電話響起, 是WENDY, 我好少收到女性電話會覺得唔開心. 當時其實我有D酒意, 亦都未收拾好心情, 好多人去完CLUBBING, 都會比D音樂聲炸到個人暈暈地, 我正正係咁. 我定一定神, 聽佢電話 :-
W : 你點呀? 你會唔會覺得醉?
我 : 我無野, OK呀
W : 我有D醉, 但覺得好開心
我 : 咁就好啦, 做人開心最重要
W : 我無去過CLUBBING, 原來都幾好玩呀
我 : 係咩? 咁咪好囉
W : 我覺得自己好似年輕左, 哈哈 (唔係呱.............!!!)
我 : 醉就早D沖涼瞓啦, 好夜啦
W : 你明天DAY OFF?
我 : 係呀 (死火, 口快快講錯野, 當時我已經覺得係......)
W : 明早我地一齊食早餐啦
我 : A......好呀, 咁明早電聯 (一句係呀! 我就返唔到轉頭)
掛線後, 個人好混亂, 又酒意, 又腦入面既音樂聲, 又明早食早餐, 講唔出咁混亂. 拖住混亂的身軀, 返到屋企, 唔理啦, 明天先算, 沖涼瞓. 第二朝, 我比一個電話嘈聲, 我迷迷糊糊接聽, WENDY打來, 我強裝清醒 :-
W : 早晨, 咁早起左身?
我 : 係呀! (比你嘈醒囉)
W : 係唔係食早餐? 我出得門口啦, 我來接你?
我 : 哦......係...哦好呀
掛線後, 我看到電話原來有兩個未接來電, 最早果個8點半, 我再睇下個鐘, 9點3, 佢駛唔駛咁早呀. 無辦法, 起身沖涼, 清醒一下, 換衫等這位姐姐來. 無幾耐, WENDY已經來到, 我亦動身去同佢食早餐..........
佢駕住一部七人車停左係我屋企附近. 今日佢底胸背心, 加左一件外套, 下身襯左條短褲去到大腿(無見過佢大腿, 平時見佢都有著絲竹或者長褲, 無想到原來佢條腿都幾白幾滑喎), 臉上掛上一副大大的墨鏡(可能無咩化妝呱), 我一上車, 佢同我笑一笑無出聲就開車, 直到車駛上公路, 佢先開口 :-
W : 頭先怕唔怕比熟人見到?
我 : 咁早, 應該唔會 (佢已經泊左部車係幾條街咁遠.........)
W : 我怕影響你
我 : 無野, 去邊度食?
W : 入西貢, 好唔好?
我 : 哦, 無所謂, 你開車你話事 (咁早去西貢, 我未醒喎)
去到西貢, 佢帶左我去一間西式茶座, 地方幾隱閉下, 之後佢再選左一個角落坐. 我當時個人都未係好醒, 佢又一直無出醒(副墨鏡一直帶住), 無辦法, 我用我餘下既能量, 先打開話題 :-
我 : 好少見你著得咁CASUAL
W : 你從來都無見過, 呢個係我真正一面
我 : (心入面說了一句.....MY GOD)
W : 我公司從來無人見過
我 : 你對我真係好 (係囉, 真係對我好囉)
我 : 你唔除左副太陽眼鏡?
W : 我唔想比人認到
我 : 我明. (我當時其實唔明, 怕咩比人認到, 我同佢當時都無野)
W : 昨晚D野, 我知道你唔會講出去
我 : 絕對唔會啦 (打死都唔會講, 我還在擔心比班豬朋狗友笑)
我 : 我明白既, 你放心
W : 昨晚我覺得好好玩, 自己好似後生左
我 : 你不嬲都咁後生啦..................
W : 你最叻就係把口, 攪到個個女仔都咁開心 (呢一刻佢笑得好甜, 我好記得)
我 : 我地叫野食先, 你睇下想食咩 (其實我係唔知點比反應, 所以決定叫野食)
如是者, 整個早餐過程中, WENDY一直都係圍繞昨晚, 我覺得好悶呢個話題, 其次就係唔想比人知, 終於係3個小時之後, 佢願意食完個早餐, 我以為會放我走, 所以我好自發性咁埋左張單. 當時已經中午, 可以食得LUNCH啦.........
步出餐廳, 我扮到個人好累好眼瞓, 諗住佢會放我走, 點知 :-
W : 去唔去游車河?
我 : 我其實有點累, 想返去補眠
W : 咁......好啦, 我送你返去先 (好野...............走得甩)
我 : 麻煩晒你 (當時好開心)
係車上, WENDY再一次圍繞昨晚, 我從那刻開始, 我先發現, 原來我一直睇唔通佢同埋唔了解呢個女人, 佢係一個好煩好煩既女人, 我最怕. 好不容易, 我先返到屋企, SAY完GOODBYE, 我即時走人. 回到家中, 我繼續我單人自由生活, 瞓覺................ZZZzzz....zzzzz....
我又再一次唔知自己瞓左幾耐, 電話又響, 我"炸"醒左, 公司打來, 我快快解決完, 忙一忙個鐘, 都快旁晚七點, 見到手機有4個來電, 我睇完好唔開心, 係WENDY! 我好唔好打返比佢, 我心入係度鬥爭, 最終我決定回電話比佢 :-
我 : WENDY, 你搵我?
W : 你都唔聽人電話
我 : 我剛剛先醒, SORRY
W : 唔緊要, 我係TST XX酒店留訂左張枱8點半, 你得唔得閒?
我 : 我OK既 (你訂左枱即係一定要我去啦, 根本就唔需要問我得唔得閒)
掛線後, 我腦入面諗左幾個問題, 佢想點? 當左我係佢情人? 我昨晚玩大左, 我好唔好同佢表明清楚? 換好衫, 我就出發去食晚飯. 去到酒店餐廳, 佢已經到左, 好明顯佢化左一個比平日更濃既妝, 一件黑色低胸ONE PIECE同加左條披肩. 我笑一笑就坐底.
我 : 今晚好靚喎 (適當時候, 女人係要讚, 特別係佢地預左你要讚佢時)
W : 你又口花花啦 (笑到好開心)
我 : 頭先SORRY, 我瞓到無聽你電話
W : 唔緊要, 我叫左野食啦, 你睇下岩唔岩你
我 : 我無所謂 (叫左野食, 又問我, 女人..................)
W : 你老婆幾時返?
我 : 下星期三
W : 我老公星期一返啦....... (個樣表現得有點失望)
我 : 佢返來咪好囉, 可以陪你 (我甩難)
W : 我悶你唔知
我 : (我當然唔會知, 我無答佢, 只係笑住點頭)
佢除左點左菜, 亦都ORDER左枝白酒, 其實我就對白酒唔太喜好, 同埋前一晚飲完, 我就飲左好少, 亦都等自己唔好因為飲多左, 又亂來. 故事剛好相反, 佢飲得比我多同急, 前後一共開左兩枝, 我諗我飲左最多都係半枝, 張單我埋左, 佢有點醉, 無辦法, 扶佢送佢返屋企. 行到去酒店LOBBY, 佢係我耳邊講 "我唔想返去, 唔想行, 我想係酒店過夜.............."...........待續
