係呀, 你請得好岩
H : 你唔覺我今日有咩唔同咩?
我 : 咩唔同? 個嘴唇唔同左色, 中左毒咁囉
H : 我頭髮染左色呀 (個樣好八婆)
我 : 嘩嘩嘩, 係喎, 做左色喎 (我心想, 唔做好過做)
H : 攪錯, 無D反應, 我今日第一時間想比你睇下先啦.
我 : 嘩嘩嘩, 好靚, 好襯你......
H : E~~~~~~~你叫野食啦, 食完快D走呀你 (說完, H隨手拋了件東西給我)
我 : 掟D咩比我呀 (我手住一睇!)
我 : 嘩, 送比我既!?
H : 你駛唔駛問得咁多餘呀, 唔係送比你, 唔通送比我咩
我 : 你又知我鐘意呢個牌子既TIE? (我無問佢同唔同意, 就打開件禮物)
H : 次次見你, 你都係用呢個牌子TIE, 我有留意既
我 : 你有咁細心留意我咩?
H : (佢無答, 只係笑中帶點甜, 好少見)
H : 你鐘唔鐘意呀?
我 : 你何嘗唔係問我廢問題, 唔通同你講唔鐘意咩?
H : 拿返黎, 你講野咁衰
我 : 我得到既野, 唔會咁易放手既 (其實我係順口開河)
H : 咁你會唔會珍惜佢呀?
我 : 點只珍惜呀, 即頭搵野箱起佢呀
H : (又無出聲)
我 : 話時話, 你同條仔點?
H : 呢排無咩, 佢呢排好忙, 好唔得閒理我........
我 : 咁你咪自由囉, 返工唔駛包住個頭囉 (我陰陰咀笑)
H : 呢段時間, 我可唔可以多D搵你 (佢望住我)
我 : ...........日日搵都得.......(其實我有點手足無措)
H : 你係先好講 (好像有野想講, 之後又吞返落肚)
我 : 係呢, 月底個PROJECT你公司果面出左SCHEDULE未, 同埋酒店方面安排好未? (我突然唔知講咩, 好像有點怪, 故意拆開話題)
H : SCHEDULE出左, 但唔係FINAL果個, 要等WENDY果而問老闆先, 澳門酒店已經安排好啦, 到時你唔駛驚無房比你.
我 : 我驚咩, 大不了我自己BOOK.
H : 你知唔知今次我都有份去? (講既時候成個細路女咁)
我 : 你又有份, 點解呀?
H : 今次ADMIN方面, 全部野係我安排, 我唔去現場打點點得呀 (唉......又黎啦)
我 : 即係要對你三日啦, 唉...........
H : 好唔想對呀? 放心我唔會比你有機會同我傾計, 咁得未?
呢一次午餐, 我自己感覺有點怪, H在平常態度中, 對我有點好像女生談戀愛的感覺, 是我自己多心還是怎樣? 那一刻我不知道, 如果你問我, 我想唔想溝佢, 認真答, 果一刻好想, 因為就好像年輕人所講有FEEL. 月底好快就到, 我同H公司個PROJECT係澳門舉行, 出發前一日, H打比我, 約我一齊出發, 我答應左, 就係咁我們的關係亦又這次開始了................待續.
[ 本帖最後由 Alden72123 於 2013-12-4 09:43 AM 編輯 ]
