熱完可以再熱,鹹完可以再鹹,Karry 第32話~
Karry 32
阿星雖然出名記性唔好,而且有啲金魚記憶,都~~~~仲記得下個站要落車,阿Karry 話要同阿星去食飯,阿星都仲記得,用跣咗入去嘅右手手踭同上臂壓一壓Karry 豐滿嘅38D然後同佢講要落車囉喎,唔係一陣玩完之後唔識路返去喎。Karry 攬住阿星隻唔多粗大但都叫做有少少肌肉嘅右臂,用好複雜嘅眼神望住阿星,阿手呢個時候乘機由跣咗入去嘅狀態之下抽返出嚟,望住Karry 失望嘅眼神一路咁睇住阿星,阿星感覺到眼神入面嘅凄凉,失落,同埋渴望。
阿星哄埋去Karry 度輕輕咁樣親咗佢一下,呢個時候嘅Karry ,雙唇真係唔識比反應阿星,就好似阿星錫落一個瞓著咗嘅人嘅咀唇上面一樣。阿星望住Karry ,同佢温柔咁樣微笑,然後同佢話依家先5點幾啫,食完飯最多咪7點鬆啲,你今晚想瞓咩?定係你今晚諗住俾我瞓呢?Karry 聽到阿星咁講,初時都唔係好反應得到,然後佢慢慢笑咗出嚟,打咗阿星隻右手一下,話:「衰衰咁!」唔,唔算好衰啦,阿星真係唔算好衰。
一餐飯無話,大家都明白,平民喺國內食一餐晚飯,有平有貴,在阿星嚟講食晚飯唔算太貴,不過食嘅嘢真係麻麻地,唔知係阿星把口食得奄尖,定係Karry 唔識帶阿星去食好西。不過,重點並唔係依家食到好西,而係一陣間要食嘅好西,而且全程都係阿星同Karry 嘅有講有笑郁手郁腳打打罵罵咁,食啲咩嘢反而變得唔重要喇。阿星唯一記得嘅,就係整餐飯入面阿Karry 唔止一次打住笑住厲住阿星話阿星好鬼衰,乜阿星真係好鬼衰咩?
(待續)😬