其實沉船都見過有好結果既, 又講下由女女同我講既故事啦.
事緣有一晚我起屋企等緊船船收工, 佢有個朋友突然到訪, 全屋就只有我同佢, 兩個人九流流就吹起水上黎. 原來佢以前都係做小姐, 就係起佢返工無幾耐就識到佢而家既男朋友. 呢位師兄第二日就同佢講一係妳而家跟我走以後唔好返黎, 一係當我無講過. 女女真係決定跟佢走. 佢話當時身邊既朋友都力勸佢唔好走, 大家都話實係呃佢, 話佢信果位師兄好傻. 我問點解咁多人勸妳妳都決定走? 佢話覺得果位師兄可信, 就係咁簡單. 之後佢一直講佢同果位師兄既日常往事, 字裡行間完全感覺到佢幸福既心情. 佢都同我講好擔心唔習慣香港既生活, 由其係香港人講野中英夾雜, 我話其實人一定要有D寄託既, 一係生小朋友, 一係出去搵野做, 學下野乜都好啦. 如果到時妳成日起屋企無野做覺得悶又會想返上去搵朋友玩, 咁樣就遲早都會有問題. 佢重問我已經見晒男方既家長, 究竟會唔會係呃佢呢, 我話佢帶得你返香港屋企重邊會有假, 放心啦. 就係咁同佢傾左一晚, 佢個幸福樣而家都歷歷在目.
其實大家既心態係一樣, 你唔信女女而女女又唔信你, 如果佢地雙方都無踏出相信既第一步就根本唔會起埋一齊. 有時諗法又唔使太過偏激, 有邊個女女唔想搵個好人嫁, 但係又有幾多師兄只係想FOC, 女女俾人呃得多, 好自然只會往錢看, 對人失去信心, 就好似佢D姐妹最初都叫佢唔好信果位師兄, 話佢實會後悔, 到而家又有幾多人恨都恨唔到. 俾人呃既師兄都只係前人種落既因, 大家都知道果度只係尋開心既地方, 要搵真愛談何容易.
如果呢個故事係由男方講出黎, 你地又會唔會認為佢只係其中一個老細….個女女起度呃緊佢呢….
其實咁多沉緊既ching咁痛苦, 好多都係一廂情願, 女女對你好唔好你自己一定感覺到, 唔好幫佢諗埋藉口去呃自己...
我絕對唔係建議大家去沉, 純粹分享!