唔知大家做運動，鐘意係室內，定還是戶外呢?
小弟黎講爆汗就梗係戶外好玩，其實我唔太鐘意室內，即舉鐵方便就無辦法，呢D多數係gym room，如果其他運動，我都鐘意戶外，因為我覺得冷氣令個人太舒服，我鐘意戶外時身體正常排汗，繼而爆汗再一陣涼風吹埋黎果種感覺。
話說小弟跟教練打拳都有一排，最近佢講佢會同同學生出去個大型公園度操下，曬住陽光黎練，OK,why not?去到，嘩，都幾正喎原來，好多人會帶晒瑜伽墊玩戶外瑜伽，又有人帶晒裝備操野，同埋有play group會帶齊唔同玩具俾成班小朋友係草地度踢波。
咁我照常咁操啦，到練拳時，我見個教練眼望望上二樓又叫我爆唔同既combo，到我斷晒氣要抖時，望上樓上，原來條死仔包見2樓有幾條女望落黎，就搵我做示範，打唔同既combo，聽落嘭嘭聲好似好型咁，為咩呢?都唔係第一次，通常呢D情況女生就會埋黎係我抖時問我拎拳套扮打下，教練就會拎住個pad被佢地練，再籍此令女生問下幾錢，難唔難，收多幾個學生。我會笑笑口講好玩架，快D問教練拎聯絡啦，..... 呢招，真係萬試萬靈。
