『 FOREVER......』(完)

收藏 | 訂閱

299 35.2k

多情自古空餘恨

等待驗證會員

多情自古空餘恨

1^# 大中小發表於 2008-12-14 只看該作者

『 FOREVER......』(完)

#呢一段往事係絕少色情......但呢段往事卻引領我引人入性......所以各位C兄C姐唔喜歡既就唔好曬時間睇,我只係想分享我有一段咁既經歷!

可能剛剛同女朋友分手.......呢段時間經常諗返起兩個係我生命中最重要既兩個女仔......一個係剛分手既女朋友,而令一個係.........

已經係4年前既事......回想起當年2004年夏......

當年我20歲......最初認識佢時其實無同佢聯絡....直到04年因為我有個比賽.....所以想搵個model.....而個故事就由我第一個電話打比佢開始......

記得打比佢時大家傾左一陣之後就收左線.....但無耐佢又再次打返比我.....起初大家都係傾閒計,因為大家當時唔係好熟!
後來傾傾下講起感情問題時佢就同我個左句:『我同男朋友分左手,佢簡返之前個女朋友唔要我!』
作為一個朋友,一個男人.......聽到個一刻我真係唔知講咩......一來可能個時唔係好熟啦二來安慰既說話來來去去都係個幾句!結果我最後只可以做一個聆聽者......

時光飛逝......不論我私心又好作為一個朋友又好,自個次通電後我地大家久唔久就會打比大家!
係呢斷時間我地感情日益增長.......(或者可能只有我單方面增長)

記得因為當時大家真係玩得好埋,有時玩到太夜佢會去我屋企訓!一星期有時真係見足佢4-5日!
而且同佢相處時佢做左好多細節位令我真係好感動!或者我就係由個時開始喜歡佢......

記得有一次,因為之前一晚佢係我家過夜,第二日我又要返工所以我留低左鎖匙比佢......晚上本來同佢吃過飯後送佢回家,但後來因為怕悶......所以當晚我地買左D VCD 返屋企睇!
記得當我返到屋企一開房門我真的成個人都呆左......

我:『點解間房會變成咁架?』
她:『你同我講過你唔中意自己間房嘛!』
她:『你中唔中意呀?』
我:『中意呀!』
她:『都唔知係咪?!你表情話比我聽好似唔中意!』
我:『唔係!!真係中意!』

或者當時被嚇呆,或者我一向都唔善於表現自己既喜怒!但個一刻我真的真的很感動!我既心情真係難以形容!
一個女仔幫我執房執左成日......她張我成間房既格式全部執過.....不論床位,書本雜誌,任何野都重新執過晒......

再一次記得有一日同佢係公司傾電話......講開我呢排好夜訓同好中意食面包!
結果當見到佢時我又有而包食又有湯飲.......雖然此刻只能用來回憶......但我從來沒有忘記那份情懷既味道......

如是這...係同佢相處個三個月到!我久唔久就會收到一D 驚喜.......直到我同佢表白那一晚........
其實係我同佢表白那一晚時之前是有一點小插曲!
回想起當時其實我亦有一個朋友追緊佢...當時我朋友層經問過我有否喜歡過她......
我答:『無』
其實呢個答案係基於我知道我朋友都喜歡她...所以我咁樣答......而且我覺得係呢一方面我可以同佢公平競爭!
也許當時我還未拍過拖......係呢一方面我顯得比較唔成熟!

記得跟她表達那一晚我們是先去蘭桂坊飲野......當時還有C CLUB^^".......係去蘭桂坊途中我地係巴士有段對話.....

我的朋友暫稱呼為:X

她:『你唔好對X 咁好啦! 你知唔知佢呃你好多野呀?!』
我:『對人好有乜問題?佢呃得我D咩!』
她:『佢有一次$%##%$#$$......(講X 呃我既野)』
我:『................』{當時聽到真係好嬲真係唔知比咩反應佢}
她:『咁你知唔知個晚我地係佢屋企佢錫過我?!』
我:『知....佢有同我講過!』
她:『咁你知唔知佢係梗硬錫我同想攪我?!』
我:『..................』

當時我一方面好嬲一方面又好內疚........沉默左一會....

我:『如果我當時唔係咁答佢!或者會無呢D事出現!』
她:『你答佢乜野?!』
我:『佢層經問過我有無中意妳!我答佢無....但如果當時我誠實咁答佢有......或者呢家佢唔會對你咁做!』

記得當時我同佢講完時佢望住我....但我唔敢望住佢.....之後大家都無出聲沉寂左一陣之後便落車!

當到達中環時我致電給X相約在C CLUB 等.........記得當晚星期二......一入C CLUB時真係可以靜到嚇死人........結果我地兩個入到去之後又再傾下計
我:『你會唔會覺得我當初係為左搵你做MODEL 先同你做朋友?』
她:『當初有,但呢家無!』
我笑笑口問:『點解呢家無?』
她:『因為你對人好囉!』個時聽到之後真係幾開心!
之後...
我認真地說:『其實當初我真係咁....但後尾識落你為人都覺得你對人好好.....為左証明呢家我唔係為左搵你做MODEL 而同你做朋友,我決定今次個比賽我會放棄!』
係當時呢個比賽對我黎講其實好重要......
但當我講完呢句之後我好記得佢當時個表情.....雙眼先定一定神然後望住我....
她:『你好傻呀!』
佢講完呢句之後我都無再出聲......只係望住佢微笑........

不久X 便來了而他亦帶了兩位朋友一齊黎!其實當晚X 想做什麼我已心裹有數.......他帶來的朋友分別一男一女!
男的就分散我注意同我傾計....女的就遊說她跟X 一起!
當然我很老定她一定唔會跟X 一起.......
結果當晚我和她都飲左好多....回家那程巴士途中她的頭都放在我肩膊上睡...........

回到家後......當返回房間時我便第一時間訓左係張床鋪到面向天花(因為我當時間房係無床架的,個人比較喜歡像日式既塔塔米)
可能大家係巴士到都訓左陣....返到去結果我地又再傾下計.......

係傾傾下途中.....我面依然面向天花.....但不知怎樣地她突然哄到我面前.......我們面對面時真的很近很近.....當時你眼望我眼其實只有幾秒時間......但好像每一秒都分開幾千份......每一秒都好長.......就在突如其來的一剎,我抬頭鍚了她一下!當錫完她時亦對望了兩秒......之後大家眼神都開始有些少回避(其實錫佢個一下真係好突如其來~~因為個一下就好似唔係我控制自己....就好似一些反射動作一樣.......)

錫完佢個一下之後我們分開左坐.....又傾下其他野分下心.....首先我已經坐左係床邊靠檣既位置,而她就乜都整下...整下呢D又整下個D ........當佢整完時佢又再坐係我身邊.......唔知由邊到說起......傾傾下我地又面對面得好近......結果我再一次控制唔到我自己錫多佢一下!正當我當時心諗:『仆街喇,呢獲瀨野!』時我諗都未諗完..........她已經擁著我來吻!

那次我是第一次接吻!

她在她的櫻桃小咀上申出小許舌頭,然後在我的雙唇撩動著.......當時我都未及來得切反應....過後驚醒時我已經在吸啜她的舌頭......她的雙唇好細好柔軟.....有時我會咬下又啜下..........當晚我地KISS 左好耐.....而且亦不乏笑料.....記得我地當時時而脷疊脷...時而吸啜她的舌頭時可能我用力過大.....
她突然大叫:『呀!!!』一聲......
當然我當時真係唔知咩事!之後便問佢.....
我:『咩事呀?』
她:『你申條脷出黎丫!』
咁我當然照做啦!當我申條脷出黎時佢初初都係輕輕力的啜.........突然有一下佢好大力一啜!跟住我就..............
我:『呀!!!!!!』
她:『咁你知咩事啦?!』
之後我兩互相對望笑了一笑又再KISS 過.........
當晚我地不停係咁KISS 不停係咁KISS.......而我已經KISS 到由一個初哥變成一個高手......
她同我講過:『你都唔似第一次同人KISS 既......』
我記得當我鍚完佢個咀時...慢慢轉向鍚佢面.....錫錫下又慢慢錫到落頸.......一路鍚就一路聽到她微弱既呼吸聲.....
錫完頸之後我又鍚返上去.....鍚鍚下錫到佢耳朵.....當我錫佢耳朵時她的呼吸聲開始轉變急速.....正當我申出舌頭撩動她的耳朵時.....她突然轉過身不讓我再錫落去.......
我好其之下又再問她.....
我:『做乜咁大反應既?!有咩感覺?』由於當時我無性經驗......加上又未拍過拖所以係呢一方面既經驗十分不足......
她:『你訓低啦!』
之後我地又KISS 過......而佢就慢慢由我個咀轉到我耳朵.........
錫左一陣佢又問我
她:『有咩感覺!』
我笑笑口答:『好痕囉!』
她亦笑笑口:『咁未係囉!』

其實當時比佢鍚個時真係好舒服但個感覺又好唔自在.....或者呢D 就係欲拒還迎啦!
當晚我地擁吻左好耐好耐.....我由她的咀吻到落頸....再由頸吻到落鎖骨.....肩膊....手......腰......我們不停不停地互相擁吻著....我唔知點解我當時可以忍到.........或許當時我是處男.....或許當時她亦是處女.....或許當時跟本唔知下一步應該點做........但我當時真的這樣想......愛一個人是應該好好保護佢.......應該張最保貴既野留係他身上......!至於下一步應該點做當時我已經無有想這麼多,因為我真的很心滿意足了!

如是這我們一直瘋狂地擁吻著.......我們的雙唇由濕潤吻到乾涸........我們飲飽食醉我肚子轉化為肚餓.......意想不到的是竟然在這時候她還可以給我驚喜.......她叫我到樓下雪櫃攞TIRAMISU食........
她:『你去樓下雪櫃攞TIRAMISU 食啦!我整左比你食架!』
我:『好呀!』

個時我攞住盒TIRAMISU 回到房間然後你一啖我一啖的吃..........
她:『因為好遠攞過黎.....所以雪得唔好溶溶地!』
我:『無問題我點都同你食晒佢!』
她:『好唔好食呀?!值幾多分?』
我:『好食就好食....不過溶溶地比9分你啦!』
之後她對我偏了偏咀....當然我亦即刻補充多句.....
我:『不過見係你整....比多2分你~~你有11分!!』
之後她便對住我笑............而佢個一刻既笑容我到呢家都唔會忘記....

當食完TIRAMISU 時或者大家的酒醉過了.....清醒起來的她突如其來問我....
她:『頭先仲乜錫我?』
我:『中意你囉!』
她:『你中意我D咩?』
我:『未中意你囉!如果我講得出中意你D咩我就唔係中意你啦!』
她:『你好行呀!(行貨既意思)』

在那一刻我真係唔知點回應佢...而我唔係唔識哄人...或者我對我愛既人好多時都講唔出心底話.....好多時女仔真係要用D善意既慌話哄下先得.....而我當時只係想對一個自己愛既人係應該真誠...直接...少說話.....多做事......但往往女仔就會諗點解唔花多D心思哄下我開心呢....呃下我都好丫.....點解點解........

而我最後一次吻她的時候是......
當晚我們相擁而睡....她是背向我的.....當時她叮囑我地說......

她:『你以後要對我好D呀!』
我:『我一定會!』
她:『仲有你要對我屋企人都好D!』
我:『知道喇!』
她:『我中意D孝順既男仔架!你對你屋企人都好D呀!』
我:『我其實都好愛我屋企人但我唔識表達!』
她:『你中意人都唔講既!』
我:『我唔識講,但我會做!』

之後我便深深擁吻著她.......吻到累了我們便睡著了........

那一吻之後.......那一夜之後.......那一日送走她之後......那一個下午我收到她SEND 來的SMS!
SMS 既內容係『FD CAN BE FOREVER......BUT LOVER CANT.......SORRY!』

分開簡單抹去往事極難
幾多溫馨燭光晚餐
難以用斧頭一劈叫畫面飛散
伴侶沒了記憶會為患
倚星細語抱月夜談
歷歷在目錄下年鑑
來年樹倒身影孤煙花散
情長未可推翻化不淡

[ 本帖最後由多情自古空餘恨於 2008-12-16 09:39 PM 編輯 ]