星期6 -- 無思分享
見靜靜地，又分享下。
見俾師兄問一問，有D mood，講下咩叫機會，點樣想佢發生，唔想佢發生。
上星期我同個客(香港女生)返國內去睇廠，睇完之後見有時間又有D攰，我建議飲杯野，因為佢唔熟地方，就去左佢有信心既Starbucks，我一杯佢一杯，我用買一送一既優惠買，嗱，唔好以為咁樣好唔型，應使則使，女生會留意。咁我地坐埋一邊飲野傾計時，我同佢都留意到另一邊長枱放左4份小食同咖啡杯，但又無客人喎，咁我無太理會就繼續飲同傾啦。過左一陣，個店長(後生女，應25不到)行埋黎，佢講佢地有新咖啡推出，會配埋小食，想搵客人試，問我地有無興趣，起初個客聽完麻麻地又怕羞，但我講香港都未試過咁樣，當然要試啦。之後店長再搵多2個女生，就一齊聽佢講解。
店長講Starbucks將會推幾杯新飲品，想配小食，而家希望可以籍客人口味做問卷調查，之後就叫我地自我介紹，好搞笑，我感覺似speed dating咁，但我一個大叔配4個女生喎，HAHA........賺左啦，咁言歸正傳，少女店長開始介紹佢拉花既XX咖啡，同有朱古力粉係面既Tiramisu咖啡，一杯奶味重一杯就甜味取勝，之後配幾款唔同開胃又或醒神小食，試過之後，佢就問大家意見，女生都鐘意甜，佢地都揀左後者，嗱，我個人好簡單，攞得人著數既就點都做番D野，當少女店長問我時，我就直言無諱講佢知其實我都係一位香港咖啡師，我就俾意見如果係香港，我地會點樣配搭，之後我正想講佢杯XX咖啡個拉花時，少女店長好驚訝又好急拎手機出黎講個拉花其實一開始拉得好靚，係因為放好擺設再叫大家黎時已有一段時間，所以先至變型。而我就同佢講，放心放心，通常杯野飲平平無奇，又或打卡先想人分散注意個拉花，我地首選係妳杯咖啡好唔好杯，我覺得...... (下刪500字既意見啦下。)
最後，少女店長好開心我地幫佢手，我當然認為唔係第一次係咁啦下，講緊係佢話想同我地selfie，影完大合照後，佢問我地拎聯絡，想日後有野試再搵我地，但我個客就耍晒手擰晒頭，HAHA.......咁之後我地就走。走時，個客就同我講，呀...... 原來你都識幾多唔同既野架喎。我見佢望我既眼神有D唔同左，呢種係一種感興趣既眼神，HAHA..... 講真，我唔抗拒，令客人滿意對我有好感，從來都係我工作既一部份。
