引用:
原帖由 sam7211 於 2020-8-17 08:49 發表 
師兄又知如我開操，
實會有好成績？🤭
開操兩星期，跟住you tube做，
鑽石掌上壓、直手和闊手為一組，
暫時只做倒數六下，
每天做兩至三組，
卷腹各樣動作，
大約做二百多下，
兩星期跑步了4天，
那算勤力嗎？
希望能持之以恆吧！ ...
Sam兄，我欣賞你有呢個心，會去實踐。小弟話既，如果你有正確既態度同方法，要超越我跟本唔係難事。
呢個世界，咩人都有。fit就個個都想，但佢做出來既野係咪deserve呢？
有d人，講左當操左，幾年都無進步。
有d人，苦苦操練，日跑夜跑，愈跑愈多，只係為咗抵消卡路里，毫無進步，甚至連本身既肌肉都消耗埋，到頭來d關節五勞七傷。
又有人話自己點操點操，但仲以為肥肉會轉變成肌肉 XD。
坊間咁多youtube片，其實增肌減肥既方法免費擺晒喺度。究竟有幾多人攞走左呢d知識，而真正幫到自己？
講真，呢啲program唔係容易，但同時亦比較沉悶。試想，有幾多個人，可以為左look fit呢個小小既虛榮，無限期去堅持每日做呢d辛苦又沉悶既program? 仲未計身體本身係未識shut down 你某d系統幫你慳能量，你只係堅持都無用，係要增量。
所以，如果你當運動係工具，你注定失敗。我諗，你首先要享受操練，同自己身體溝通。
你頭先講既一堆數字，以岩岩起步既人來講係impressive既。但如果係辛苦既，你覺得你可以捱到幾多日？你日日都做同一set野同時，究竟你有無同你身體溝通？
問心，唔洗答我。如果你覺得呢套嘢你可以keep到一世，go ahead，至少佢唔會令你變肥。
另外我想講，其中一個令自己投入既方法就係理解佢原理。例如，最簡單「力從何來」、又或者「呢個動作係收縮緊邊組肌肉」等等。學無止境，我同Soso都有一齊去上堂，大家keep住一齊進步既熱誠，並且使用正確同適合自己既方法。
你有心機，我可以同你研究。
[
本帖最後由 vanillasky 於 2020-8-17 09:44 編輯 ]
