沉船後先發覺, 其實真係會有好多既問題, 想沉既師兄真係要諗清楚, 可能初期你會覺得無所謂, 慢慢就會好多野都好難接受.
當初我同佢一齊大家都抱著玩既心態開始, 我無俾家用, 佢返工我都唔理架, 慢慢就因為佢返工而好唔開心...
有時明知佢做緊野唔方便接電話, 但當你打極都唔接, 好自然就會亂諗野. 其實佢約左邊個客座平抬定出街都會同我講, 由最初覺得佢對我誠實, 到最後都係會好介意咯. 如果你無能力養佢就唔好沉啦, 時間耐左就會令你好辛苦. 可能第三者聽落覺得好好, 又唔使俾家用, 但當你放左感情落去, 設身處地你又唔係咁諗架啦, 好似佢座完抬攞住小費請我去食宵夜, 我起屋企等佢既心悄你地又唔會知者, 又好似起我面前同D客講電話. 你又接唔接受到?
問佢轉行得唔得呢, 都係話而家後生想儲多D錢, 佢話以前搵千零蚊先儲到幾佰蚊, 而家就算只座平抬都有5-6K一個月, 正所謂做慣乞兒懶做官, 我又可以講乜呢. 可能有人問座足30日先係6K喎, 條數唔係咁計既, 好多人唔止俾二佰架嘛.
就算你有錢沉, 到時你更加會懷疑佢背著你做其他事, 當你無信心去信任佢就唔好浪費金錢同時間.
如果成日都懷疑佢呃妳, 咁不如鋪鋪清啦, 又唔係無女, 做乜要玩得咁辛苦?
一齊相處你就會發覺兩地人生活方式有極大既差異, 當你想將香港果套搬落佢地身上, 就會引起好多無謂既爭吵.
未沉既師兄真係唔好輕易去試咯.