可以開始，卻不會發展??(下)
當我地一眾同事都梳洗好後，就去酒店食自助餐了，由於人多，酒店一早已劃分一個區域俾我地，公司酒店旅行，有個有趣地方係，D同事你會大部份都識，但多數都唔會好熟，見面時，會點頭，會微笑，但就講唔到咩野，即無深入話題，亦可以說唔夠放。但打破隔膜永遠最好同最易既都係飲酒同玩，情形就好似尋晚咁，好快，中港飲酒大戰又開始了，可能因為聽日就係行程既last day，所以今晚大家玩得特別放，我都係，飲酒既飲酒，就連平時少說話唔合群既柒男同Lawman都玩得好投入。而當食完飯之後，有人提議去酒店既K場，又有人提議返酒店玩兩手。我自問歌喉一般，所以想轉去同同事玩兩手的，但Bella卻對唱歌有興趣，所以我地就決定先唱K，後去賭錢了。
我係一個好鐘意玩既人，但原來我都有死穴，唱K，就係我既死穴，我真心覺得自己唱歌唔好聽，唔知大家會唔會，就係感覺自己聽自己把聲好好時，唔知點解同唱歌出黎既聲會唔同左，我就係咁，所以我好多時都好少主動唱，上次同Cherry唱K已經係咁，今次，同Bella，仲有一大班同事，我就更顯得有少少怕羞了。那麼Bella呢?是不是大多數靚的女生唱歌都好好聽的?我不知，但Bella就是有一把歌聲不俗既聲線，而佢亦都好鐘意唱歌，尤其國話歌。至於我嘛，去K場唔唱歌，自不然就係玩骰盅同飲酒的了，在我玩的同事，其實也不時有留意Bella的，而她在唱情歌時，亦會回頭望我，我倆此時亦多了四目交投，正當玩了不久之後，電話忽然響起，原來是去左睹錢的Raymond在打電話給我來催，那麼我就只好過去了，Bella知道後，亦跟了上來。
我: 妳可以唱多陣喎如果妳想。
Bella: 我未賭過，我想跟你睇下賭錢係點。
我: 又好，但我賭錢唔叻架下。 ( 我從來覺得，賭，靠既唔止係運氣，仲係一門好高深既數學題，機率百分比等等的學問，但今晚嘛，理得佢係咩?玩得開心就是。 )
當我到其中一位同事的酒店房時，看見Raymond正負責做庄，而十多位同事正在和他一起對賭，講真，佢地真係好嘈，幸好酒店的東翼都是我們的人住，所以我地唔怕俾人投訴，但我唔鐘意賭既原因之一係，人一賭性起，就可以看到他的本性，有句說話是真的，賭品好自然人品都一定好，你要了解一個陌生人，和他對賭就可以摸出7、8成的了。因為太多人賭，所以他們在玩21點，我喜歡，因為夠爽快分出勝負，Raymond做庄，因為在座咁多人中，職位上他差不多是最高級的了，但佢對賭只懂玩法卻唔識賭法，我係現場看了10局開來，做庄的他居然輸多贏少，如果再係咁，真係多多錢都唔夠賭，所以我拍拍他背叫佢take個break，由我接手。Raymond也明我意思，走去飲杯水。而我賭，在我來說就係當玩game一樣，只要係玩，我就有興趣。我提議轉位置在Sofa前的細枱上賭，這樣我就不會被他們圍得密密的，而且注碼我也設了上下限，因為這樣就可以方便我找換錢了，而因為玩的位置改變了，所以同事們的坐位也和最初不同，當一切準備好後，Raymond已回來，他和Bella也站在我身後看我賭，起初都會有輸有贏，而當我再賭多10局後，漸漸出現了贏多輸少的局面，當一切開始暢順後，我就示意Raymond接手了，當然，同事們都在笑不准我割禾青，這心態我明，所以我放低贏左既1500元給Raymond，說笑叫大家同我贏番佢走就好散場了。
Raymond: 你唔留低?共同進退喎~~
我: 太嘈，你贏多D，但記住，玩幾耐都好，守尾門既肥仔如果唔賭，你就要散場喇。 ( 我在細聲講。 )
Raymond: 哦……. 明白。 ( Raymond在細聲答。 )
我: 最多我抖抖氣一陣返黎再助陣。
說完，我就扮攰的離開了，當然，現場氣氛熾熱，Bella尾隨我走根本無人理會，而我地行返自己房時，由於我房比Bella行入多少少，我好快係走廊見左右都無人，就一手拉左Bella入我房，她嘩一聲後也就一起入來。我倆一閂門，插好房卡，我就將她整個抱起，擁吻開來，邊行，邊吻，直至到床上時，我和她雙雙倒下，瞓在床上，此時Bella輕輕力推開我。
Bella: 喂喂，你唔驚佢地散場咩?
我: Haha……傻啦，邊有咁快，我係佢地身上贏左成千幾蚊啊，佢地見我臨走放番低，仲要係輸過俾佢地既Raymond做番庄，照估計，應該可以頂到廿分鐘，甚至乎更耐時間先係。
Bella: 我有野唔明，有野想問啊。
我: 咩呢?
Bella: 點解你講你唔賭錢，但你頭先又好似好有把握咁贏既?
我: 其實都唔係有無把握既問題，但講左就唔好再提喎。
Bella: 好。
我: 我一開始睇左佢地玩10幾舖，大概知道佢地大部份人都真係玩賭運氣既，場中最無技巧既呢，要算係Raymond同頭先我安排守尾門既肥仔了。
Bella: 之後呢?
我: 妳咪見我將呢兩個黑仔王重新擺位置既，其實係特登既，Raymond我就叫佢走開回下氣，而肥仔呢，為左發揮佢最大功效，我就安排佢守尾門嘞。
Bella: 但21點唔係賭運氣架喳咩?
我: 係架，所以對賭既時候，千萬唔好放個黑仔既走，尤其佢係對家時，即肥仔。
Bella: 但你點知佢唔會走啊?
我: 其實頭先轉細枱賭，我叫大家執好D位置我做庄時，我見人人贏錢係肥仔無贏，我就私下醒左佢幾百蚊，之後拉左佢坐我側邊守尾門，同佢講小賭可以怡情，玩埋呢幾百蚊都贏唔到，就好收手啦。
Bella: 咁如果佢贏呢?
我: 賭錢，運氣佔部份，而且係要累積，肥仔一開始已贏唔到，佢已無運，而家守尾門，靠既係技巧，佢更加無，其他人望住佢要唔要牌下壓力大，如果我都輸俾佢，就抵輸。但我贏錢，其實都算係靠佢，所以我先一開始俾本佢，嗱，我無要佢輸入肉架，輸都係輸我俾果D喳。
Bella: Haha…….. 咁你估Raymond會唔會又再輸呢?
我: 會唔會我唔敢講，但至少個勢上會好唔同。
Bella: 咩個勢上啊，唔明。
我: 佢輸緊既，係自己錢，賭錢最忌數住自己輸幾多，而家佢賭緊既，係我贏返黎既錢，D錢係人地既，佢玩就會輕鬆得多。而且D人之前個個有心贏佢錢夠齊心，而家見我拎返千幾蚊出黎，佢地就會變得想鬥快贏返黎，要牌唔要牌之間就會心急左，再加上肥仔尾門唔識要牌，應該5/5波，可以有排玩既。
Bella: 你講得好複雜，聽完我都唔知你講乜，同埋唔知係唔係真既。
我: 妳理得我真定假遮，妳應該諗，我搞咁多野，都係想爭取多10幾分鐘同妳獨處下喳，我等左呢個機會好耐喇。
Bella: 幾耐啊? ( Bella邊說邊甜蜜的笑同時邊在床上後退。 )
我: 成個行程咁耐囉。 ( 我邊答邊古惑的笑同時邊在床上扒前。 )
Bella: Haha……. 傻佬。 ( 說完，我地就鍚起來，講真，頭先賭果D野，都係廢噏，我唔鐘意賭，因為要識計算。但如果賭可以計劃成見Bella耐D，我又OK喎。 )
我和Bella在床上擁吻，我在吻她的頸項，游完水沖涼後，她身體傳來陣陣幽香，還有她的酒味和髮香，我的性慾有點被燃起來，我想進一步，一手在輕摸她的纖腰，另一手已在搓揉她的33D酥胸，哦…….?為什麼好像比上次大了點的?忽然，Bella輕力的推開我。
Bella: Dragon….. Dragon….. 聽我講先。 ( Bella的語氣是認真的。 )
我: 哦?咩事啊。 ( 此時的姿勢是男上女下我擁著她停下來。 )
Bella: 不如…… 我地唔好做愛囉。
我: 吓? ( 我真係吓左出黎，我吓，唔係因為無得做愛，即講真，得10分鐘左右時間，我都唔打算做愛，我吓，係因為Bella推開我，而原因係想提醒我唔想做愛? )
Bella: 我想問，我俾左你咩野感覺啊?
我: 咩感覺，好好既女仔，我對妳有好感囉。 ( 雖然我飲左酒，頭腦還是清醒的。 )
Bella: 我對你既感覺都係，其實你好吸引我。 ( Bella定了神的望著我。 )
我: 咁妳想講既係……..咩呢?
Bella: 即不如咁樣講，我地可以做愛，我地可以開始，但唔可以發展，亦唔可以俾人知。
我: 哦? ( 我好記得Bella講既呢句野，因為我聽得好清楚，卻唔明當中意思。 )
Bella: 唔係唔係……唔係咁。 ( Bella講完，主動的仰前攬實呆著的我，以她體重一下子拉低我一起倒在床上，而我的熱情，一下子被冷卻，換來了冷靜。 )
我: 傻妹，其實妳想講咩?
Bella: Dragon，可以應承我一樣野嗎?
我: 咩呢?
Bella: 我鐘意你，可以咩都講你知，可以同你做情侶既事，但唔可以發展成為情侶之後既事，可以嗎?
我: 吓?
Bella: 只有呢樣野你唔可以問，而如果你應承，我會聽晒你話。
我: 聽晒我話咁著數? ( 我說出呢句時語氣係輕佻的，但Bella也聽出我滿心疑惑，她知我在思考ing………. )
Bella: 係啊…… 衰人。 ( Bella講完，就抱得我緊緊的，感覺上她在等待我回覆，在等待中生怕我遠走而抱得緊緊……. )
