billybell

同L已經冇可能返轉頭，即使佢好似自己講咁發覺都係最愛我想同返我一齊（好似F同postit兄講咁）我都同postit兄一樣變左就係變左返唔到轉頭！一段感情當出現左裂痕即使點努力修補都冇可能令裂痕完全消失，係佢唔愛我之餘我亦對佢失去信心...
好奇怪，前一秒都仲唔捨得，什至主動放棄男性自尊甘願做替身做後備同佢ex去享一個女人... 甘願接受男人最痛，但下一秒突然腦裡面叮一聲醒晒，好似完全抽離睇其他人身上發生既事咁理性分析，或者就係哀莫大於心死... 從來愛係冇公平亦唔可以衡量邊個付出多與少，自己亦由第一日同L開始已經決定做一個一心付出不望回報，只從L接受我所付出而洋溢出來的快樂，可以感受到佢因為我而掌握到幸福，呢份心意已經令我義無反顧！
到心死一刻，的確係感到身心俱疲，一直從L身上感到既推動力已經失去，佢想點就點啦，自己只想停落黎，
當時開始步postit兄後塵，完全咩都唔想諗咩都唔想理，就算返工每日見到L，心裡既痛開始麻木，其實從一發覺佢同ex既事心已痛，個份痛楚更隨住時間日漸加深，當痛係無時無刻充斥生命時，總有一日身心都會適應更轉而包容呢份痛，習慣成自然就係一種麻木，經歷差不多半年既時間適應，其實當L提出分開前已經意識到，係我提到同佢有一段寧靜平淡什至無言既相處，經已麻木預計到結果，分開後甘願忍受男人最痛同L保持一段不倫關係什至保持肉體關係去滿足佢魚與熊掌既優越感，其實只係出於一份心有不甘，已經唔再係真摯既愛...

billybell

回覆單身既生活，時間變成奢侈品，每日重覆去做既事已經唔再需要，如果日日放工同假期都留係屋企，我真係驚自己唔知會諗啲咩，加上心裡個份不甘，覺得䈻己並無做錯！
（其實可能有好多L不滿既地方佢冇講我自己亦留意唔到姐，anyway，咪就當自己完全冇責任等自己可以好過啲囉，哈，呃人我唔叻姐，自己呃自己我簡直出神入化儕身世界殿堂級啦下話xd）
為左搵返認同感及捨棄同L一齊時凡事以佢為尊既自卑感，我開始每日不斷搵朋友呻，什至好偏激咁數L既自私（因為L自己親口同我講佢面對我覺得自己好賤好自私），希望從朋友口中得到支持安慰與及認同！
朋友亦開始不停介紹女仔去幫我建立返自信，其中有個朋友係開model agency既，係真係fashion show 個啲model並唔係宅男眼中個啲under5尺6既夾奶靚模，大部份係黎自國內大連及Ukraine 既靚女！
（哈哈，到而家都有久唔久有gathering一齊玩架，當然我會帶埋老婆出去啦）
但當時根本男定女，靚定唔靚對我都一樣，因為無論朋友定啱啱識既，傾唔夠十句我就會將話題帶左去同L之間既事，什至一啲成七八年冇聯絡既朋友我都忍唔住打去呻... 當時令咁多朋友感到煩厭真係唔好意思呀...
就係呢段晚晚出去尋找慰藉既日子裡，我重遇返C...

missyellow@

噢..原來billy哥哥係用手機打文好利害..佩服哦...

C係你puppy love..總算修成正果..恭喜..祝你永遠幸福快樂..^^

想問下C唔會對L有介懷唔開心?...完全無妒忌L?
billy哥哥係咪佔有慾好強既人?所以唔甘心得唔到L心...不斷沉醉落去

missyellow@

各位...早上好..^^

missyellow@

引用:

原帖由 billybell 於 2012-5-22 09:03 PM 發表
呢段時間我同L變到朋友都不如，佢咁啱電話壞左要出過電話，佢就順便轉台出新號碼，但就堅持覺得而家唔適合俾我，當佢覺得適合時就會用新號碼搵我俾驚喜我... 全公司同事都知佢新號碼唯獨我唔知...
我仲好白痴 ...

女/男人...真係會想結婚而婚...即使對象未睇楚是否最適合都茫然去結?

missyellow@

引用:

原帖由 friend_forever 於 2012-5-22 09:29 PM 發表
係時間的問題。我而家對男朋友係放任政策。我唔著緊他，他就著緊我。可能男人就係咁

haha..係男/女好多都類同...@@

missyellow@

引用:

原帖由 damabird123 於 2012-5-22 10:04 PM 發表



no... 唔係果個…

以前架啦，做野兩年左右:smile_40:

ok...ic..

做野2年...真係n年前lu...

billybell

係電話打開咪懶得轉電腦囉~
都唔知自己佔有慾算唔算強，而家咩都係老婆謝口事，我係好傳統個啲天秤座，諗野好跟自己個套好理想化，不過就千祈唔好要我做決定，老婆話點就點我做得架啦，唔好要我諗就good啦！
開始L話分開係唔甘心有啲鬥氣咁想一齊返，跟住自己都意識到其實自己都唔感到開心仲辛苦添，佢要走咪由佢走囉，自己問心無愧就得，到後來係佢驚重蹈覆徹要逼自己同我完全斷連朋友都冇得做，咁咪由佢啦，我調整好自己清楚自己愛C想同返佢一齊，而佢亦同自己一樣愛一個人就將對方放係第一位，唔同L咁（L自己同我講過佢幾愛一個人都好，佢始終將佢自己放第一位既，叫我都唔好咁傻要保護自己多啲）
C好清楚我對佢點，所以我同佢之間完全冇L呢個人，就算有時兩個人傾開或者見到啲咩勾起有關L既回憶，我地都只會諗到L既態度同處理方法，跟住我地就好自然對望好甜咁從心笑出黎，因為覺得而家我地兩公婆真係好幸福^_^
而家我同L完全冇聯絡，但係我心裡面完全冇嬲佢反而開心同想多謝佢，如果唔係有佢出現，我同老婆未必會有機會十年後重遇，即使見返都未必有可能再發展令我地可以咁幸福~
而家啲朋友成日笑我地兩個肉麻到爆，特別係老婆咩都鍾意放上fb攪到個個頂我地唔順^_^

missyellow@

引用:

原帖由 billybell 於 2012-5-23 12:11 PM 發表
係電話打開咪懶得轉電腦囉~
都唔知自己佔有慾算唔算強，而家咩都係老婆謝口事，我係好傳統個啲天秤座，諗野好跟自己個套好理想化，不過就千祈唔好要我做決定，老婆話點就點我做得架啦，唔好要我諗就good啦！
...

用電話打咁多字好攰ing..

上網睇話天砰座既人富同情心且重感情，對別人的態度公正而客觀。你很能體諒別人的感覺，故能和周遭的人保持和諧的關係。社交活動對你來說是很重要的，但更重要的是尋求和你共享幸福快樂的同伴。你常依賴別人的贊同與關係的和諧，來決定你自己的行動，並喜歡周遭的人對你所作所為完全的認同。你喜愛美的事物，對均勻和諧的東西產生由衷的共鳴與感動。並善於鑑賞音樂與其他的文化藝術和娛樂，當然這一切的大前提必須是美的事物。而你也非常挑剔，尤其不喜歡雜亂且骯髒的工作

都似幾準wor...haha

黃豬都感覺到你同C既恩愛..肉痳到痺ing...那份同心要好好珍惜...haha
L其實都係一個經歷同借鏡...仲能令你對未來既人生/愛情更通更透啦...係咪...

小男人都可以佔有慾強...會為左所慾而不停花心思付出..已經算係佔有所為...咁你應為算唔算呢?

billybell

唔知呢，可能因為當時對L冇信心加上自己係第三者，自己都冇點做過咩去追佢就一齊左，唔夠一個月佢已經主動提出去旅行發生關係，會覺得佢好易會同其他人一齊掛，所以好冇安全感，對佢去街什至朋友咩人都好敏感！
相反，雖然老婆好好條件到而家都不乏追求者，但當年我係佢既初戀，分開既十年佢亦冇選擇同第二個重新開始（好似T咁，即使而家佢都會怕我唔鍾意主動拒絕追求者既約會），就算而家我對佢好有信心叫佢唔好因為我而影響社交圈子，佢都情願日日痴實我（我地既朋友叫佢做樹熊話佢成日好似痴係我身上對腳唔掂地），所以而家我對佢係以互相信任唔係佔有，反而老婆成日講笑咁話我都唔著緊佢^_^