呢排工作量唔多 又成日喺屋企，所以尋日諗住搵返啲舊game出嚟打吓。因為真係太耐冇玩，部機就喺廳封o西塵，但係啲game就唔知喺邊。
我唯一諗到嘅就可能係喺老婆三叔宜家瞓緊嗰間房。佢未嚟住之前嗰間房通常都係用嚟俾我擺放雜物，所以啲耐唔用嘅野應該喺o西佢間房。
佢三叔尋日同平時一樣同啊嫲落咗樓散步，老婆又出咗去。咁我喺廳搵唔到，好自然就入三叔間房搵。床下底冇，咁淨係得返衣櫃㗎啫。
一打開個衣櫃，因為三叔帶嚟嘅衫唔多所以一打開已經見到入面一袋二袋我哋自己同三叔嘅嘢。搵搵吓我見到有個紙袋夾咗喺三叔啲衫入面，本來我淨係係咁意睇吓入面有冇我啲game，但係望完之後我覺得好奇怪，個紙袋入面竟然有啲白色類似布料嘅物體嚮入面，就咁睇已經覺得呢啲布料唔似一般男人或者一個啊叔衣櫃入面會搵到嘅嘢。個紙袋入面除咗啲白色布料之外仲有啲舊報紙同舊馬經，我同老婆都唔賭馬嘅所以好明顯個袋係三叔㗎啦。
我嗰陣都仲係冇諗啲咩特別嘢，淨係諗住搵我啲game㗎啫，我嗰嘢係純粹以"男人老狗 乜撚嘢嚟㗎" 嘅心態， 所以先好奇攞出嚟睇吓，點知俾我搵到一條女人底褲，同一個bra
呢個bra我幾肯定係我老婆嘅 因為個bra冇pad夠o西薄所以我知道老婆最鐘意用呢種款嘅bra嚟襯白色恤衫，話貪佢唔會透同唔會show到個bra型出嚟。呢種款嘅bra我老婆亦都有幾個所以我好肯定呢個係其中一個屬於我老婆嘅bra
至於呢條底褲我都好似有小小印象 因為我認得側邊啲鬚鬚，加上條底褲同個bra應該係同一set，所以個bra係老婆嘅條底褲一定都係走唔甩。
況且成間屋得我老婆同啊嫲兩個女人，我諗啊嫲唔會有呢啲款嘅底衫褲囉，就算啊嫲咁重口味真係有，三衫叔應該唔會顛到偷自己老母啲底衫褲掛。
最後我冇攞走個bra同條底褲，我將兩樣嘢都原封不動咁放返喺個紙袋入面，問題嚟啦，大家覺得我應唔應該同老婆講好？
[
本帖最後由 最錫我老婆 於 2020-4-29 07:38 編輯 ]
