HAHA......趁今早有D時間。
由只係網上，到真人見面，果份真實感係我覺得最好玩既過程，佢以姐姐姿態出現，事實佢亦算係事業型女性而睇得出多少帶點自豪心態，呢種女人要點樣先可以令佢覺得我唔係一般猴擒男人呢?我無太多想，因為對女生，我手法係從來都表現出大家均等位置。言談間佢工作上既壓力，單打獨鬥，再到照顧小朋友，唔可以俾人覺得佢應付唔黎，果份逞強好勝獨立完全贏到我欣賞，亦因為由理性轉為感性話題，我地開始飲酒，晚餐時間比我預期仲多左，因為佢既外冷只係裝出黎，內熱其實應該好想搵個人安慰又了解佢果份孤獨心態。
我記得我有問佢，以妳條件，要搵男人，應該好易。(言下之意，其實讚美緊佢，講真，佢係堅靚，失婚事業型女人自己唔爭氣，呢個世界無人幫到妳)其實佢有幾分似張慧儀，即係老就老左D，sorry應該講成熟左D，但對好多男人黎講應該叫吸引吧。而佢就講笑講: 你信唔信都好，我要唔係無，但我已經要照顧一個小朋友，我唔想要照顧多一個大朋友。
HAHA..... 我明既，男人唔夠成熟，真係可以好低B同負累，而女人已經可以靠自己都撐得一片天時，佢要男人，已經唔係金錢上既考慮，而係另一個層次，而且更反過來說，如果男人低質，要佢降低自己生活水平黎遷就，佢更加唔想。
我好記得佢講過，佢而家返工之外就係小朋友，每年可以同小朋友去幾次旅行，睇住佢成長又唔擔心生活問題就已好滿足。好奇怪，師兄師妹們，聽到以上對白你/妳地會點感覺，我其實有點可惜，因為眼前呢個女人真係好有女人味好吸引，金錢至上既世界佢過得唔錯但愛情路就崎嶇得叫人想好好呵護，但呢種受過情傷既女人如果你係玩家你又會唔會玩得落手?
OKOK，又返番去我上次個問題，當佢問我上唔上佢屋企時，我就應承左上去既，HAHA.....因為我喼尿，喂，飲左好多水同酒啊....... 係係係，講笑遮。
果時我仲係新手，我真係問: 而家咁夜我上黎，會唔會嘈到妳小朋友?
人妻答: 乜你上黎會搞到好嘈架咩? ( 我心諗嘩，妳係唔係另有意思?) 放心，我小朋友佢今晚係前夫屋企。
咁我答: 係架，我呢位大朋友都可以整到好嘈架。
之後佢笑笑口就到就上左去佢度。
