新年第一日,我居然要帶綠帽
平時一得閒我會去搵佢,聽日我要返工所以冇時間去搵同佢,我係電話上問佢今晚會唔會出去玩,佢就話唔會出去係屋企過,我12點鐘個陣打比佢諗住同佢講聲新年快樂點知佢又唔聽電話,岩岩仲把電話關埋機,平時同佢一起的時候我都覺得佢估估怪怪咁,聽電話又要關埋到門,問佢係唔係男仔打比佢,佢又話你女朋友都有好多人溝架,不過佢叫我放心,從來未做過對唔住我既事,但琴晚咁既日子佢冇去玩有邊個會信,仲要玩到連電話都唔聽,我覺得佢現在一定係同緊條仔一齊啦,你地覺得我仲應唔應該同佢一齊,其實我同我條女一齊左一年,佢從來都冇用過我錢,有時仲要佢比錢我洗,不過前排我因為係香港識左條女,所以就冇再搵佢,連電話都冇打到,有時只會係QQ到傾二句,岩岩平安夜佢話好想見我叫我返去陪佢,所以我就去左(同香港條女散左)點知發覺佢仲係好愛我,所以諗住同返佢齊,點知就比D咁既野比我攪...真係好傷心