「有食唔食；罪大惡極」！小弟新人報到，見到樓主嘅行為，真係不能不回，你老人家話「有食唔食；罪大惡極」，小弟想送多你一句「淫人妻女笑呵呵；妻女人淫意若何」，出嚟玩都要講吓道義，如果條女係人二奶或飯盒就無嘢講，但閣下之行徑根本就係 “勾引”，當然大把人會講咩 “牛唔飲水點得牛頭低”，我先不論牛飲水之理由，只想道出一個問題：你而家係破壞緊人地嘅家庭，你係製造緊一個足以破壞1個已經40歲無青春無時間嘅女人、1個正值成長嘅青少年、1個本來有一個完整家庭嘅中年男人一生嘅危機，「剃人頭者，人亦剃其頭」，點解我會咁講，因為我有個朋友就係搞人妻搞出禍，下面個故事我响第2個壇度都講過，家下再Post出嚟俾大家睇吓！
單嘢係咁嘅：我有個由細玩到大嘅朋友(係好好嘅朋友嗰隻)，大概六年前，佢因為北上去蒲嘅關係蒲吓蒲吓溝咗條女，跟着無耐佢同條女結埋婚仲生咗個仔，仲响東莞買埋樓，睇佢本來都好幸福，但係唔知絛友仔係咪真係劣性難改，個仔未夠1歲佢就已經開始去沙沙滾，作為朋友只有力勸佢要大局為重，結果當然又係嗰Ｄ招牌答案啦，咩：條女痂埋嚟之嗎！我都唔想架，你明咩吖！諸如此類嘅港燦廢話啦，咁我唯有收聲！故事發展落去，佢居然薑到响佢東莞屋企嗰頭佢老婆成同幫襯開嗰間美容院溝咗個美容院老闆娘，個老闆娘原來係當地公安局高官嘅二奶(佢仲串到明知都要食咗先算，仲响人哋屋企人地張床度搞)，人哋做得高官人面耳目梗有番咁上下啦，你今晚上完佢條女佢朝早已經收到風啦，但係人哋唔聲唔聲起晒佢個底，跟著就揾人偷影佢同條女搞嘢嘅影片之後送咗隻DVD去俾佢老婆，佢老婆睇完之後同佢吵咗一鑊好勁嘅，跟著抱埋個仔去美容院炒大鑊，佢老婆仲同個老闆娘開拖，係呢個時候原來呀公安局高官已經响對面街拖行馬等睇戲，等佢地打到咁上下先過去拉人，話佢地搞事全部拉晒返公安局，唔使我講大家都知入到去公安局我個朋友肯定唔會好過，公安無難為佢，只係將佢放咗响囚室同其他囚犯一齊等過夜啫，但係同佢一齊嘅“囚犯”一見佢入到去，當住Ｄ公安面前已經開拖，打到手軟就抖抖，抖完又再打，好不容易先捱完一晚，第2日放佢走嘅時候佢立即打的過關返香港，响羅湖香港入境處已經要call定白車去醫院，跟著入咗去北區醫院，醫生話佢下體俾人打得太勁傷得太利害，只能保着佢條嘢完整但係蛋蛋就爛咗，就算好得番都肯定永遠都硬唔到同無仔生，即係打後幾＋年都無Q用，我睇着佢好後悔嗰個痛苦樣真係唔知講乜好！跟著先知原來個公安局高官當日已經放咗佢老婆，仲同佢老婆講佢老公有幾仆街，但係禍不及妻兒，所以唔會難為佢，而佢條女(美容院老闆娘)俾佢打咗鑊勁嘅之後已經被佢趕咗返鄉下，跟著嗰幾年佢老婆都係响東莞度同個仔自已生活但就唔肯再見佢老公，條友仔明知自己衰成咁只有個個月家用照俾但係就自己响香港住，過咗幾年佢老婆攞埋香港身份證之後嘅同一個月內透過律師用佢通姦嗰條片做証據通知佢正式離婚，跟著一直到而家佢都揾唔到同未曾見過佢老婆同個仔，滾成咁，自已又變埋太監，為乜呢！呢Ｄ就係所謂港式風流嘅代價！
