dcat20

33.3下

我問阿偉同嗰幾個女仔都冇上床？咁有冇拖手、錫之類？

冇。

咁你同佢哋有幾close？

試過日日煲一、兩次電話粥，每次講個幾鐘，一星期去兩晚夜街，去到1、2點。兩個人食飯嘅時候會交換嘢食。我亦上過佢哋屋企。做corp comm嗰個，我同佢有一啲共同朋友，佢哋知道我同佢嘅事，都話佢好似當咗我係男朋友。Part-time model嗰個亦表明鍾意我。我同佢哋只係冇表白，亦未上床。

咁都唔進一步？佢哋唔想定你唔想？

想㗎。周時幻想同佢哋做，尤其做corp comm嗰個。一直知佢對奶大，有晚上佢屋企，傾偈傾到好夜。佢烏低身嘅時候走光，我睇哂佢對奶。之後個腦就成日彈出佢對奶。嗰排佢俾公司裁員，同一時間俾業主加租迫遷，我幫佢搵屋。曾經諗過資助佢交租去同佢確認關係，但我始終一路自制，冇同佢哋任何一個發生關係。

有幾條女同你咁好，正常男人都會試吓嘍人上床，你咁都忍到？

大部份原因就係頭先同妳講過嗰陣我嘅道德感幾重，覺得感情上同第啲人曖昧吓已經算喇，肉體唔可以出軌。另一個原因係我當時冇乜性經驗，咁大個人只同一個女人人做過，仲要大家都冇性經驗。

驚同其他女仔做得唔好出醜哩？

都有。不過當時心癮冇而家咁大係真嘅。嗰陣，如果有機會擁抱吓、掂吓身體，已經好滿足。

所以直至10幾年前，你同人妻先至第一次同其他女人有性關係？

其實，佢之前，已經試過…

吓…？我而家先知道…

結咗婚唔夠7年，已經完全冇性生活，個心早就躁動。當時同美國大嗰個臺灣女仔曖昧咗段時間，覺得硬係爭緊啲嘢，內心好想同女性有少少肌膚之親，但怕一旦過咗界線最後就會去到做愛嘅地步，所以一路控制住自己。

咁你真係好自制喎。

係，不過控制唔到個心。我喺公司附近一間商廈搵到間按摩院，扮乜都唔知咁撳鐘。有個大概3、40歲，少少似湯盈盈但更有風韻嘅女人開門。佢着住件似係保健員制服咁款嘅連身短裙，令我感覺佢真係按摩嘅，加上對佢樣貌有好感，我就諗，俾佢淨係掂吓、摩吓都好。

其實嗰陣我已經從網上知道有啲按摩場所有幫男人打飛機嘅服務，我唔知呢間係正經定鹹濕，我打算當正乜都唔知咁齋按摩。

些少似湯盈盈咁樣嘅女人話佢叫Angel。

佢俾一條紙短褲我叫我先沖涼。

開頭趴喺度按背，佢問我係咪附近做嘢。當時我喺中環、金鐘中間嘅甲級寫字樓上面的跨國巨企做中層管理，唔算勁，但我知對好多人嚟講，呢啲工算係decent㗎喇，於是唔介意透露些少我工作俾Angel知。其實都唔知道點解要做埋啲咁嘢，又唔係打算媾女，一陣人哋諗住你都叫做well-off於是纏住你就無謂啦。

Angel問我係咪第一次嚟呢啲地方？我話係，膊頭啲肌肉好緊所以想嚟放鬆吓。

可能我咁樣講令佢覺得我真係按摩嘅，又可能佢見我好似唔知頭唔知路咁，於是唔敢輕舉妄動。

但佢試探我。按摩嘅時候貼到好埋，等我隻手不斷貼住佢大髀。佢一路按我背，大髀一路壓吓壓吓我手。手接觸到佢大髀嗰吓，感覺好嫩滑。嗰陣我從來冇接觸過其他女性，淨係咁樣掂到女人嘅大髀已經好興奮，個心暗叫好爽，細佬喺紙褲裏面起勢漏水。

當我轉身，佢睇到我條褲已經隆起，幫我摙腳內側嘅時候，有意無意咁hi到我性器官邊邊。我就更加亢奮，細佬喺紙褲裏面矗立。

佢見到咁，問我有冇邊啲哋方唔舒服，需要幫我整吓？

我知道佢問乜。睇嚟呢度真係有鹹濕服務。但我繼續扮無知，話冇呀、唔使呀。

俾佢咁樣攪，其實我興奮得好厲害，覺得好刺激，之後兩日一路心思思。

思想不斷掙扎之下再去。

當時我仲好道德吓嘅，覺得明知呢啲地方唔正經，我俾個女人同我有咁嘅互動，已經喺度踩緊界線㗎喇。我話俾自己聽咁已經係極限，唔可以再進一步。

如是者，兩個星期內幫襯咗幾次。每次開頭佢都好正經咁幫我按肩膊、背脊。我知佢喺按摩嘅過程大髀會貼住床邊，所以我一趴上張床嗰吓，對手下意識放喺床邊垂落去。佢按摩嘅時候，大髀就好自然貼住我手壓吓壓吓。

按完背脊轉身按前面，佢會摸我肩膊、胸、肚、小腹，按吓落啲按吓落啲，最後會起勢摙我大腿內側。當佢咁做嘅時候，手會隔住薄薄嘅紙褲不斷hi到我性器。我梗有反應啦。佢見到，又試問我有冇邊度唔舒服想佢幫我整吓。我次次都話冇呀，唔使喇。

佢應該知我其實知道呢度有嘢，我咁樣答等於拒絕咗佢嘅額外服務。但我估佢可能想賺多些少錢，所以就再進一步試探我。

佢裙裏面只有undie，而我着住紙褲，仲已經企起身。佢就坐上嚟，烏低身喺我上按壓我膊頭、胸。隨住按摩嘅動作，佢下底不斷印吓印吓細佬，隔住大家薄薄嘅undies，我好清楚feel到佢條罅，裏面透出暖暖嘅濕氣。我知道如果嗰陣我打開眼，就可以喺佢衫領睇哂裏面嘅春光，不過我冇咁做，一路瞌埋眼，一路心癢癢得好厲害。

咁好難頂嗰喎。

係呀。

於是你終於接受咗佢服務？

冇，我死忍，但同時好high、好激。試咗兩次咁樣，佢唔問我，我就扮冇嘢。

第三次，佢終於開口。

你呢度興奮成咁，不如我幫你發洩啦。

唔好啦。

谷住好辛苦嗰喎。

唔使啦。

佢冇再問，繼續辛勤咁幫我按摩。

我覺得好唔好意思，人哋做呢啲無非想揾多些少錢，真係咁想掂男人嗰度咩？於是我話，不如咁啦，如果整，會加幾多錢？我可以照俾，妳唔使幫我整。

我唔好意思…

唔緊要啦，妳無非搵兩餐啫。

佢話好。

按完摩、我沖完涼着埋衫，走嘅時候找數，佢堅持唔收額外服務費。

都冇同你發泄，你咁樣谷住谷住，我唔好意思呀。

妳會唔會寧願做第啲要額外服務嘅客人等你可以賺多啲？

冇所謂呀，呢度都有客淨齋按摩，亦有女客人。

女客人會做乜嘢？

按摩、facial。

於是我就繼續每兩、三日幫襯佢。

由於我表明咗冇需要額外服務，佢亦都唔再做啲引誘我嘅嘢，包括坐上面un，我有些少冇癮。

我發覺自己原來鍾意呢啲接觸。

漸漸同佢熟起嚟，好多時按完摩，佢冇客的話會叫我坐吓，傾吓偈。

我知道佢同老公分居，辦緊離婚，同埋佢有個女，個女跟佢老公。

有次上去之前我訊息佢，佢問我可唔可以買少少嘢食上去，我就買晚餐上去，同佢喺按摩房食。突然有客撳鐘，佢喺CCTV睇一睇，問我介唔介意喺過去佢瞓覺間房瞓陣，等佢做一做呢個客，佢唔收我鐘錢。

忽然覺得同個骨妹有呢啲互動都幾得意，就應承。過咗去佢間房，佢叫我喺度瞓一覺。佢就走出去開門接個客入嚟，先去沖個涼然後再入按摩房。

等佢哋做嘢嘅過程中幾無聊，睇吓房裏面啲嘢。佢掛咗啲衫、罩、底喺度，枱面有啲化妝品、雜物，另外有啲錢，好明顯佢真係喺度住。

過冇耐，我聽到隔嚟房有男女呻吟，就心諗，乜呢啲地方會同人客做愛嘅咩？

等到個男人大嗌，由呢個人入房起計兩個字都冇。

聽到啲執嘢聲，然後隔嚟開門。再過一、兩分鐘，Angel開房門，探頭入嚟望吓我，話，唔好意思要你喺度等我做嘢。我話唔緊要，佢話個客沖完涼着埋衫就走㗎喇。

等到Angel再入嚟嘅，我問，我過返去？

佢話唔使，今日就喺呢間房傾吓偈啦，我唔當你幫襯。

我話阻妳做嘢唔好意思。

佢話唔阻，如果有客嚟到我就叫你走㗎喇㗎啦。

我忍唔住好奇想知頭先個客同佢做乜嘢。

(未完待續)

[ 本帖最後由 dcat20 於 2024-8-9 12:40 編輯 ]

dcat20

34.1上

我問阿偉，Angel有同人客做愛？

阿偉話，佢話唔同客做嘅。

Angel話呢度連套都冇，點做？最多幫人客打吓飛機、俾客摸吓波波。頭先個客唔按摩嘅，每次嚟到直接打飛機，而佢好快攪掂，計埋沖涼着衫兩、三個字內攪掂，所以頭先先至叫你過嚟呢間房等我接呢個客。如果係一定要按摩嗰啲客，座底做45分鐘，我頭先就唔會接佢以免要你等我。唯一係呢個客好鹹濕嘅，幫佢打飛機嘅時候俾佢揸波都唔滿足，係都要千方百計攝手指入底褲裏面攪細妹。

阿偉問Angel，咁妳頭先俾佢攪到？

通常我夾實下面唔俾佢攪，不過偶然失守俾佢攪幾吓。頭先都有…

佢點攪法？插手指入裏面？

咁又冇。佢想插，不過我夾實，佢只可以捽出面。

咁妳點？

唔鍾意，又唔係男朋友。打飛機、揸吓波勉強可以接受。

Angel啱啱先幫客打完飛機，手一路未洗，上面仲有啲按摩油同埋個客啲精，於是佢起身去洗洗。呢個時候我至注意到佢衫鈕解開咗，件bra喺裏面鬆開咗，估計頭先個客揸波嘅時候解嘅。

佢去咗稍耐，返入嚟嘅時候換咗件碎花連身短裙。

唔着開工衫嘅？

你走咗之後就打算收工。

今日生意點？

唔好，連埋頭先個，成日先得3個客。

咁不如我幫襯妳啦，妳交租都要錢㗎。

唔使，淨係交租嘅話我一日做一個客已經夠。今日好攰唔想做嘢，應該過一、兩日嚟姨媽。

阿偉忽然想趁呢個機會接觸吓另一個女性嘅身體，佢嗰刻諗到，企喺床外面、隔住衫同Angel按摩都唔算太過份。

於是阿偉話，咁一係我幫妳按吓。

你識？

幫襯過吓中式推拿同泰式按摩，學到一招半式，唔正宗㗎。

咁我試吓你手勢啦。

Angel趴喺床，阿偉企喺床出面幫佢按背。

阿偉隔住衫按咗幾吓，感覺到Angel身體嘅體積、溫度，同肌肉嘅柔軟、彈性。覺得咁樣不失為一個好嘅方案，既可以同女性有親密少少嘅身體接觸，道德上亦唔算太過份，正經按摩都係咁。

佢繼續憶述。

Angel俾我撳咗陣，話，可以喎，識按嗰喎，幾舒服。

跟住佢話，幫我用油按吖。

佢喺床邊攞咗支BB油遞俾我，然後就當住我面前除咗件連身裙，然後伸手去背後解胸圍。

於是，佢身上只有一條比堅尼款底橫。

我呆咗陣，冇諗到突然睇到一生人裏面第二個女人嘅身體，但嗰陣已經騎虎難下。

Angel波波形狀幾靚，乳頭細細粒，比想像中淺色。我估佢做呢行俾唔少人見過身體，對於俾我睇到波波冇乜所謂。

佢見我成個人定咗，就話，你除咗條面褲坐上嚟按啦，你喺外面用唔到力。

咁都唔使我除褲啩。

哎吔，怕得你。你着住褲坐喺我身上我會唔舒服㗎。

唔驚我姦妳咩？

你唔會啦。我引誘你咁多次，你連飛機都唔肯俾我打。

於是佢就趴喺床度。

我唯有除面褲，着住undie騎上佢pad pad上面幫佢按背脊。

第一次觸摸第個女人嘅身體、肌膚，心裏面清楚知道自己已經踩入出軌邊緣，有絲絲罪惡感同內疚，同時好興奮。細佬喺底褲裏面硬到飛起，係咁漏水，好難頂。

按咗陣，佢話，幫我推pad pad吖。

正心諗，我成手油，妳着住底，我點同妳推呀？

Angel就攝雙手入去我大髀壓住佢pad pad之間嘅空隙，然後將比堅尼底除到僅僅遮到個B嘅位置，屁股同股罅完全呈現眼前。

心裏面叫死喇，但知道已經返唔到轉頭，唯有硬住頭皮幫佢推。

一邊推，心裏面覺得好刺激、好有快感。本能咁越推越大動作，條底漸漸移位，向下移啲移啲，條裂縫終於喺底橫嘅頂端浮現。

我叫自己唔好望，但點可能忍到？本能嘅聲音話，睇啦，淨係睇吓，又唔係屌，冇問題喎。

於是我趁呢個難得嘅機會，睇吓另一個女性嘅生殖器官。

但個B唔係完全展露，有部份俾布料遮住。

呢刻理性已經俾慾望沖昏，我從undie頂部攝隻手落pad pad底部，用姆指按壓股溝同大腿內側嘅部位。

咁樣，undie好自被推落。終於，睇到個B喺股罅底下突出嚟。

個心覺得既大喜、刺激，同一時間譴責自己。

Angel冇出聲，突然捉住底橫邊然後拉番上。

遮番住咗妹，冇得睇，有啲失落。

佢話，你喺外面按吖，唔好整鬆我條底。

其實即係我頭先按壓嘅部位，只不過按呢個位冇需要喺底褲上面攝入下面。所以佢係咁意拉番條底上啲，叫我喺底褲下底按。

但佢並冇拉番好條undie，股罅仍然喺undie上面展露。

我繼續用姆指按壓個B連住大腿內側嘅部位，心諗，佢俾幾多人客見過佢着住undie？幾多客人睇過佢個蘿、佢股罅，甚至佢個妹？。

舒服，Angel話。

因為佢嗰條係比堅尼款undie，下底只有一塊幼幼嘅布料兜住個屄，每一吓按壓呢個部份嘅時候，條罅都有差少少走出布料外面嘅感覺。

我覺得唔對路，再咁落去我實頂唔順，會出事。

於是我收工，話唔按了。

Angel咩都冇問，淨係話，你按得我好舒服，下次再幫我按吖。

我話，咁係咪應該妳俾番錢我？

冇得咁樣，最多我幫你打飛機當打和。

佢一邊講嘅時候，一邊眼神示意我睇吓自己，條褲隆起唔使講，仲漏水漏到係哂水漬。

你正話興奮得好緊要喎。

我唔知點回應，怕同佢發生啲乜嘢就會好麻煩，於是話，我走喇。

你一陣走咗我都掛牌休息喇。

早啲唞吓囉。

正話俾你按得好舒服，今晚實好瞓。你一定要再搵我，再服務我。

好。

佢想我陪多佢一陣至走，於是我喺佢張床上面俾佢枕住我。

佢真係瞌着咗。我一路俾佢枕住瞓唔到，個腦諗好多嘢，覺得自己終於行差踏錯。又諗到Angel冇錯係好有風韻嘅女性，但佢對手掂過咁多男人支嘢，都唔知同幾多男人咁樣喺床度、枕過幾多男人膊頭瞓覺啦，我絕對唔可以再咁落去。

佢瞌咗冇耐就醒咗，我話走喇。

起身着衫嘅時候問，今日您點計我？

唔使啦，我都話咗今日唔當你幫襯，而且你都服務咗我啦。

真係？

係呀。

話哂我佔用咗妳時間，妳都要搵食㗎。

咁下次你幫襯我打飛機好嗎？我都未睇過你支嘢。

有咁想睇咩？

你唔想俾我睇咩？定唔想俾我掂？怕我污糟？

唔係，係我怕醜。

咁我唔勉強你。

嗰晚，走嘅時候，喺條街上心情好複雜。既興奮、刺激，亦覺得自己做咗錯事，好內疚、好有罪惡感。一方面好想同Angel再有頭先嗰種，另一方怕自己沉淪。

我話俾自己聽，唔好再搵佢喇。

跟住幾日我冇搵佢。之前我大概每兩、三日搵佢一次嘅，過咗5日，佢見我唔搵佢，突然訊息我。

今日嚟嗎？

我話今日有事。

哦，咁你忙啦。

再過幾日，佢訊息我。

睇嚟你唔想再見到我？

冇啲咁嘅事。

咁你收工嚟幫我按摩。

見佢呢句說話，諗起上次同佢接觸嘅過程，慾望被激起。

好。

嗰日我一路期待收工，一夠鐘即刻趕過去。

差不多去到佢樓下嘅時候收到佢訊息。

你稍等多我45分鐘好嗎？突然有個熟客嚟到。

佢呢個訊息俾我一個好好嘅動力，於是我話，咁由佢啦，妳做嘢啦，我睇吓幾時得至通知妳。

呢次，我唔搵佢佢唔搵我差不多成個星期，我諗佢應該get到我意思。再講我又唔係佢熟客，佢應該大把客，少我一個唔志在。

佢忽然訊息我。

你係咪覺得我只係想你幫襯所以唔搵我？

唔係呀。

你係嬲我上次突然話有客要你等？

冇啲咁嘅事。

咁你今日嚟幫我按摩？我6點後唔接客人。

唔好啦，我唔想阻住妳做生意啫。

你覺得我好想做呢啲嘢咩，其實我做咗呢行半年都冇，到而家都唔慣，唔係咁想做。

咁妳都要搵錢㗎。

我唔係話唔做，只不過冇乜動力開工啫。你收工買晚飯過嚟，我哋食住傾偈，食完唞一陣你幫我按摩。

好。

(未完待續)

[ 本帖最後由 dcat20 於 2024-8-9 12:51 編輯 ]

dcat20

34.1中

阿偉買咗晚餐，去到Angel舖頭，門外掛咗休息牌。

Angel開門嘅時候，面色有啲黑。佢換咗瞓覺衫，係上次條碎花連身短群。

兩個人各自食嘢冇出聲，阿偉首先打開話題。

今日生意好嗎？

做咗4個。兩個齋按，兩個打飛機。如果日日咁樣真係唔掂，唔值得做呢行。

周時咁樣？

咁又唔係。比較好嘅時候平均一日有6個，有時8、9個。

哦。

過咗陣，Angel接住話，不過到而家都仲好唔慣，唔係好想做呢行…

經濟壓力好大？

唔係好大都要養自己㗎。

好似話，如果唔怕辛苦，做洗碗都幾多錢嘅…

真係走投冇路或者都要諗吓。

點解離婚嘅？

佢識咗個女人，話好鍾意人要同人結婚。我冇能力養個女，只好俾佢跟老豆，一個星期見個女一次。

老公有冇俾贍養費？

佢話辦好哂離婚手續就會俾，講明唔會好多，叫我一係識番個男人，如果唔係就要自己養自己。

妳喺呢度會有機會識到人啩？

唔想喺呢度識人。嚟得呢啲地方玩嘅男人，你覺得佢哋會真心？

如果只係想揾人照顧…或者冇乜所謂？

未去到好差嘅地步，暫時冇諗過出賣自己…就算俾人照顧，都要俾個自己鍾意嘅…

哦…

過一陣， Angel話，係有個人追我追得好緊。佢做生意嘅，有老婆，叫我唔好做呢行，佢養我。

會考慮？

唔鍾意佢…

好樣衰嘅？

咁又唔係…

Angel俾張相阿偉睇，係個白頭佬，算企理。

都唔差吖。

冇feel。

上咗床？

Angel面露不悅，話，你當我咩？我雖然做呢啲，唔係賣身㗎。佢好尊重我，連飛機都好少打，淨係按摩、傾偈，照俾打飛機錢，胸都冇摸過我…

阿偉好想知道Angel同啲客可以去到咩地步，但佢知道Angel唔鍾意，所以冇問。

Angel問番阿偉，有冇幫襯過呢座大廈其他女仔？

有嘅咩？

有，係咪想試吓？我識佢哋，有啲會同人客開大。

咩叫開大？

即係做愛。

哦…唔想。我幫襯咁耐有冇俾妳打過飛機？

你嫌我唔乾淨啫。

冇啲咁嘅事。

咁點解？

我覺得咁樣唔好。

你真係怪人。

如果妳有男朋友或者妳老公俾第個女仔掂嗰度，妳覺得點？

純粹解決生理需要，我覺得可以接受。啲護士有時都會接觸病人支棍啦。

Angel好似知道阿偉想問乜咁，主動向阿偉報告。

雖然做而家呢啲嘢，我本身好保守嘅…摸波波係無可奈何之下接受，攪細妹除咗間中兩、三個特別鹹濕嘅人客夾硬嚟之外，我一路避免。偶然有人客問可唔可以掂或者睇下面，我一律話唔好。就算摸波波都淨係鬆開個bra少少等佢哋睇吓、揸吓，唔會除哂衫俾佢哋睇。

哦…

食完嘢，Angel俾條紙底叫阿偉去沖個涼先。

妳自己呢？

覺得我唔乾淨？頭先等你嚟嘅時候已經洗咗。

咁好啦。

阿偉接過紙褲，行出房門口嘅時候，Angel喺後面話，擦乾淨牙。

沖涼嘅時候，阿偉內心問自己做緊乜嘢？佢好清楚自己渴望同女性有啲身體接觸，佢同自己講，底線係唔做愛。早幾年佢同美國大嘅臺灣妹曖昧，因為係工作上認識嘅，一路有所避忌、克制，唔敢同佢有親密接觸。而家喺呢啲場所遇到Angel，好易滿足到渴求，但咁落去亦好易越踩越深，隨時連守唔到底線。

但嚟到呢步，阿偉唔知陣間會發生咩事，只知道好想同Angel有親密接觸。於是仔細咁洗乾淨自己，尤其細佬，去迎接未知嘅可能。

着住紙底出廳，Angel喺瞓覺間房嗌出嚟，呢度吖。

一入房，見到Angel圍住浴巾趴上床。佢叫阿偉上去。阿偉坐上Angel身上嘅時候，內心好興奮。

隔住浴巾按咗陣，Angel話，隔住條毛巾唔舒服，你解咗佢啦。

阿偉知道咁落去實出事，佢諗無論點都要死忍，唔可以超過底線。

於是佢就拆Angel身上條浴巾。

成個玉背呈現眼前。

裏面冇着㗎。

阿偉再次觸摸Angel嘅幼滑、柔軟嘅肌膚。

Angel話，舒服…

其實我唔係真係識按。

都唔錯啦。

阿偉一路按壓、一路推，每一吓都諗到終於掂到一個女性嘅身體，應該滿足。但每一吓，心裏面暗暗想更進一步，內心躁動難以平伏。

按吓落啲、按吓落啲，去到腰對落，pad pad對上，浴巾剛剛遮住pad pad、股罅。正猶豫嘅時候，Angel主動將浴巾向下拉。

整個pad pad展露。

Angel連底都除埋，阿偉喺股罅底部，睇到個B喺下底突出嚟，當堂興奮。

一邊推、按Angel pad pad，睇住個B喺兩腿中間嘅盡頭展露出嚟，越推越興奮，細路開始感到㷫。

阿偉諗，Angel話自己唔同人客做、唔俾人睇個妹，但係而家趴喺度俾我睇下面算咩意思？

不過既然成個B喺眼前，唔睇白唔睇，不妨趁呢個難得嘅機會好好睇吓另一個女人條裂縫。

阿偉再移落下面，姆指摙大腿內側貼住個妹嘅部位，上次就係按到呢度嘅時候臨崖勒馬。

裂縫隨住阿偉按壓嘅動作微微反開，零舍性感。阿偉實在忍唔住，每吓按，姆指暗暗順勢hi吓Angel個妹外面。Angel身體拉扯一吓，不斷發出舒服嘅叫聲。

阿偉心諗，Angel冇可能唔知我專登hi到佢個B，而佢冇抗拒，即係接受。

當時阿偉個腦多嘢諗到一片空白，只知道只要再進一步，就返唔到轉頭。於是佢死忍，唔俾自己再過份。

姆指仍然唔停hi到Angel條裂縫。

Angel拉緊身體，微微抬高個pad，用陰力頂阿偉手指。

嚟到呢步，已經冇可能再忍到，亦懶得去諗頭明明話唔俾人掂下體，而家又主動迎戰到底係咩一回事呢啲問題，阿偉呢一刻已經好清楚自己嘅意向，就用姆指按摩Angel隻鮑。

手指一掂到個鮑，發覺已經濕到出外面。

呀…呀…

Angel仲微微發出舒適嘅呻吟聲。

呢頭摸到另一個女人個西，阿偉嗰頭至識得諗，唔講好價至摸人，一陣唔知佢收我幾多錢。

但唔摸都摸咗，就豁出去，索性將手指公壓入肉縫裏面。

姆指喺Angel裏面按壓幾吓，阿偉再冇懸念，攞番手指出外面，輕輕反開個西。終於睇到第個女人嘅私處，要仔細研究吓裏面。

欣賞咗一陣，小心翼翼攝食指同中指入裏面撩佢。

呀…………

撩咗陣，就出番嚟。

Angel奇怪，問，做乜停手？

怕妳唔鍾意，唔係話唔鍾意人客攪細妹咩？

阿偉憶述當日。

Angel拎轉身，面泛紅霞望住我，話，你唔同…

我對Angel講嘅說話唔係完全信任，畢竟佢做呢啲嘢，我同佢又喺呢度識嘅，但佢咁我都開心嘅。

我咪又係客…

我冇當你係…講真你嚟過幾多次？有時我叫你淨係買嘢食嚟同我食，我都唔收你錢。

咁妳當我咩？

朋友，有啲好感嘅男性朋友。

靚仔、有型過我嘅客，妳應該唔少吖，想媾妳嗰個都唔差吖。

係，不過我從來冇同呢度識嘅人咁樣好似同你而家咁樣。

Angel當時全身剝清，成副胴體大方咁喺我眼前展示。冇諗過居然可以埋身欣賞呢個嗰陣應該大我大差不多10年嘅熟女。佢嘅風韻屬於康華嗰類，輕微從良嘅風塵女子嘅味道。皮膚白滑、幼嫩中透現一啲青筋。

更吸引我嘅係佢對波波。

唔係好大，係蜜桃型，好靚。

微微有啲肚腩，但睇得出有做運動，隱約見到條馬甲線。

三角洲刻意修葺過，毛毛短短而整齊，個鮑睇起嚟嬌小、脆弱。

俾Angel嘅形相迷住，睇得入神之際，佢見我着住條紙底褲俾細佬撐起，問都唔問就伸手過去，隔住薄薄嘅紙料摸下頭部，然後一手捉住支莖。

好舒服…

迷醉之際，佢話，識你到而家都冇睇過你…

唔好…我嗌都嗌唔切，Angel已經係紙褲底下伸手入裏面捉住細佬，攞出褲管外面。

幾大…佢驚訝。

佢仔細睇吓、捋吓。

已經亢奮得好緊要，草菇頭係咁漏水。嗰陣我唔知男人性興奮都會分泌潤滑劑，同女人一樣，以為自己身體唔好所以滲尿。

Angel手指捽吓個頭啲液體，話，嘩吓，仲流哂口水。

嗰陣我已經完全冇性生活，性經驗亦極之貧乏，細佬好敏感，俾Angel捽幾捽頂端，已經痺到幾乎想即刻爆發。

唔好…我嗌。

唔鍾意？

鍾意，但…唔好…

你認為我唔驚過你？

我心諗，妳話哂掂過咁多男人支嘢…但我冇講出嚟。

我問，妳想做乜？

食咗你…

嗰刻，我即時、直接嘅理解係佢想姦我。

我問，點解…

冇得點解，就係想。

妳收幾錢？

我嬲喇，佢話。

跟住停咗手，話，我唔賣身㗎。

對唔住…

Angel睇住我大概半分鐘，慢慢移動身體埋嚟，雙腳放係我大髀上面，捉住細佬磨佢條罅。

唔好郁，佢話。

好似捉住支joystick咁捉住肉棍，上上落落咁磨兩腿中間嘅裂縫…

我當時冇乜經驗，莫講支莖插入女人身裏面，淨係咁樣喺女人個妹外面磨，直接接觸到大家啲水，感覺已經好強烈。

草菇將陣陣麻痺傳送到全身、到大腦。頭腦一片混亂、空白，淨係識得話，唔好、唔好…

Angel冇理我，除咗沿住溪澗上上下下摩擦，不斷用草菇頭同莖身頂、摩擦裂口頂端嘅細小尖端，偶然一兩吓貼住個窿，磨裏面啲嫩肉。

(未完待續)

[ 本帖最後由 dcat20 於 2024-8-9 13:08 編輯 ]

lokc48

寫出男人心態，又怕又想試

dcat20

引用:

原帖由 lokc48 於 2024-8-8 23:26 發表
寫出男人心態，又怕又想試

係呀，尤其是佢當年仲好自制。

***

34.1下1

Angel捉住阿偉支肉莖，沿住條溪澗上上下下摩擦，草菇頭同莖身頂吓、磨吓裂口頂端嘅尖端，然後貼住個窿，按摩裏面啲嫩肉。

唔好入去，Angel話。

呀…呀…

喺大學輔導房裏面，阿偉講番當年嘅經歷。

我問，你就係咁樣同婚後第一個女人做咗？

阿偉話，我後來性知識同經驗多咗，諗番當時Angel所做至知道佢用我支棍去自慰。嗰陣我性知識同經驗仲好貧乏，唔知佢一路淨係磨淺層，又唔塞入去，係喺度做緊乜，以為佢只係熱身。

阿偉繼續憶述當日嘅事。

我問Angel，點解同我做咁樣？

Angel停咗動作，手繼續揸住肉棍，好認真咁望住我6、7秒，然後話，假如我話我愛你，你都唔信啦。我日日喺呢度掂男人碌嘢，有時俾佢哋夾硬撩，會俾佢哋攪㷫。我係女人都有需要嘅，但我唔鍾意佢哋，唔想同佢哋做咁親密嘅嘢。我對你有好感，橫掂搵個男人開心吓，梗係同個有feel㗎啦。就係咁簡單，唔好諗多咗。

然後佢繼續磨溪澗。一路磨嘅時候，補充多句，你信唔信都好，我唔會同第個咁樣。

細佬頭緊貼住暖暖嘅水、嫩嫩嘅肉，喺上面滑行。理智早已俾欲望打敗，唔知道自己做緊乜，只想同呢個女人再親密啲，於是用陰力向裏面逼。

嗰刻只係想有咁貼儘量頂到貼，冇諗住篤入去定抑或想點。

Angel一臉恍惚、迷醉咁望住我，有一刻現出失神嘅神情，唔知道邊度嚟嘅衝動，我向裏面塞入去。

成支棍塞哂入裏面，頂到Angel水道嘅盡頭，佢碌大雙眼望住我。

呀………唔好…Angel哀求，你唔係男朋友…出番去…

我都驚嘅，但唔插都插咗，唔捨得出番嚟，繼續頂實佢蠕動。

佢雙手改為抱住我，我將佢推低喺床上。

我喺佢身上，細佬終於入咗另一個女人身體，感覺到裏面嘅溫暖、潤滑，好快開始痺。我怕忍唔住射，於是我就住就住咁郁。

Angel抱住我，嗌，呀…呀…你好大支…呀……

驚嗎？我問。

好驚…冇試過同老公之外嘅人咁㗎…

唔鍾意？

鍾意…但千祈唔好射入去，唔係我死俾你睇……

雖然就住就住咁郁，但當年我性經驗仲好貧乏，細佬好敏感。喺Angel裏面，俾佢溫暖、濕潤、軟滑嘅嫰肉緊緊貼住，感覺好強烈，細佬好快就麻痺，感覺即將射。

加上因為內疚感，我想返出嚟，同一時間又好迷醉，唔捨得呢種咁舒適嘅感覺。

Angel忽然問，你會唔會做我男朋友？

俾佢咁樣問一問，我即刻出番嚟。

都係唔好喇，我話。

見Angel一臉疑惑，我話，唔想妳後悔啫。

瞓喺佢張床上，佢抱住我，話，我唔理呀，你入咗我度，要做我嘅男人…

我唯唯諾諾。

實在冇諗過後果。頭先咁樣貼實個窿磨，試問點可能忍到？但莫我講對佢背景、底細，係個點嘅人，都唔清楚，連佢真名叫乜都唔知。只係俾佢嘅美貌吸引，想同佢有啲親密接觸所以呢段時間每日諗起佢，周時嚟搵佢。但我未至於想同佢建立深入嘅關係。

喺床度傾咗陣偈，佢講吓同老公嘅關係、同個女嘅情況，講吓呢度嘅生意，同埋佢自己嘅日常。我對呢啲都唔係咁感興趣，但唔好意思即刻走，所以留喺度聽佢講呢啲嘢。雖然冇認真屌過，總算入過人哋私處，唔想好似嚐到些少甜頭就即刻唔理人。

我問，係呢，頭先我上到嚟妳開門嘅時候，好似有啲黑面？

係呀，我事實有啲嬲你。

咩事？

自己知自己事啦。上次按摩嘅時候，專登俾你𥄫我下底，點知之後你好似唔想嚟見我咁。我只係嗌你上嚟見吓、食個飯、同我按吓摩。我冇當你客人唔收你錢，你都好似唔想咁樣。我吸引唔到你定點？

點會呢？妳好吸引呀，我自己糾結啫。

糾結乜嘢？如果你鍾意我就嚟搵我，唔鍾意就俾我知道等我唔使諗諗吓，就係咁簡單。

係因我一路好規矩，從來冇試過同第個女人好似呢段時間同妳咁，所以好唔確定…

呢個解釋好似解開咗Angel嘅疑惑，佢攬住我，話，正怪人，我係女人，你覺得我唔會多嘢諗過你咩？

過咗陣，Angel話，下次買套至上嚟，唔想有咩事。大家係成年人開心吓，千祈唔可以攪出人命。

佢已經諗住再做，我既驚喜，又疑慮。但係把口就回應，好。

頭先雖然只係一陣間，我已經覺得你好啱我，想同你好好做。你會再搵我嗰呵？會唔會又試無咗影？

唔會，正話好刺激，我只係緊張。

咁下次好好放鬆吓先啦，頭先太突然。戴咗袋，大家安心啲，可以好好做。

好。

Angel抱住我錫。

(今集超過字限，斬件上)

[ 本帖最後由 dcat20 於 2024-8-9 22:30 編輯 ]

dcat20

34.1下2

呢兩次係交代情節，會走甜同埋有啲複雜。

***

以上係阿偉講番當年嘅事。

我問阿偉，咁之後你同Angel開始咗性關係？

冇。

吓…？

嗰日之後我冇再搵佢。

唔做都做咗，咁都抗拒到？

同佢傾偈嘅時候，本來係有啲想同佢繼續嘅。佢講佢啲嘢嗰陣，我有啲悶，覺得大家根本唔同世界。加上佢要我做佢男朋友，我真係冇諗過，所以焦急想走。

傾完偈嘅時候，我問，今日幾錢？

佢面色有啲黑，話，是旦你。

於是我俾咗比打飛機稍多嘅錢，話今日冇諗過會咁，身上只帶咗咁多錢， 唔好意思。佢好似幾唔開心咁接過我啲錢，數都冇數就攝入櫃桶。

當時佢衫都未着，身體光脫脫坐喺床，粒聲唔出目送我到房門。

我出到廳，佢喺房裏面嗌出嚟，叫我自己開門走。

落咗樓，個腦一片混亂，喺街上漫無目的咁由中環逛到維園。終於屌咗第二個女人，雖然只係入咗去一陣，冇點樣認真做，已經打破一路嘅底線。心裏面起勢對屋企人講唔住，好內疚。

喺輔導房裏面，我對阿偉講，你老婆唔做愛，唔可以怪你。

佢話，我都有攞呢樣嘢為自己開脫，但發覺過唔到自己。嗰晚返屋企之前，我將Angel嘅聯絡block哂然後delete，唔想佢搵我然後我又試忍唔住想搵佢。

我問阿偉，Angel幾靚嘅？

幾ok嘅，有女人味。

我諗，好多男人有老婆，遇到呢啲機會，除非唔鍾意個女人，一般都會玩落去直至玩完…你好克制…

真係克制就唔會去到嗰個地步至嚟內疚。不過嗰次之後，我的確有大概8年冇再同其他女仔身體上出過軌，連親密少少嘅接觸都冇。我甚至刻意避開同女性有任何發展機會，唔想再做錯事。

咁之後你點樣再同女仔有番親密接觸？

Angel件事之後大約7、8年，我按捺唔住，開始先後同做corp comm嗰個女仔同做fashion個有錢女來往。但我同佢哋一路冇親密行為。

咁你都好犀利。Angel之後，直至人妻之前，你一路冇再同其他人做過？

有。Angel件事發生咗7、8年之後，喺一個商務聚會識到個40歲左右嘅女人。

佢叫做Anna，幾有魅力嘅。貴氣、有品味，不過有啲幽怨同憔悴。之後我知道佢離婚之後抑鬱咗兩年。

喺聚會度feel到佢對我幾有好感，佢主動約我出嚟飲嘢。第二次飲完嘢，佢話住得遠想喺市區開間房瞓覺第朝直接返工，叫我陪佢。

我問阿偉，多年來咁克制，突然遇上呢啲嘢，咁你點？

佢話，嗰陣諗住陪佢上咗房就走人，點知一入房佢就抱住我錫。

咁喉禽…佢有備而戰？

有。原來佢離婚後周時同唔同人玩，所以隨身帶定避孕套。

原來都係失落人，我話。

係呀。阿偉話，我對佢講，我冇乜經驗，怕做得唔好。佢話唔緊要，想同我試吓，就係咁錫我、揸我。我有反應，佢就喺我面前除佢條吊帶連身長裙。佢着嘅內衣款式係好有女人味嗰種，性感而有品味。佢bra都未除，我已經見到佢波幾大吓，睇住佢解bra嘅時候，對奶搖吓搖吓，細佬就亢奮、充血，我頂唔順誘惑就同佢做。結果幾快就完事，佢有啲失望。

有幾快？

五分鐘都冇。戴咗套，照計細佬已經冇咁敏感，但一來我太激動，二來咁多年缺乏性愛，細佬好敏感。插咗入咗去感覺到裏面好暖、好柔軟，好快已經開始覺得痺。我唔想太刺激，本來就住就住嚟蠕動，點知佢係都要我快啲，想我明確啲抽插。

聽落，佢唔係太識做愛，女性用呢種方式係比較難得到高潮。

我後來經驗多咗，諗番呢件事嘅時候都有妳呢個睇法。不過我估佢當時出嚟玩所遇到嘅對手普遍都用呢種做法，而佢哋都ok嘅，所以佢只識得咁樣。而我就好快頂唔順射咗。

佢有咩反應？

明顯有啲失望，口就話冇所謂，做得少係咁㗎喇，叫我練習多啲就冇咁敏感。但係我覺得好瘀皮。

咁你仲有冇同佢再「練習」？

佢好似幾鍾意我，之後再搵過我過兩次，我都係咁上下表現。人哋一心尋開心，又唔係真係愛我，唔會嘥心機、時間同我「練習」，之後就冇再搵我。

有冇俾呢件事打擊到？聽你講後來幾犀利㗎？

係之嘅事。經過Angel嗰單同埋呢件事，我發覺自己其實係嚮往有個人可以互相傾訴吓、感情上掛吓，多過純粹為咗性。

我諗我有同感。雖然有段時間作賤自己，將自己出賣俾幾個男人，又同幾個鴨仔玩到亂哂龍，但我覺得咁樣放縱自己其實好空虛、冇滿足感嘅。只不過感情上放唔低鎮穎，又搵唔到嘢取代佢。

我同妳唔同嘅係，已婚嘅狀況幫我擋咗唔少機會。幾難得遇到彼此有好感嘅對象，亦都只係曖昧吓、拍吓散拖，儘量避免同人行得太密。直至識咗人妻。

識人妻之前仲有冇其他女仔？

同做時裝個女仔來往嗰段時期，開始對心理學有興趣，於是報讀啲有關嘅課程，催眠都係嗰陣學。後來開始正式讀心理學，亦有時參加吓啲商業聚會。喺學嘢嘅地方同埋啲聚會，有時遇到啲女仔約我單獨出去飲嘢。

好似我同你咁樣？

唔同，我同妳約過好多次。而佢哋，我感覺到其中有幾個對我有好感，頭一、兩次約會已經試探我狀況，甚至直接問我結婚未。我知道佢哋係想正經拍拖、結婚。一知道我已婚，成個態度都唔同哂，即時唔想啋我咁嘅樣。

咁你要嗰種關係，又的確好難揾到合適嘅對象嘅。純粹肉體關係你又唔想，講感情你又俾唔到人哋確認。

正正係咁。好難得遇到互相有好感，於是試吓來往，點知一係就直接跳到性，一係知道你已婚就唔想嘥時間。

所以之前同你拍散拖嗰幾個女仔，臺灣妹、corp comm女、同時裝有錢女，真係可遇不可求。香港女仔一般好有明確目的，一定要有啲「為」，唔會咁樣同你唔嗲唔吊。

冇錯，佢哋真係好難得，一路都有偶然諗起佢哋。

最掛係邊個？

做corp comm嗰個，對佢最有feel。同做fashion嗰個間中仲有聯絡。同任何人去到一個比較好嘅地步，好自然就想有啲親密行為。我嗰陣比較麻煩嘅係淨係想要些少，唔可以超過道德底線，好難遇到人肯配合。

人妻因為符合呢啲要求，所以你同佢發展？

最初係。

後來點會同佢發展到有穩定性關係嘅？

(今集超過字限，斬件上)

[ 本帖最後由 dcat20 於 2024-8-14 22:01 編輯 ]

dcat20

34.1下3

呢兩次係交代情節，會走甜同埋有啲複雜。

***

我問阿偉後來點會同人妻發展到穩定嘅性關係。

佢話係時間、機緣，好多條件配合之下，慢慢、一步步發展，過程自然而然。

最初淨係拍拖、食飯、睇演唱會，去到隱蔽嘅地方就拖手，漸漸開始抱吓、接吻。最初做呢啲嘢嘅時候，都仲覺得幾大件事，返到屋企會諗成晚。做多幾次開始習慣，就進一步摸對方身體。我第一次掂佢波波、乳頭、摸佢啲毛毛、佢妹妹，第一次俾佢揸細佬，都覺得震撼，整整吓又係越來越慣。頭一次開房純粹因為怕喺街做親密嘢俾人見到，搵個隱蔽空間諗住攬吓、錫吓，瞓吓覺，冇諗住做愛嘅。試多幾次咁樣就越來越鬆懈，由除哂衫愛撫開始發展成互相手淫。

就好似我同J君、Derrick、Derrick啲客人咁樣，初初覺得好嚴重、抗拒，做多咗就慣，之後越嚟越冇乜所謂，講到底都係習慣嘅問題。

Exactly。我同人妻一齊大半年先至真正做，係完全冇諗到之下發生。嗰次好似平時咁攬吓錫吓、互相幫對方手淫，點知越玩越激，我捉住細佬捽佢個妹，塞吓入啲塞吓入啲，意亂情迷下就插咗入去，大家都好驚，但唔捨得停。我喺裏面活動咗一陣，開始覺得痺，怕會射。呢個時候佢話好驚有咗，我就出番嚟。嗰次之後，我哋再開房，有時忍唔住又試做咗。但嗰個時期，我同佢做得唔密，大概一、兩個月，甚至兩、三個月至發生一次。因為我同佢都驚出事，每次都係意思意思咁樣入去郁一陣就返出嚟，冇諗到細佬就係咁樣漸漸適應咗女人裏面嗰種舒適嘅感覺。

於是你就放低道德包袱追求性歡愉？

嗰陣仲未。當時仲係拍拖為主，唔係成日做愛。唔似前年九、十月到今年三、四月呢段時期同番佢一齊咁密同埋目的咁明確，個個星期見一、兩次、幾乎次次見面就係做愛。

聽你講你初期幾你都幾敏感，幾快就痺。你係幾時開始做愛時間變耐？

同佢試多幾次，已經留意到細佬好似冇咁敏感。嗰陣我同佢好多時都只係意思意思插吓，感覺吓兩個人做親密嘢，唔刻意追求咩高潮呀呢啲，好多時都冇做完就出番嚟，而大家都覺得ok。諗唔到咁樣反而訓練出細佬嘅抗敏性。後來佢有咗，我之前講過俾妳聽，佢有幾年陀B同湊仔冇搵我，我以為同佢已經完，就識咗之後個女朋友。性方面，之後個女朋友比人妻更明確要求。我做密咗，而且每次都做完，慢慢留意到唔知幾時開始佢好多時比我先到，甚至到咗兩轉我都未射。佢話俾我屌到想賴同頭暈，我就話由佢啦，唔做喇。

佢多唔多性經驗？

喺我之前，佢有過兩個男朋友，嫁過一次，算係有啲性經驗，但以而家啲人嚟講，性關係講唔上亂㗎喇。

咁人妻呢？佢經驗多嗎？

佢同初戀男朋友一齊嘅時候，而家嘅老公媾佢。佢老公係工程師，佢為咗過好啲嘅生活，就俾佢老公媾，中間有一段好短嘅時候，大約半年，佢一邊仲同初戀男朋友一齊，一邊同而家嘅老公發展，直至佢同老公結婚。婚後，佢同老公感情唔係咁好，有個做生意嘅人媾佢，佢就同呢個人一齊一段時間，直至生意佬嘅老婆知道咗。之後就係我。

印象中，佢好似好鍾意你，但你其實唔係咁鍾意佢？

Ok嘅，如果唔係都唔會同佢斷斷續續十幾年。不過的確講唔上好愛佢。

你有啲啲當佢只係炮友？

咁比炮友好啲嘅。我都講過，試過想愛佢嘅，只不過感情實在冇得勉強。

從佢床上反應，你覺得佢鍾意做愛嗎？

做嗰陣似乎唔只鍾意，係好鍾意。不過佢好被動，咁多年，一路都係我要求，佢就俾。記憶中佢從來冇拒絕過我要求。

你係咪講過有一年你攪大過佢？

係。嗰陣因為佢生仔同湊仔，我同佢有幾年冇見。期間我識咗之後個女朋友，跟住就係對上一個女朋友。我同對上嗰個愛對方愛得好緊要，性方面亦非常夾，我性欲俾佢徹底激發出嚟。因為做愛嘅時間越嚟越長，我變得有信心試驗、揣摩唔同玩法，亦更享受細佬插入女性身體裏面嘅感覺，享受令女性達到高潮。我變得好鍾意做、好想做。女朋友做嘢周時唔喺香港，我好苦悶，就識咗幾個sp，人妻就係嗰年搵番我。當時我個心已經完全去哂女朋友度，但仍然同人妻見面。我明確向佢提出要性，以前我唔會咁對佢嘅。佢鍾意我，儘量滿足我要求。我哋開過幾次房，點知就攪大咗。

之後你要佢去墮胎？

冇錯，實在冇辦法。佢想同我結婚，我話我同妳都有家庭㗎，妳又有個仔，我唔可能同妳結婚㗎。終於勸服佢，但佢堅持要去養和。我為求擺平件事就俾佢，使咗四萬幾。本來以為經過呢件事，我同佢玩完㗎喇，點知之後佢一路耐唔耐搵都有主動搵我。

你話試過有一段時間，你同期同佢哋三個一齊，此外有兩、三個sp？

係。

之前一路同你講心理學嘅時候真係諗唔到你咁仆街。

我承認仆街。

不過我咪仲衰女，喺古代，我呢啲會俾人拉去浸豬籠。

我同妳係同路人…

阿偉繼續講佢同人妻嘅事。

直至前年9、10月，我同女朋友終極分手，因為好空虛，就搵人妻，心裏面好清楚自己係發泄性慾。呢一期同佢維持咗年幾，期間幾乎個個星期見一、兩次，差不多次次都做愛，有時一個上晝做兩、三轉。我試吓愛佢，去轉移對女朋友嘅感情，唔work。直至今年3、4月，我越來越覺得咁樣唔好，就搵借口唔再搵佢。

聽阿偉講呢啲嘅時候，déjà vu嘅感覺好強烈。除咗令我諗起自己呢幾年嘅經歷，亦有一種強烈嘅熟悉感。

你係點樣識人妻？

喺賣衫嘅地方識嘅。有一次睇衫嘅時候見佢有少少似黃智雯，又有啲似鄭文雅，就周時去佢舖頭睇吓佢。佢都有留意我，就咁樣搭起訕上嚟。

咁上一個女朋友呢，係咪話喺你返工嗰頭嘅茶餐廳搭枱識？

係。

你話之前你喺一間跨國工程顧問做經理？

係…其實，妳一路都知道我嘅事。我哋喺Teresa度遇到之前，早幾年，我哋已經傾過偈。

你係…？

冇錯。

所以，人妻就係阿May。

冇錯，又叫做阿麗。

唔記得咗你故仔裏面提過，阿May之後嗰個女朋友叫乜嘢名？

佢叫晴晴，早排我同妳提過一個sp亦都叫晴晴。

冇第個名用咩？點解用埋同一個名？

咁佢哋真係叫呢個名。

咁最近嗰個女朋友…就係鄭小予…？

冇錯，所以我嘅事，妳其實一路已經知道。

係你…真係冇諗到。你喺Teresa度遇到我嘅時候，就已經知道係我？

嗰陣仲未。我哋開始面談，當妳一講妳同鎮穎嘅事嘅時候，我就知道係妳。

(未完待續)

[ 本帖最後由 dcat20 於 2024-8-14 22:09 編輯 ]

dcat20

34.2上

7年前我開始寫故仔，頭4、5年偶然收到讀者pm，男女都有。通常想知道我啲故仔裏提過嘅性知識同技巧。

咩恥骨連合壓迫，C點、G點、A點高潮，延遲射精嘅腦神經機制…呢啲。

有啲人想知故仔裏面啲人同事係咪真。

有啲女讀者沉咗個炮友，俾佢哋嘅男人到底當佢哋係女朋友、有少少愛意嘅炮友、定純炮友呢一個大問號深深困擾到食唔安、瞓唔落。

佢哋喺我啲故仔裏面睇到我同一時期有三條女，阿May好鍾意我而我唔係咁鍾意佢，曾經好迷戀晴晴但識咗小予唔使兩個月個心已經完全去哂佢度，就算阿May、晴晴喺性方面對我完全不設防，我無時無刻記掛嘅只有小予。

有啲女讀者想知道男人愛一個女人同當一個女人只係炮友會有咩分別，於是就pm我，問我同阿May、小予之間嘅詳情。

我就同佢哋傾起上嚟。

有啲傾一排冇傾，有啲傾傾吓做咗網友 (樂兒) 仲出嚟見過面、飲過嘢，有啲做過愛，其中Yoyo仲一路keep到而家。

梓言幾年前同我傾咗一陣間，之後幾年間彈入彈出咁搵吓我又唔搵。佢俾佢同鎮穎嘅感情攪到好辛苦，早幾年自暴自棄，同10幾個男人攪過。年紀細細做過人老婆、生過仔、攪到一個有錢仔冇咗7成生意、同個有錢家庭攪到亂七八糟，仲累到一個有啲地位嘅歌星失寵…經歷曲折到寫故仔都覺得誇張。

同佢傾落發覺佢本身係個好醒嘅女仔，腦筋好、轉數快，但為情所困攪到抑鬱、空虛、迷失，所以沉淪慾海。佢覺得我嘅經歷同佢有啲似，所以我哋有共鳴。每當佢有情緒就搵我。我聽佢同鎮穎啲嘢，佢又會問番我同小予啲嘢。

有時我哋傾吓鹹濕嘢，分享當時同身邊嘅性伴嘅性經驗、分享吓性知識。早兩年我同阿May幾乎個個星期開兩次房，有時扑嘢之前收到梓言訊息，我話而家同阿May開緊房，梓言就會叫我做完愛覆佢。我中午覆佢，佢問我今朝好冇玩，我話一個上晝屌咗三轉。梓言就話，佢就好啦。我話，今朝早同阿May講我愛佢。梓言知道我一直當阿May只係炮友，就話，嘩，開心死佢啦。鎮穎曾經講過梓言波形、個B似邊個邊個AV女優，梓言就去搵人啲片俾我睇，問我覺得呢條女對波靚唔靚、嗰條女個B好冇睇。我哋又會分享吓啲網紅或者models嘅流出片，評論吓。有個外國網紅叫Ana Lucia，網名jackielove，有啲性交視頻流出。呢啲片裏面，佢做愛個樣好似我同小予一齊之前個女朋友晴晴，我就share呢啲片俾梓言睇，問佢覺得呢個女仔個樣靚嘛。梓言又會問我覺得蕭佩兒啲口交功夫點樣，我話佢冇乜功夫，淨係識得一味吞吐，動作又粗魯。話佢自己口交功夫唔敢講絕頂，但肯定好過呢個蕭佩兒。我忽然諗起Yoyo個樣有幾分似呢個大馬網紅。梓言有時唔知邊度搵到啲唔識嘅普通人人嘅性交視頻share俾我睇，問我覺得裏面嘅男女係情人定係交易。

有次我哋傾傾吓，佢話想睇吓對方。我send我支J嘅相俾佢睇，然後話妳睇咗我，要俾番我睇。佢就影撩完個妹，黏滿厚厚愛液嘅手指俾我睇。我話咁都算？佢話算。

我哋從來唔俾樣對方睇，我一路唔知佢點嘅樣，只能夠幻想，佢會唔會好醜樣？定普普通通？抑或普通好啲啲？

本住撩吓又唔使死嘅，我嘍佢出嚟切磋吓，佢唔肯。

我撩多兩次，佢唔老禮，就話如果我再問就連朋友都冇得做。

後來佢想我寫佢同鎮穎嘅故事。

我寫完對上一個寫咗兩年嘅故仔之後，精神上同感情上都好攰，唔想再寫故仔。於是我提出出嚟切磋吓作為交換。

佢話，咁由佢啦。

後來我見到佢意識到咁樣縱慾落去唔係辦法，搵辦法戒性癮。我尊重佢嘅決定。雖然我都深深覺得沉淪性愛係唔好嘅，始終提唔起決心去戒。見梓言最少採取行動去戒性癮，欣賞佢同尊重佢嘅意志，唔想破壞佢。

冇諗到喺Teresa 啲班度遇上佢，仲做咗佢mentor。

第一眼見到佢，感覺佢係個矜貴、乾淨嘅女仔，但同時覺得佢係嗰種不論年紀嘅男性都會想同佢有啲事情發生嘅煩惱之源。佢樣子同身形仲幾細個，但衣着、舉止已經頗成熟，有少少貴氣。嗰日佢着住條薄薄嘅貼身連身長裙入課室，cutting睇得出係名牌，但款式唔係嗰啲學人追名牌嘅mark comm、PR𡃁妹識得着嗰種。條裙突顯出佢唔係誇張嘅身材個形好靚，slim中有曲線。

我冇辦法控制自己唔留意佢心口嘅部位，件衫有「谷」嘅效果。

同佢開始面談，一聽到佢講鎮穎啲嘢，心裏面驚訝，竟然係之前喺網上傾過鹹濕嘢嘅人，講都冇人信。

因為之前已經同佢有互動，我本應唔可以做佢嘅治療mentor，但我唔想俾人 (包括梓言) 知道我喺網絡世界嘅事情，唯有詐唔知，諗住兩個身份儘量分得清清楚楚就可以。

因為要攞牌等等，我一路儘量professional咁面對梓言，跟足操守、規矩做事。

佢開始同我面談，傾訴得越嚟越多、越深入，勾起好多複雜嘅情緒。呢頭同我傾完，嗰頭搵網絡世界嘅我再傾，佢想我幫佢寫佢同鎮穎嘅事。

梓言以為作為佢心理治療mentor嘅我唔知道佢咁做，佢唔知道一路喺佢兩個世界裏面同佢傾偈嘅人原來係同一個人。

而我就一早知道哂佢啲事，仲知道得好深入。

梓言叫我幫佢寫佢同鎮穎嘅故仔之前，唔係冇試過其他女讀者想我寫佢哋嘅故事。佢哋之所以會揾人寫佢哋啲故事，無非因為感情。同梓言傾吓鹹濕嘢、分享吓性知識都好正常，我亦都會分享些少心理學意見。佢哋亦試過send相俾我，波波、細妹，甚至見到少少樣，想借此令我覺得同佢哋好就會幫佢哋寫故事。

但係我寫故仔必需根據自己經歷同感情，再喺上面加嘢、改嘢、作嘢。我唔係職業寫手，唔識得寫人哋嘅嘢。任何人叫我寫佢哋嘅故事，我一律話sorry喇。

加上寫故仔係我同小予一齊幾年來嘅習慣。我識佢半年開始寫甜故嘅，佢有時做嘢唔喺香港，我掛住佢就寫故仔去舒發。睇番頭兩年寫嗰啲故仔，文句之間有好多沙石，但節奏明快。尤其同小予第二、三年之間寫嗰啲，嗰陣同佢感情好好，現實嘅磨難未浮現，寫出嚟啲嘢冇後來咁重。

上個故仔寫咗兩年幾，一路寫一路同小予經歷好多曲折，我借故仔發洩，完全唔顧故事可讀性，結果越寫越長、越多支節，越寫越重。終於寫完，無論精神同感情上都好攰，就想擺低呢個由同小予一齊開始建立嘅習慣。

所以更加唔想幫梓言寫。

做治療嗰陣，我隱約估到佢隱瞞同作為網友嘅我傾偈呢件事，可能令治療存在黑盒，但當時我必需詐唔知。最初覺得佢似乎好咗好多嘅，漸漸留意到佢平靜嘅表面內裏有好多矛盾、糾結。佢有時唔知自己想點，呢頭想簡單、乾淨，嗰頭失驚無神話同做為佢網友嘅我做愛，作為我幫佢寫鎮穎嘅故仔嘅交換條件。

我唔想害佢，所以一邊同佢分享一啲心理學見解，另一邊我發覺呢啲資訊令佢內心更加混亂。

佢問我點樣由原本內向、克制慢慢變成後來性關係咁混亂，我講到阿May、晴晴、小予，雖然刻意唔提佢哋個名，但已經諗到佢會從好多蛛絲馬跡開始諗到我就係幾年前佢睇過嗰啲故仔嘅作者、係一路同佢傾偈仲講過鹹濕嘢、send過J俾佢嘅網友。

我預佢發現呢啲嘢嘅時候覺得我一路呃佢，會嬲到同我反面。

(未完待續)

[ 本帖最後由 dcat20 於 2024-8-14 22:21 編輯 ]

Kelvinpwy

C hing, 你都好多經歷

dcat20

引用:

原帖由 Kelvinpwy 於 2024-8-14 00:48 發表
C hing, 你都好多經歷

細個嘅時候係一張白紙直至好大個先至開始。

***

34.2中1

梓言靜哂咁望住我。

諗住佢會譴責我，但佢粒聲都唔出，我亦唔敢講嘢。

過咗大半分鐘，佢話，走喇。

我冇問佢，但肯定佢一次過聽咗我咁多私密嘢同埋知道咗我嘅另一面原來就係一路同佢傾偈嘅網友，會失去哂對我嘅信任，會唔安樂，唔想同我喺呢間房裏面。

於是我哋就走。

梓言起身嘅時候，我留意到梳化上面，佢頭先坐住嘅位置濕咗一大片，相信係正話聽我講我啲故仔嘅時候興奮。

佢果然水多得誇張。

搭𨋢一粒聲冇出過。

覺得佢應該會同我絕交，落到樓下我冇提出同佢一齊搭車，於是佢自己去坐車，我自己沿住達之路一路行一路諗起好多嘢。

小予啲事已經6、7年前，佢喺太子住，我幾乎晚晚同佢一齊嘅日子都成4年前。有時佢做嘢唔喺香港，我周時自己一個過嚟呢帶諗住佢，喺街邊行邊寫故仔。

同期梓言亦都經歷好多事，鎮穎知道佢嘅事之後失踪，佢做咗Derrick嘅女人，幫佢生咗個仔，之後知道咗Derrick就係向鎮穎告密嘅人，就進行佢嘅報仇行動，短短幾年攪到天翻地覆。

佢知道我一路隱瞞另外一個身份同佢來往會唔會勾起起Derrick向鎮穎告密呢件事帶俾佢嘅感覺？

我唔敢主動聯繫佢。

頭兩日，都冇乜嘢嘅，喺mentor同學員嘅關係之外嘅另一個世界，我同佢只不過係網絡識嘅陌生人，會將自己最私密嘅事情同對方傾訴，亦會講鹹濕嘢嘅陌生人，我冇任何理由掛住佢。

但過咗第三日，發個信息問候吓嘅念頭，每一日都出現喺個腦。

我唔鍾意呢種感覺。

同小予分手之後兩年，仍然每一日諗起同佢最初一齊半年，我哋最好嘅日子，我都有發個訊息俾佢嘅念頭，但我一落抑壓住。

反而係佢每過一排會問吓我點樣，話唔多，每次只有三幾句。

從來冇試過咁愛一個人。

冇同阿May聯繫嘅時期都冇咁樣嘅。個個星期開一、兩次房，每次做盡男女之間最親密嘅事嘅人，我一唔想聯繫，求其是旦搵個借口就唔聯繫。

對晴晴亦類似。同咗小予一齊，一直冇同晴晴明確分手，反而繼續同佢來往。而佢為咗取悅我，主動俾我唔戴套射入去。我著數照攞，但心裏面對佢已經冇乜大感覺。

我根本就係一個自私嘅pk。

過咗兩個星期，忽然見到微信有訊息。

打開一睇，係梓言。我唔聯繫你，你就唔聯繫我？佢問。

冇，以為妳嬲咗我。

確實有啲嬲你一路隱瞞之前同我傾偈嘅原來係你，不過我理解點解你咁做。我嬲嘅係成兩個星期，我唔搵你你可以唔搵我。

怕妳知道咗我性關係咁亂，唔鍾意同我聯繫啫。

點會？唔想同你聯繫就唔會主動搵番你啦。再講我咪仲亂過你。之前諗住世界上有兩個人可以同我傾心事，到頭來原來得一個。一直都覺得你係個有故事嘅人，估唔到我睇嗰啲故仔原來就係你寫。

梓言約我出去西九飲嘢慢慢傾，我話好。

(未完待續)

[ 本帖最後由 dcat20 於 2024-8-14 22:27 編輯 ]