係DANCING FLOOR入面, 我同A打茄輪, 打得面紅耳熱. 大家雙方都好努力用舌頭去攻防. 佢好主動. 舌頭不停向前攻過來. 既然你咁進取, 那我只好退讓, 我縮之後大力啜住佢條舌頭. 佢比我咁樣啜住, 即時無得再向我進攻, 同時亦都用雙手打我. 有些動作適可而止, 我放佢舌頭, 放開佢個嘴, 亦都放開攬住佢雙手, 佢回一回氣, 將頭移開D, 望住我 :-
A : 你這是什麼意思?
我 : 什麼什麼意思?
A : 你有太太的啦
我 : 對呀! SORRY, 你提醒我了
A : 那是什麼意思?
我 : 沒呀, 剛才情到濃時, 又加上抗拒不了你的吸引力呀
A : 那你就可以這樣對我嗎?
我 : 我沒對你怎樣呀, KISS真的需要解釋嗎?
A : 你剛才就真的不怕我打你 (佢雙手又捉住我)
我 : 怕呀, 反正我都習慣給女人打, 給你打一下沒所謂, 再者我肯定你不會打我
A : 你怎麼知道我不會打你? 你就是很清楚自己在幹什麼, 還在假裝醉酒, 混蛋
我 : 我當然知道自己在幹什麼, 不然呢!?
A : 那你當我是你什麼人?
我 : 好朋友呀 (好朋友唔打得茄輪咩!~~)
A : 你又想用對我朋友的同一方式對我, 是嗎? (女人係任何時候都喜歡比較, 好唔好都要比一餐)
我 : 對你朋友什麼方式, 你自己很清楚
A : 那你答我, You Kiss Me! Why?
我 : 覺得你嘴巴性感, 漂亮所以就會想
A : 你真的很無懶....... (講時佢好惡望住我)
我 : 是, 沒錯 (我又低頭嘴落去)
我地又開始係DANCING FLOOR熱吻起來, (其實當期時你要我解釋兩個人關係, 我自己真係覺得係多餘, 再者解釋左係唔係代表件事就清楚呢!?) 就算幾好精力, 不停打茄輪, 都無可能連絡打超半個鐘, 何況係又迫又嚐又WING既情況下, 終於我地停落來, 我拖住佢返包廂, 佢D朋友見我地兩個拖住手, 當然有人歡喜有人愀. 首先A個朋友見到咁既情況, 即時登大眼望住, 眼入面透出想殺死我地兩個眼神, 原來輕依佢個男朋友既身體, 即時改為飛擒大咬之勢 (我到呢一刻, 仍然好感謝佢打我一巴)
另外剛才同我對飲兩個男生, 有無想殺左我, 我唔知, 但好肯定佢兩個唔想我今晚行到出去. 有一個見我返來"來, 剛才你說等你回來, 我們已經準備好WHISKY等你"..........(唔係呀!) 我進退兩難, 真係自作孽呀. A見到, 想幫我打完場, 但比佢D朋友阻止左, 我無辦法, 飲吧!
三個人, 三枝WHISKY, 15分鐘內一定要飲晒, 唔可以請槍, 唔可以加冰, 唔可以溝野, 一定要硬著陸. 邊個最慢, 要埋住今晚張單. 男人最衰一樣野, 係唔會大家面前認輸, 但我可以肯定果一刻我飲到都一定會打橫. 呢個時候A係我耳邊講 :-
A : 你不要啦, 沒必要這樣
我 : 有些事情沒有必要或不必要, 特別是面子 (面子係可以害死人!)
A : 你醉了我絕不會送你回去
我 : 沒關係, 隨便你 (我預左飲, 你同我講咩都用)
A聽到我咁講, 好唔HAPPY, 無再出聲, 選擇無眼睇. 遊戲開始, 我按兵不動, 扮得好自在, 其實係諗緊點飲, 另外兩位人兄, 見我無行動, 已經開始係度成枝吹. 我預左輸, 預左埋單, 但點都好, 一定要飲. 我拿左隻杯, 倒出來飲, 咁樣容易入口D, 如果完枝吹, 我一定會變噴泉. 係我飲緊第三杯時, 其中一位人兄, 話口未完, 真係做左噴泉, 我坐係佢對面, 全部照單全收......!
好野! 我可以肯定我唔駛埋張單, 只係差在我要唔要面子, 另一位人兄回緊氣, 佢重有2/5枝, 我呢!? 重有一半..........最終! 我無贏亦都無埋單, 但係.........我橫左! 我斷片斷到唔知幾時......
醒來! 已經人在APARTMENT, 我好自然望去床另一邊................無人, A無係瞓係我隔離(失望), 間房亦無其他人, 我衣服, 手機銀包通通放係枱上面. 當時已經下午兩點幾, 我仍然好頭暈, 好口乾, 所有宿醉情況一一浮現. 我繼續瞓係床, 好唔想郁, 隨手係枱上拿左手機來睇. 有個信息, 來自A :-
"你太醉了, 苦我送你回來, 拜託下一次別再這樣, 傷身的是你, 但傷心會是我, 你今天好好休息, 醒了再打給我吧"
太醉, 使人頭暈腦漲, 亦使人好容明迷思, 係果一刻, 我個頭腦好混亂, 但又強作清醒想去研究清楚昨晚我同A發生既事, 我發覺自己, 呢一刻好想攬住佢係身邊, 所以我打左個電話比佢...............待續!
