無思分享--旅遊
說真的，很久沒去玩，做野同玩都一樣，我會放盡，因為我好想知，可以有幾盡，HAHA......
工作的沈重雖然仍然是沒完沒了，但完成了一個大project，亦解決左先前提起的麻煩友，心情總算鬆一口氣，所以玩，我不可以刻薄自己呢~~~~
澳門之後，我選了去日本，日本，從來都是我的3大至愛之一，因為佢複雜得來夠簡單，糜爛得來夠文明，同一地方，日頭和黑夜都可以完全唔同感覺。
今次去日本，嘩，可能好彩，日本女生衣著樣貌可沒令我失望呢~~~~
真係好多都幾唔錯，咁當然，我係無艷遇既，因為始終都同屋企人一起嘛，除了幾個地方之外.......
話說同小朋友去玩呢個 Flying Dinosaur，真心堅正同好玩，因為佢係無得坐係度玩既過山車，而係好似被翼龍捉起飛果隻，真係份外刺激，而由於想快排，我地就玩single line去排，到我玩時，我左右都係日本妹，仲要靚果隻，一齊玩一齊哎，到完結埋站時，佢地都好客氣問我好唔好玩，真心可能如果唔係有小朋友一齊，真係會被捉埋去一齊玩呢個樂園都似。
另外，去食lunch時，因為要攞位同埋排隊買野，我一個人去買野時，個日本妹妹落好單等同事拎野俾我時，又好好人問我邊度黎，黎玩幾多日，仲介紹如果有時間，我可以去邊度邊度玩同食添，總括黎講，日本妹真係熱情又好客，10個讚囉。
當然仲有好多野可以分享，慢慢再逐個黎講。
