可以開始，卻不會發展??(上)
行程的第3天，天氣如常的好，但天氣報告卻說會間中有雨，去旅行，最怕天公不造美，但其實亦唔到我地控制，所以我地都如常的去玩，享用緊渡假村既設施，直到下午，食完飯後，大家都各自返房準備，講真，現在的天氣好到不得了，誰又估到，之後卻會下一場大雨呢?由於去沙灘玩既人好多，我地較熟既幾位同事相約好一齊出發後，就去尋晚西翼果邊既沙灘玩，因為貪果度少人知同沙幼景靚。
Mani: 係啊，果度(沙灘)少人又夠大，仲有個好靚既碼頭仔添。
Bella: 係呀，我尋日都見到，但無行到去果度呢。
Mani: 係，妳都有去?妳幾點去啊? ( Mani咁樣問，看似簡單，但唔小心答，就會露出馬腳。 )
Bella: 尋晚食飯前囉，去左望下日落嘛。 ( Bella亦意識到，所以答一個佢當時提早浸完溫泉而離開既時間。 )
Mani: 係?我尋晚同男友去架，仲見到鄭小姐一個人坐係碼頭度呢。 ( 我同Bella梗知Mani尋晚去左西翼沙灘啦，只係唔知最後佢地有無野戰遮……. )
Bella: 係啦，我下午時都見鄭小姐一個人係我地果邊既沙灘一個人坐。
我地邊行，佢地邊傾計，好快就到左西翼既沙灘，日頭看既景色，比夜晚更好，因為站在沙灘遠望真係一望無際既海景，大家心情都好好，而且更加係度鬥快除衫，因為好低能地，唔知邊個提出鬥快跳入水玩。男的不說，女的才是重點，我現在終於明白，為什麼短短幾天行程都好，女生的行李總比男生多和重，Bella穿上了新的白色Bikini，其實白色係好蝦人著得好睇的，但青春迫人的Bella就是可以，而且主要是她玲瓏身段夠本錢carry到，加上標緻既面孔和夠白滑的皮膚，踢走了涼鞋露出搽了粉紅色的腳趾，就是純美得夠吸引人，我現在開始識分，Cherry是較成熟的人妻美，和Bella青春可人的討人歡喜感覺就是不同，但同樣使人著迷，叫人不捨放手。
Bella: Dragon，乜你咁慢架，黎啦，我地快D落水囉。 ( 尤其Bella那燦爛的笑容，我想沒幾多男生可以抗拒。 )
我: Okok……. 就得。 ( 此時我也除了衫跟著跑出去，而跟隨著Bella跑，才留意到除了柒男和Lawman外，沙灘上的其他男人也對Bella行注目禮，無他，Bella真的算非常耀眼和吸引。第一次感覺到其他男生可能羨慕著我被欽點叫了出去一齊玩。 )
我們一眾人跑出海玩，沒有原先講的鬥快游出浮台，反而是大家在玩最老土的……. 爭波仔，即大家圍一個大圈，然後留一個人在中間爭，其他人將一個吹好的汽球拋黎拋去，動作雖簡單，但當玩時卻非常開心搞笑，無他，因為在玩時，爭波的那位一定是飛來撲去，這個game每人也有機會做爭果位，男生當然好快可以搶到個波，女生卻難得多，唔知班死仔有心定無意，當Bella做搶波時，佢地就玩得特別起勁，令Bella玩左幾分鐘都搶唔到，講真，睇住Bella在水上又跑又跳係養眼的，但見佢玩左好耐都贏唔到時，我都有D唔忍心，所以當個波拋到我手上時，我就扮甩手，再執返起時，抬頭已見Bella撲左埋黎搶波，正確D講，係佢先送身上兩個波埋我度，再搶我手上果個，最後我倆雙雙跌低坐左係水度。個Game都玩左成10分鐘有多，大家都有D攰，有D人提議上返沙灘曬下，有D人就想游出浮台，簡單D講就係打散左黎玩。
Bella: Dragon，我想游出浮台啊，你陪我可以嘛?
我: OK。 ( 講完，就見Bella去左拎浮板。 )
Bella: OK啦，游得。
我: 哦?妳…… 唔識游水架?
Bella: 唔係，只係我游得唔叻遮，而且我都想試下游出浮台啊。
講完之後，我就同Bella一齊慢慢游，Mani、Lawman佢地好快已游到左浮台，沒多久就更離開返上岸了。而我同Bella呢?即女孩子游蛙式係賞心悅目的，真係唔知邊個發明蛙式呢個動作，睇住Bella撐腿果下，真係好誘人。但我游時發現，原來Bella游水唔係好叻，真係游左好耐，都仲未可以游到目的地，而且呢個時候，天色忽然陰暗起來，仲落起毛毛細雨。
Bella: 嘩…… 原來浮台都好遠下喎，不如我地返上岸囉。
我: 而家先游返上岸仲遠啊，其實浮台相比唔算遠既，我陪妳游左上去抖下先啦。 ( 就呢個唔知算唔算錯誤既決定，延長左我同Bella單獨相處既時間。 )
點解叫錯誤決定?因為當我地好費力游到上浮台時，浮台已無晒人，毛毛細雨下慢慢變成大雨，雖知天氣原本係熱都好，但海邊一旦無左太陽，再落起大雨又刮起風就會變得好凍，我見Bella坐係浮台開始D震抖，我就非常的不好意思埋去從後攬著她。
我: 唔好意思啊，妳好凍喎。 ( 我從後攬住Bella，手，緊握她的手，輕力推她埋我處，讓她側側身在我懷內感受體溫。 )
Bella: 少少啦，你估場雨幾時停呢?
我: 今早酒店既人講係局部地區性驟雨，我估唔會好耐。而且睇個天，應該落多陣就完。
Bella: 你識睇天架?你以前係天文學會既?
我: 嘩……. 識睇天唔使天文學會架，天文咁斯文咁悶，我讀都讀天體學會啦。
Bella: 乜有天體學會架咩? ( Bella擰轉面望向我鬼靈精的表情地問，我沒答，只報以微笑和一個吻。 )
我: 不如唔好等雨停，我陪妳一齊游返去啦。 ( 雖然浮台只得我倆好浪漫，但再落雨下去，我怕Bella冷親。 )
Bella: 好。 ( Bella沒反對，事實上她手有點冷，我就更不好意思。 )
果然，落番水反而更好，水溫加上我們游動下更暖和得多，但在雨下，Bella就明顯游得更吃力了。及後我索性叫Bella以浮板借力放軟身體，我以背向形式拖拉著浮板帶她游，還未到岸，雨已轉細，到我們上回沙灘時，太陽又已回來了，這樣的遭遇，感覺就像是雨過天晴。由於辛苦完一輪，我倆也在沙灘上休息，我給累透的Bella披上酒店提供的大毛巾暖身後，向四周環顧一望，居然一個同事都見唔到，唔知係唔係因為落雨，大家都提早走左。因為酒店本身亦有泳池，唔游沙灘，仲有其他選擇。而我同Bella呢?就正正邊休息，邊望海了。但試問男人，如果身旁坐住一個身材滿分既女人而佢仲係著住Bikini既，你係無可能真係專心望海傾計架，當Bella用毛巾抹乾頭髮之際，看上去又有另一種美，此時我好自然的去握一握她的手，去感覺現在的她是凍還是暖。
我: 不如我去買杯熱飲俾妳。
Bella: 唔使啦，好好多了，頭先係出面(浮台)真係又凍又大風呢。
我: 唔好意思啊……. ( 講完，我就輕輕拍了下Bella的頭，亦幫她在抹乾頭髮，我邊抹，邊在搞亂她的頭髮，起初她知道我在細心的，後來知道我在整古她後，她就和我互動起來，我倆邊在笑，邊在撥亂對方頭髮，由於時近日落，我地玩玩下，就停手攬在一起。 )
Bella: 喂喂喂，唔怕……. 有同事見到咩? ( Bella細意地提出。 )
我: Haha…….. 同妳抹頭之嘛，而且頭先大雨同事一早走晒喇，唔通妳以為仲有人等我地咩，佢地返晒去酒店喇。 ( 跪起身既我，望著坐在沙灘上同時抹身的Bella，加上夕陽既光，半濕半乾的頭髮，Bella的可愛臉蛋就是吸引的代言，此時Bella緩緩的上前仰向我來輕輕一吻，我沒有避。 )
Bella: 係喎，我地只係抹頭喳喎。 ( Bella吻我之際，她將我在為她抹的毛巾由她頭同時拉扯部份去我頭那一邊，在毛巾的遮蔽下，形成了一個有趣的小小二人空間，在這空間內毛巾給陽光透射入來，照在Bella粉粉的臉蛋上，令我情不自禁也回敬了她一吻。 )
Bella: 喂喂，唔係只係抹頭咩?
我: 我見妳咀濕，幫妳抹埋咀嘛，但原來又咸又甜喎。
Bella: Haha…….邊會架。
我: 會架，咸就係海水味，甜就係我既男人味。
Bella: 邊會有呢D野架。
我: 有架，唔信妳試下舐舐咀唇。 ( 接著，Bella伸脷在舐自己的唇。 )
Bella: 都無…………
我: 試多次…….. ( 還未說完，我就和Bella頭笠著那大毛巾下，再一次擁吻，今次有少少不同既係，我倆在法式濕吻起來。當吻了好一陣子，我倆慢慢分開。 )
我: 試到甜味未?
Bella: 無呀衰人，試到咸味同咸味喳。 ( Bella在撒嬌，但那是歡愉氣氛下的。我倆同時也在笑著。 )
我: Ai，原來咁晏啦喎，仲有1個鐘就食自助餐啦。
Bella: 係喎。 ( 說完，我倆也抹好身後就回酒店了，有一個小動作係，今次Bella主動的拖著我手走，但當返近酒店時，她好自然地鬆開我，就好開心的說而家沖涼，一陣食飯見。 )
**
