無可替代的----生日夜(1)
很開心，好消息再多一點點了，由於展覽成功，認識了不少新客，新推出的產品亦得到詢價，要進行改良同優化，最主要是幾位大客也生生性性，沒提出什麼大問題，公司決定了舉辦旅行為大家打打氣，我們可以選擇的地方有幾個，最後大伙決定了有水玩為主溫泉為副的地點，時間嘛，因為得完成好客人現在要求的進度，所以暫定為1個月後才去旅行了。而Bella呢，她已日益上手，公司日常的工作亦已應付自如，而我和她，也逐漸培養出更好的默契。
Bella: Dragon我入得黎嗎? ( Bella入我房找起我來。 )
我: 咩事? ( Bella依舊青春可人，由於天氣乍暖還寒，正值冬春兩季交替之間，早前針織冷衫的Bella，今天換了休閒服飾，花花摺紋的純白色衫露出了一對香肩，配合她那只到大脾長度的短裙，實在是青春迫人。 )
Bella: Amanda生左BB了。 ( Bella遞上照片，是Bella和Amanda同BB的合照。 )
我: 嘩下，都幾肥喎。
Bella: 吓，好肥咩?BB好似6、7磅喳喎。
我: 我講…….. Amanda喎。 ( 我在笑住講。 )
Bella: 吓，佢肥左好多咩? ( Bella還未意會我在玩野。 )
我: 佢好似肥左係心口度………..
Bella: 佢餵人奶嘛。但都唔係大左好多遮…….大左DD咁啦。 ( Bella一臉正經的看著照片說，當她發現我在笑她時，她意會出我在玩她，而而家既我同Bella，係輕鬆時係會講少少有味笑話的。 )
我: 我講笑喳，我點知佢大定細喎，佢都鬆身衫，但睇樣佢圓潤左係真既，而且仲幾精神添。
Bella: 係啊，我去探佢嘛，母子平安，BB仲好得意添。
我: 得意?BB係仔黎架? ( 點解我咁講，Bella多張照片中，有好些是她抱著BB的溫馨合照，有些是Bella在用奶樽餵奶，但當中有1、2張無獨有偶BB都是看著和摸著Bella的胸部。 )
Bella: 你點知架?
我: 因為佢同佢老豆都一樣咸濕囉。 ( 我在展示回照片給Bella看，都是BB在盯著Bella的胸部，真係識食….. )
Bella: HAHA…..亂講。 ( Bella當然明我講咩，而我倆也在笑。 )
我: 咁佢而家坐月，要坐多幾耐先?
Bella: Amanda託我問下你，佢可唔可以延長多個月才返黎，因為佢想陪多陣BB啊。
我: 其實完左展覽，其他野又算穩定，佢真係唔使急住返黎既，問題係妳，妳點睇，妳應付得黎嗎? ( 正事上，我當然要Bella自信地無問題先可以，而如果Amanda遲一點回來，亦意味著，Bella工作上仍得和我緊密合作，當中…… 是包含著某些含義的………。 )
Bella: 我…… OK啊，我都係咁樣同Amanda講。 ( Bella講時有點腼腆，她的腦想著的事情，可能和我一樣，只是她想到後，表情很可愛。 )
我: 咁OK，我都無問題，我同人事方面講聲，到時妳叫Amanda自己申請吧。
就這樣，未來的這段日子，將會開展我和Bella更多的接觸，令往後故事，有了飛躍的變奏，彈起了現在不時仍有迴響的美妙回憶來。
但那是之後的事，現在嘛，我正為Cherry的生日而準備。其實對女孩子我沒有什麼特別心得，我的宗旨來來去去只得一個，就是妳令我心動，那麼我就會對妳很好，寵妳縱妳，那當然大前題是，大家要夾得來，而Cherry，絕對是值得的一位。
我: Cherry，黎緊星期4，Tosca Di Angelo見，好嗎?
Cherry: 好啊~~ ( 聽得出Cherry是歡喜的，因為她未去過嘛，那一間餐廳，其實我也是頭一次去，樓下的Tenku Ryu Gin我反而去過，日式餐廳，也很好食，可以推介給大家，一流。 )
我: 咁到時我接妳啦。 ( 到此，我們就約好了。 )
講真，我和Cherry的約會日唔會係佢既生日正日，這一點看似有些可惜，但只要花些心思，做點功夫，其實可以令人更期待之後大家見面的當日，為什麼?還記得Cherry生日那天的下午…….
Cherry: Dragon。 ( Cherry少有地在辦公時間打電話給我。 )
我: 係係係，咩事咩事? ( 我當然知咩事。 )
Cherry: 多謝晒啊。
我: 多謝咩先?
Cherry: 你D花囉。
我: 哦?妳收到啦?好似比我預期晏左少少喎。 ( 我當然知道送到Cherry手的是花，A字頭花店就是準時，約好的時間，佢地不單會準時送到，更會通知我對方已收到，但佢地今次有少少失手，就是遲了，但其實是我不好。 )
Cherry: 喂喂，你特登架?
我: 妳指咩啊?特登買花?當然啦。 ( 當時的我仍不知自己搞錯了。 )
Cherry: 唔係啊，係D花你送左去我公司另一間店啊…… ( 前言我曾講Cherry是一家大型連鎖店的sales。 )
我: 吓，唔係掛，妳公司唔係中環XXX咩?
Cherry: 我都估到架啦，我公司係中環，但其實中環除左我地旗艦店外仲有2間分店係一前一後啊。
我: 哎呀，咁可能我搞錯左啊…….
Cherry: 你當然搞錯左啦，唔係我又點知，好彩而家終於收到D花呢。
我: Sorry啊，係唔係搞到妳好尷尬呢?
Cherry: 又唔係既。只不過今星期我落左分店做野，但你就寄去另一間分店，果間分店當然無我呢個人，之後同事就叫對方送番去旗艦店俾我，但因為我落左分店幫手而搵我唔到，到而家對方只好再黎埋分店搵我。你一個舉動，令全中環3間店既同事，都知道我有花收喇，你特登架? ( Cherry當然是說笑，她想嬲，卻動怒不起來。 )
我: 我……. 我講我大意妳信唔信啊?唔好意思啊。( 我是真的粗心大意了以為中環就是她工作的店。 )
Cherry: 唔緊要啦，只係呢個出錯一下子令所有人都識得我又知我今日生日遮。
我: Haha……. Sorry，真係唔係有心架，咁D花妳鐘意嗎?
Cherry: 鐘意，好靚啊，你點知我鐘意呢隻色既?
我: 因為….....妳提過囉。
Cherry: 我有講過咩?
我: 其實係…….. 妳內衣都係呢隻色。 ( 我在尷尬的說出來。 )
Cherry: 哎……. 你個死咸濕仔。 ( 她聽後在細聲的罵。 )
我: 都唔係架，好彩今次早去花店，要買妳呢隻冷色，要早兩星期訂先可以有架。
Cherry: 哼哼，好啦，算你啦。咁隻公仔呢? ( 我送了花，還有一個公仔。 )
我: 哦?買花時加$1蚊送架。
Cherry: 吹水啦你，果間店點會有加錢送公仔架?
我: Haha……咁聰明架咩妳?係啊，公仔都係我買架。咁今日係妳正日生日，我又唔陪得妳，咪買佢黎代替我陪妳囉……….
Cherry: 係啊，今日同事都問我今晚會去邊度慶祝，我答我返屋企食飯喳，佢地都好出奇呢。但點都好，我好開心，多謝你啊。
我: 妳開心就得啦，我最想妳開心呢。
Cherry: 希望快D星期4啦，我好想快D果日黎，快D見你。
我: 我都係………… ( 就係咁，雖然唔方便見，但總算係Cherry生日當天令她開心。 )
係星期4當日，我早早約了Cherry在某地鐵站外的內街等，咁樣就可以方便接她上車出發外，又可以避免塞車，還記得當天去接她時，老遠已認出了她，她其實真的是頗吸引人，就是在上環這個儷人處處的地方，Cherry一點也毫不失禮，而當我車駛到Cherry面前時，Cherry就好自自然然上車了。
Cherry: 好準時喎。 ( Cherry邊上車，邊扣安全帶在說。 )
我: 咦，小姐，邊位啊?
Cherry: 咩邊位啊?我咪Cherry囉。
我: 咦，妳靚左咁多既，以前大媽Feel果位呢?
Cherry: Haha……你係咪玩野呀? ( Cherry在作狀打我。 )
我: Sorry呀，但係妳今日真係靚呀嘛。 ( 天下間沒有女孩子不喜歡人讚，尤其Cherry知道我很少這樣做。 )
Cherry: 係咩?同平時無咩唔同遮。 ( Cherry說的，不一定和心裡想的一樣，女孩喜歡人讚都好，都麻煩男生來一點點深度。 )
我: 妳呢條碎花連身裙，我第一次見既，鞋係Nine West，上次行時妳講妳已好鐘意，我仲提妳記得用風筒吹軟個腳踭位添，呢個春季look我之前都未見過既。
Cherry: 咁聽講有個傻佬帶我去食好野喎，咪著好少少應酬下佢囉。一陣太過大媽，帶我去食雲吞麵油炸鬼點算。
我: Haha…… 打冷野，大排檔都好好食架。
Cherry: 我知，我都鐘意食，但你今晚唔係帶我去果度嘛。
我: 咁妳啱，今晚妳放低個腦袋，咩都唔使諗，咩都等我話事就得架啦。
Cherry: 係架啦喎。
我: 係，妳只有一樣野要做，就係享受。 ( Cherry聽後就是微笑。 )
https://www.youtube.com/watch?v=ZQb7locLJUY
