TOP GUN 2
喂喂喂，有無掛住我??我既手信呢??Haha……….
一個問題，兩個人問，不同人就是分別得出迥異的答案。我指的是Cherry同Margaux，她倆知道我回來後，分別留言給我，而我也好爽快的回答。
我: Haha……我有掛妳架，妳又有無呢?手信啊?有架，但要睇下我地幾時見先得喎。 ( 我覆緊既係Cherry。 )
Cherry: 好野!咁你得閒快D講我知，我等你。
我: 又好。
另一方面。
我: 掛住妳做咩啊?手信?我買左好多喎，求其拎份小食俾妳好無?都係唔得，我地唔見，咁等我得閒寄俾妳啦。
Margaux: 衰人，枉我仲掛住你添。
我: 掛住我?8卦想知我同Bella有無上床喳嘛?阿8卦妹，妳掛住妳D仔就真啦，Haha……
Margaux: 哼哼，佢地個個每次同我傾，都會講miss you so much架，好好架。
我: 佢地miss妳邊部份先?嘿嘿…….
Margaux: 你食屎啦，佢地不知幾好。
同Margaux溝通就是這樣有趣，同她傾談，基本上當佢係男仔就OK的了，因為佢會同我一齊分析男人女人的心理生理。Margaux嘖嘖稱奇的估唔到去旅行那麼好的機會我居然和Bella仍未上床，事實上我也沒有心急，這點大概是Margaux想極也不會明，因為在她的世界，她的男人對住她都是急色好性，我時常取笑她的男人都是高薪卻低自控力，下半身決定一切的人。當然她也有說當我見到她時，我可能都會被她迷住，更問我幾時有機會見下，係俾我見識下佢既吸引力，而我笑說，要見，也先見Cherry先好了。
而我和Cherry呢?已好一段日子無見了，事實上我很想見她，由於今星期我約了我的表弟見面食晚飯，所以我決定和她下周才再見，但不知為何，Cherry卻希望我可以和表弟食飯後當晚和她見面，既然她都那麼主動要求，我也沒有多說，就回覆她我食完晚飯會第一時間找她好了。
回憶到這，不知大家可不可以大概猜估到我的外表大致如何呢?在我自己而言，不過不失吧，為什麼那麼說呢?因為其實在我的人生中，我有一位表哥和一位表弟，一直以來都非常搶鏡，基本上可以講佢地係人生勝利組，同佢地一齊出去玩，D女一早已被佢地吸引晒，所以我通常都係負責食花生果位好了。至於今次為什麼表弟約我見面食飯呢?無他，浪子，原來都有上岸的一日。我好記得係我見表弟之前，我也收到了兩張紅色炸彈，兩張都是我外國讀書時好友的請帖，而現在，終於到我表弟了。
我: 阿表弟(Stephen)，我真係幾意外你會早過我結婚喎。
Stephen: 唔好講你，我自己都估唔到。 ( Stephen；我表弟，年青會計師，堅靚仔，外表極似馮德倫(魔幻廚房客串果個時期)，運動愛好者，佢熱衷馬拉松，毅行者同單車環島遊多樣耐力運動，年青既佢早早已事業有成有車有樓，論大隻可能佢不及我，但鋼條身材既佢脂肪比例可能連16%都無，而且聽講佢仲有女人趨之若鶩的……Top Gun添。 )
我: 吓，咩意思?即你自己都估唔到你好愛你女友呀?
Stephen: Haha…..點講呢，我唔係唔愛佢，只係無諗到咁快結婚遮。
我: 明，即有左餡。 ( Stephen點頭，他有點苦笑。卻又未算去到失望非常，我明的，我地男人，認定了女友為終身伴侶好，明知日後係同對方步入教堂都好，但只要那一天未到，未婚的感覺仍是爽的。 )
Stephen: 係，點講呢……. 我知自己唔係唔想結，我都想，只係無諗咁早遮。
我: 喂喂，你會計師都無計清楚安全期條數架咩?
Stephen: Haha….. 平時係同事計完我核架，今次女友拎枝驗孕棒俾我，我核左好多次架，我肯定佢有左。 ( 我們在笑，也碰杯在飲。 )
我: 係喎，咁你之前講，黎緊去日本比賽，又去台灣環島遊既事點算啊?取消呀? ( 跑步對我黎講真係唔係一件有趣既事，但可以玩到去世界各地跑又真係好爽，而因為Stephen有呢個興趣，才令我認識多左跑步呢一回事。 )
Stephen: 咩啊，我點都玩埋今年先啦，既然婚點都一定要結，一切又已經係定數，日後有無得話玩就去玩都未知啊。
我: 哦，又係喎，咁你落實下一次出trip係幾時未? ( 我和Stephen碰杯，我在思考他剛才的說話。 )
Stephen: 下個月就去台灣環島遊，再之後係日本東京馬拉松。
我: 嘩，你好忙遮。
Stephen: 咁好黎好去，點都要做埋D野既。
我: 吓? ( 我堅唔明，乜去玩都要好黎好去架咩?Stephen見我一臉疑惑，他徐徐地掏出手機，在給我看。 )
Stephen: 睇完你就明架喇，呢副圖之後，自己掃啦。 ( Stephen講既，係佢手機裡既相片，當中既女孩非常火辣既有，斯文純情又有，但她們都有一些共通點，就係一定集合靚同埋好身材。 )
我: 嘩嘩嘩嘩…….嘩………….. 衰仔，邊度識架? ( 我再掃圖和細看，有些女孩看得出是運動型，蒲開既有，清純亦有，每個女孩都有正常的個人照，但接下來就不得了，她們都有些和Stephen的合照，更有性感照……….. )
Stephen: 邊度識?我去過邊度，咪邊度識到囉……………..
我: 你係陳真個徒弟呀，代表我地同全世界講我地唔係東亞病夫呀?
Stephen: Haha…… 係呀阿表哥，所以我砌日本妹時特別落力架。 ( 我倆在笑。 )
我: 喂喂，乜真係咁正架咩?邊度最吸引呢?
Stephen: 睇你要咩，日本妹聽話，台灣妹夠嗲，韓妹有性格，但我唔濫架。
我: 我問你地方喳，Haha……..但講番先，即點唔濫法呢? ( 我在笑問。 )
Stephen: 我一定要索靚身材正囉。 ( 表弟在笑答，他答時，忍不住掃一些他的珍藏性感照，都是那些女伴send俾佢以解相思的婀娜多姿照片。 )
我: 真係不得了喎，呢幾個係…………?
Stephen: 台灣架，佢地3個最正，嗲得黎唔痴身，主動得黎又識就男人，我真係唔捨得。 ( 係喎，台妹真係天生有度吸引，我亦喜歡，所以Bella吸引我亦不無道理。 )
我: 以我所知，你去台灣唔係跑步就係踩單車，乜你仲有體力架咩?
Stephen: Haha…… 溝女用魅力之嘛，要幾多體力啊，而且我跑好踩單車好，用唔到果度既力架喎，係咪先?
我: Haha…… 氹得佢地開心，佢地主動埋你仲唔使點出力添。
Stephen: 咁又唔得，愛……. 係需要努力付出去做既。 ( 我倆在笑在飲。 )
我: 衰仔，其實佢地咁正，你又唔考慮佢地?
Stephen: 講笑咩，出黎玩咁耐，唔通我仲唔識分，邊D係情人，邊D係過人世既咩。
我: 即女友就係過人世下嘛?
Stephen: 即講啱Channel既，始終都係香港女仔，唔講其他，大家思想文化都接近得多先啦。
我: 而其他女仔，你就貪佢地思想文化夠有距離? ( 我在好奇。 )
Stephen: 無，我係因為佢地索同好身材遮，無其他。 ( 我倆在飲又同時奸笑，極度衰。 )
我: 咁你平時點樣見晒3個架?
Stephen: 你唔知我單車環島遊咩?我去玩成個星期有多架，佢地每人2晚，我見佢地既地方唔同，夠架喇。唔明呀?都叫左你同我一齊去玩架喇。 ( 我唔熟台灣，就是Stephen簡單講左佢既行程表，我都仲係唔多明。 )
我: 嘩…… 講笑咩，同你一齊去，睇你溝女呀?我唔想齋食花生囉。
Stephen: 玩野咩，第2個講就話遮，阿表哥你喎，我仲記得以前我地去澳門玩，果幾條女抄你牌。 ( Stephen講緊既係，係我仲係香港讀書時，我同佢仲有2個表兄弟去澳門玩，一行4人係船上玩啤牌時，有4個女仔撩一齊玩兼且拎我地電話no，約大家分別到澳門自己既酒店放低野後再一齊出黎見一齊玩。 )
我: 你咁好記性既，我唔係好記得詳細喎。 ( 其實我記得，果時我唔明點解4個女仔咁大膽去澳門玩，仲亂約人，但我事後俾佢地笑，我地都係4個男生去澳門玩，亂俾電話no陌生人。 )
Stephen: 嗱，點都好，阿表哥，剛剛講既野，得你知喳下，如果你都想去台灣踩下車，到時預早搵我，同埋你一齊去，玩時我都有得威下嘛，係咪先? ( 我明佢意思係去夜場玩時，識女都再易D。 )
我: 係係係…… 多謝俾面呀下，俾我諗諗先。
