我跟P之間, 遭到的最大問題及阻力, 就是來自P屋企. 因為在她家人眼中, 我早已被認定是一個無學識, 沒什麼將來, 收入少的年青人.
但佢地唔知道, 因為P, 我改變了很多, 即極工作, 晚上亦有進修, 我變得有抱負, 因為我跟P已經許下諾言, 我要她在30之前做我老婆. 但塵世所有事, 從不會盡人意. 無論我怎樣努力, 我在P家人眼中還是老樣子. 還記得第一次跟P家人見面, 是她父親的生日, 那天真的戰戰兢兢, 那天我打扮簡單又整潔, 想留一個好印象給這個未來外父, 但整頓飯中, 除了剛到步作介紹時, P的父親就一直沒有留意過我這個人, 我亦沒跟他搭上半句話, 那一刻我有想過離開吧, 但又真的不敢, 怕P會為難. 好不容易, 才捱完那一餐飯.
之後我有跟P談起, 她亦沒有隱瞞我, 說她父母已知道她交了男朋友, 亦都有留我的背景, 她也如實將我的事告訴她們(佢從來都係咁直, 唔會講一D修飾說話), 就此她父母認定我是一個怎樣的人, 大家可想而知.就這樣子我兩就在她家人強烈反對下, 終日變得偷偷摸摸地進行.....................
相反, 我跟家人的關係, 因為P有了改善, 她教識我怎樣珍惜家人, 怎樣面對家人, 教我怎去修補跟家人的關係, 我父母亦樂得我有這個女朋友, 可以將我收伏. 時間一天一天過去, 我跟P家人的關係一直沒有改變, 我知道她面的壓力很大, 但她徙沒對我有半點怨言.
半年後的一天, 我年25歲, 有一天P跟我說, 對目前的工作覺得有點厭倦, 想轉換一份新的工作新的環境, 我問她可有想到做什麼嗎, 好答我 : 我想去試下做空姐, 其實都可以叫係細個既夢想, 同埋可以睇下呢個世界" 我有點吃驚"做空姐!? 好辛苦喎, 唔係咁岩你呱"(其實我好唔想佢做空姐, 因為係我心目中, 空姐形像唔太好, 同埋如果佢做左空姐, 咁就會成日唔係我身邊.........我好自私), 佢聽完之後"你從來都知我唔怕辛苦, 我亦都好想嘗試一下, 其實我已經去左面試, CATHY已經收左我, 我知我應該早D同你講, 但係知道你會反對, 所以我就........" 她話未說完, 我就已經將佢說話打斷"既然你都安排晒, 跟本就唔需要問我好唔好, 你自己決定左, 我話唔好都唔得啦, 咁你去嘗試啦, 我無意見".
那一刻心情, 我到今天仍記得, 我覺得, 她真的當上空姐後, 會跟我的距離越走越遠, 但另一方面, 我又唔想好似綁住佢咁, 咁樣真係好自私, 我知道如果我當時好強烈要求佢唔好去做, 佢最終會接受我意見, 唔去! 但最後呢...........的確我無再過問, 無支持亦無反對. 就這樣, 我女朋友就當上了空中服務員.....................待續