煮飯仔
得知Cherry唔舒服的真相後，第2日我就打俾Cherry，原來她真的又去了睇醫生。
我: Sorry，好痛呀?
Cherry: 少少啦，所以今早去左睇醫生。
我: 醫生點講啊?
Cherry: 咪俾佢話囉，佢話佢講左好多次叫唔好太激烈喎。
我: 吓我出左7成力喳喎。
Cherry: 咩話?
我: Haha…… Sorry，我講笑喳。咁……. 醫生有開藥俾妳嗎?
Cherry: 有啊，Dragon呀……..
我: 咩事?
Cherry: 可能黎緊真係…… 只可以做住一次先，醫生講，如果再做，都要斯文D，同唔好太………..大力。
我: 明啊，傻瓜，其實唔好做住添啦，等妳好番晒先。我唔想見到妳成日食藥睇醫生呢。
Cherry: 傻佬，放心啦，我會盡快好返既。
說畢，我便認真的檢討究竟哪裡出了問題來，但真心我是毫無頭緒，難道我去問朋友又或網上同人講:你有無試過插到女仔第2日行路都拐拐下，紅腫到睇醫生呢?我應該點做先唔會咁啊………..?係我還未想到辦法時，其實我和女友亦 有定時行埋，點知……亦同告出事了。話說我和女友的性生活比以前好了很多，可能是我技巧好左，而照顧女方心理亦多左，其實和女友近幾次都可謂如魚得水，感覺是非常的不錯，可惜係一次性愛後。
我: 穿左……………
女友: 吓?咩話。
我: 個套…….穿左。 ( 每次性愛後，我習慣將避孕套打結收好才掉的，可惜今次，當完事後，我發現套的頭頂位置穿了，還在…………..滴……….. )
女友: 咁點算????
這件事我女友先去了買事後丸，及後嘛，發晒脾氣的她下令要禁慾一個月，要確保她的經期來了之後，沒問題了，才可以再有性行為，那真的是晴天霹靂，我當然有投訴，但反而被她說我沒理會她感受。
以上的種種要命事情一下子發生，令我禁慾好一段時間，心情有些煩躁卻又明白到無野可以做，感覺好無奈同被動，所以只好找Margaux來呻……………
Margaux: 係真唔係啊，你有無咁勁啊?
我: 我唔係玩野，家陣認真架，乜妳聽落我似晒命咩?晒都晒自己可以做好多次啦，點會晒自己無得做架。
Margaux: 咁又係………. 但係唔係有咩你做得唔夠好啊，兩條女都係咁?你係咪人地未ready好就插先?
我: 嗱，以前我唔敢講，因為真係好多野都唔識，而家我技巧好左好多架啦嘛，堅係夠濕佢地又想要，我先會入。絕無監粗黎。
Margaux: 會唔會太耐又或角度唔好先?
我: 妳估我莫斯科馬戲團咩，點會玩唔同角度喎，唔關事啦。但整親Cherry同穿套件事係真架囉，激死我。
Margaux:激死咩野先?激整親佢地，定還是嬲無得搞野先?
我: 咩都有D啦。唔怕同妳講，以前得女友時，情況無咁明顯，但有左Cherry後，我發覺其實我原來都幾有性需要。我發現無搞野後，我近排有D燥底。 ( 對住Margaux，我真的會暢所欲言，人一生之中，總會有D人唔熟但你又唔知點解唔介意唔會考慮太多同佢盡吐私事來。 )
Margaux: 正常啦，你食大左個胃，而家要你忍口，梗辛苦。
我: 乜會咁架咩?
Margaux: 會架，尤其聽你講Cherry咁正咁吸引時，咁你而家點解決架?打飛機了事?
我: 我?我唔打飛機架，最多都係去打機、打波、操拳分散注意力之餘出一身汗囉。
Margaux: 操拳?得架咩?我好少聽男人講唔打飛機，都唔知你真定假。
我: 都得得地架，但如果比賽，賽後會更想搞野。我當然係真啦，我使咩同妳講大話，我唔打飛機架喎。但聽妳咁講，妳有咁多對手，都應該大食架喎，如果咁啱妳個個男朋友都返晒自己國家，無人同妳搞妳點算。
Margaux: 唓，而家咪係囉，個個都唔係香港啦，都唔知有無搞錯。
我: 咁妳咪同我一樣都會燥底囉?
Margaux: 放心，我先唔會，我有好多玩具陪我架。而且我要男人，唔會無既。
我: 係喎，妳好似講過自己人見人愛，車見車載嘛。
Margaux: 係架，但其實我多bf遮，我唔濫架。 ( Margaux一直強調多男友的她，係唔濫既。咁…….多男友都唔濫?呢個又係咩玩法呢? )
我: 係係係，知道。咁玩具…….代替到男人架咩………? ( 我真心問。 )
Margaux: 梗唔得啦，你係咪玩野啊，即有玩具叫做頂下癮咁囉。
我: Haha….. 點知喎，我又唔係女人。我又無玩具，我真係好多時做運動喳。
Margaux: 喂，不如下次你做運動時，如果啱時間夾到，搵埋我啦。
我: Haha….. 做咩運動先?同妳打波會唔會執波多過打架，太渣我怕瞓著喎。
Margaux: 死人頭，咁打機囉，唔會要你悶啦掛。
我: 啊?妳識打機架咩?如果係，有得諗喎。 ( 對於打機既人，聽到女生喜歡和識打機，尤如大海出現個小島那麼特別同有趣。 )
Margaux: 打機之嘛，我以前蒲機舖架好無。所以你下次想搵人打機，可以搵我，最緊要準備好我份手信。
我: 哦~~~~ 妳個衰人，仲以為妳咁好死添，原來猴住我份手信。
Margaux: 當然，唔通猴你個人咩，你而家，睇黎得Bella可以救到你。 ( 我當然明Margaux既意思，我唔係君子，但我唔想將Bella定位為洩慾對象呢。 )
我: 唔會囉衰人，佢好女仔黎架。
Margaux: 唓，我就睇下如果有機會獨處時，你忍得幾耐。
我: 忍唔到時搵妳打機囉。
Margaux: 剩係打機咁簡單? ( Margaux的以退為進，我明白。 )
我: 乜妳平時好唔簡單架咩?
Margaux: 真心我未見過男人搵籍口叫我上佢地屋企時，係唔會無下文囉。
我: 激死，明明又係妳講要手信，又係妳提出打機既。
Margaux: Haha…… 又係喎。
我: 哼，唔同妳講咁多，我去操拳。 ( 說畢，我真係去左操拳，尤幸當時我有keep住做運動，叫做有野分散下我注意力。 )
唔知大家最長時間無make love係幾耐，一星期?定半個月?還是更久呢?如果無另一半還可以理解，但如果你/妳係有老婆/老公，又或女友/男友時，沒性愛卻又好性的你，忙時還沒什麼大不了，但人靜下來時，少不免就會想東想西起來，如果一時心思思，走去睇埋愛情動作片，就更不得了。Cherry我是一直有關心的，她睇完醫生一兩日後已沒事了，但我一來工作忙，二來我真的想讓她再休息多一點，所以我倆也沒見面好一陣子。(不是說見面一定要make love，但現在狀態的我，要見面而唔make love，尤如餓住我面前放甜品但唔俾我食一樣的殘忍。)女友呢?一個月的守齋期還未過，什麼也可以免談。
而由於我工作忙，最近最常見的，自不然就是Bella了。就是在公司，Bella依舊好看，而這個好看，現在還包含了多一重我對她的情慾渴望。想咸濕Bella，我從來都想，她會有一種令人想入非非的衝動，我猜公司好多男仔都會，但我有點不想的是，我的意思是……. 現在她一出現不出現都好，她在我腦海中的，多半也是被我性幻想，每每這樣時，那晚我必跑了出去做運動。其實我想問女生，如果妳們被喜愛的男生拿來性幻想，妳會開心嗎?
由於公司新一季的設計已上線，我們的工作下一個步驟就係開會傾組裝問題，基於產品複雜度高，要確保零出錯，Quality Control非常重要，所以順理成章我和Bella同女魔頭約了在國內親身跟進內部生產，其實工作有挑戰是好，那能令我專心起來，只是有一點要留意的是，上得國內，即就將會過夜，咁我一諗今晚只得我和Bella係宿舍，又就……好難專心了。
和女魔頭Michelle開會、打交道，有一件事要謹記，就係做人要低調，做事要高調，說話要客氣，但立場卻又要堅定。女魔頭今日不見Raymond，改為由我接見。再熟既人，只要係客，我都會習慣性先留意她今日的心情狀態，尤其Michelle，和她對奕就是有趣，因為不熟她她會擺姿態，那麼和她熟呢?她反而更會步步進逼，也不見得好得去了哪裡。
