**(再次來更新 Dec-2016) 決心醫治好陽痿~再度回來~原來咁多人等緊我~!!**
因之前工作太忙,而且勃起問題醫好左一段時間,好段日子無上來,pm box 累積左咁多查詢,原來咁多人想我再解答,首先多謝大家支持,依排比較得閒,徇眾要求,再同大家交流下勃起問題心得
亦多謝 Londbell Ching 好多寶貴知識同經驗可以互相支持交流~我都希望幫到大家 ^^
原來咁多人等緊我回覆, 我以為個主題已經完結左,放心我會慢慢回覆同分享我既心得,好消息比大家知我依家唔駛食藥喇, 詳細情形我會慢慢解釋~Dec-2016 updated
=========================================
(之前舊post 只講點睇醫生所以我認為略嫌不足所以係 2014 年 4月13日 再更新內容加左不舉原因,心理因素治療等等)
講返依段時間先~我一直都有Keep 住食犀利士做愛,但份量都控制係10mg 以下, 有幾次試過冇食都做到全程, 原本情況都幾好...
但自從女友有時唔得閒, 網上資訊太吸引...比左藉口自己衰在自己又把持不住破左戒,又上網睇A 片...所以又搞到對住自己女友難以射精..我都可以硬足8成時間...但射極都射唔到..一驚之後就軟返...
唉....個心情下跌到最低點, 訓覺都發惡夢,相信唔少ching 都會明白我既感受~所以再提大家一下...唔好睇A片打飛機!!! 否則永不能醫好..
根據我多年既經歷,本人總括了醫治陽痿的要點如下:各ching 唔好剩係覺得食藥就得, 因為要認真了解不舉背後原因先可以根治, 特別係心理因素(佔大部份人)所以請大家慢慢留心睇我既見解~
陽痿(不舉)大體可分為心理/生理 或 先天/後天 因素
首先你要撤底了解你屬於那一種因素引致你不舉,可以是單一或同時發生
如果係先天因素,可能是遺傳某一些, 先天雄激素偏低, 性器官發育不全等, 因為青春期表徵明顯, 所以大部份患者會早期被發現,亦會有專科醫生跟進, 醫治方法亦主要用手術或藥物治療, 這不詳細解釋。
至於生理因素, 比較多既都係年齡大左之後, 身體機能開始下降, 30歲後最為明顯,其每增加一歲就會下跌幾% , 某些人可以早於25歲出現機能下降, 可能係大家飲食因素,生活習慣或少運動有關。
最常見係雄激素不足或,以致性慾下降, 冇性慾自然唔想做愛, 唔想做愛自然唔會勃起, 道理同你無食慾就唔想食野一樣....雄激素不足要驗血先最準確
睪丸病變都會影響雄激素分泌, 如果你發覺睪丸異常(腫痛,有硬塊等)就可能係早期病變,如唔及早醫治可能會變成睪丸癌, 所以每星期都要輕輕摸下自己個袋睇下有冇同之前唔同。
而血管,血壓低,心臟問題都可能影響勃起功能, 有d ching 血管栓塞,導致流入條野既血液減少, 胡亂食藥可能危害健康或有生命危險, 所以最佳方法都係搵醫生check 一 check 身體有冇事先諗點醫~!!
而如果咁多位ching 都正值壯年又冇咩特別大病好可能同我一樣都係心理方面影響, 亦都係我最想分享同交流重點!
其實A片真係害人不淺,以前所謂既雜誌成日話打飛機冇害,打得多又會防早洩身心健康, 但唔係個個都可以控制到, 一上癮之後就同毒品一樣好難戎, 而且有相當後遺症。
當時細個成日打飛機,血氣方剛嘛,一日打三次都得,睇雜誌電視上網又話打飛機有益,之後網上方便,求其搵套片打都得,有時一搵就搵左成幾個鐘唔駛訓(肯定唔小ching 試過, 後悔不已....):smile_39:
自從有女友後唔係好識做愛, 習慣左打飛機射野,開頭都ok,到左後來開始勃起有困難,對住女友時,自己打又冇問題。頭一個唔多唔小都因為依d野影響左感情分左手..
唉.....好啦~到第二任女友,都驚自己有咁既情況,結果...如我所料..真係勃唔起.....
shit!!!
而打飛機我了解到有以下唔好後遺症!
第一你習慣左用手打飛機既感覺先出到野或先勃起到, 到左真係同女朋友/老婆就比唔到依種快感你。
第二你另一半一定唔夠A片或網上美女咁好,因為人地執過,簡過最正既女先比你睇,你自己條女未必完美,再者你A片睇厭左之後可以搵另一套,你另一半唔可以成日換....。
第三你可能對性愛有錯誤思想, 相信好多Ching 有唔同喜好, 強x片, 學生, 護士, 痴漢 等等系列...係好吸引呀, 因為可以滿足到你平時做唔到既野, 但就係正正係咁令你對性愛有誤解, 令你潛意識或感覺習慣左咁先係可以興奮,即使你知道唔岩都不能自拔,又或者你已經知錯但此感覺已深深刻係你腦內, 當你同另一半做愛是可能自我有罪惡感,唔應該咁做愛,或對唔住佢等等, 久而久之令你情況惡化令你扯唔起。
要知道其實勃起除左係除龜頭或其他敏感部位刺激外亦會加上腦部思想等感覺非常複離既生理機制所控制。所以上面部份例子, 工作壓力,抑鬱,童年不好經歷引致緊張,焦慮等情緒或思想會直接或間接影響內分泌(雄激素),腎上線素,欠缺性慾, 繼而令陽具血管收縮, 平滑肌不能放鬆, 引致陽痿不舉。
而數次不舉後就會令你心理有壓力,又驚另一半唔開心或者另一半比左壓力你, 所以會再緊張起來,令你不舉如是者惡性循環,情況一次比一次差....真係男人最痛....最後令你做愛有恐懼,想去逃避,到最後演變成焦慮,以上感覺我都試過,有時諗過一死了之,真係好可怕....相信有唔少ching 會好明白我既感受....。
所以各ching 先要了解你係唔係自己打飛機就完全冇事, 對住條女就扯唔起~如果係就九成係心理因素引致, 要從多方面入手,首先第一你已立即停止打飛機唔好再比藉口自己, delete 哂你依sex 網既account~令自己無法睇到~一想上網睇AV 做運動又好, 打機又好, 聽音樂又好, 就做其他野分散注意力, 唔好比自己掂到, 如果你依一步都做唔到就唔駛指意醫好喇。
心理方面分享的篇幅會比較長因為對於治療陽痿有很大作用
待續...
我還有以下治療分享
1中醫醫療。
2運動改善。
3飲食配合。
4其他方面。
(需時間去打同組織,所以較慢, 請大家多多原諒)
==========================================
.==========================================
(早前舊post---西醫治療及食犀利士方面分享)
當時我怕影響到大家感情,所以決心去睇西醫專科,開頭都怕怕地~
但諗深一層怕咩比人笑,醫生姑娘鬼識你,姑娘都見慣哂,唔會理你;其實總好過比身邊既人笑影響感情啦......
好啦~講返睇醫生過程,我見到係男醫生都放心d~佢會用五至十分鐘問你病情,之後會除左你褲幫你檢查, 佢會用部機check 下你果到既血流,如果係血流不足就會問藥比你。 睇完之後,食左醫生開既犀利士(偉哥既一種) 真係幾硬下, 好耐未試過扑野硬到咁,20mg 可以話長效36小時, 有好多人誤解,以為會不斷勃起,其實唔會架,係有性興奮/刺激先會,平時你唔搞佢係唔會勃!因為佢依隻藥係專放鬆下面既平滑肌,至於原理,藥性,自己網上搵啦或問醫生~~
但我仲有一個問題,好難射,依個先難醫, 自打飛機時就好易射, 對住女友時好難射, 食左藥插足45mins 都射唔出,女友都高潮左幾次....但係射精困難真係冇得醫, 醫生話係心理問題....無藥可食....
我諗返, 都係自己打飛機得多, 成日享往av片既感覺, 當然真正做愛享受唔到當中樂趣, 之後戎左J, 就算有女友都係一個月一兩次,依家再同女友做愛,,硬度加大,射精時間15-30MIN 左右 尚算滿意~有時砌到女友都頂唔順.....我都未試過咁硬咁勁~換咩姿勢都唔會軟~我從來都未試過
我見實在好多CHING 都因為有依個問題, 又怕睇醫生,
所以分享自己心得, 長期唔得真係要睇醫生,因為9成都係心理問題,因為真係越遲睇越耐先好~你遲遲唔睇~心理嚴重受創~到時要睇埋心理醫生...
食左藥之後~真係雄赳赳
其實犀利士副作用真係冇咩(偉哥'威而鋼'就比較多)
佢主要係針對陽具既平滑肌,所以唔會影響身體其他地方~
只要你照足份量服食,都係安全
我自覺副作用唔多...即使最高份量20mg都係好輕微頭痛頭鼻塞,因為充血~我依家食完都冇事~大家可以放心~
到build up 左信心~到時慢慢減藥ok~
記緊~記緊!!! 戒打J~戒打J~戒打J~都要配合飲食, 做適量運動,遠離A片.欣賞多d你女友/老婆..要習慣返用女友既洞令你勃起~如果身心都唔健康....到時真係藥石無靈.....
PS: 大家有咩問題可以問, 答到就答啦~係度希望所有睇依個post 既ching 都硬到似鋼根啦~~
=========================================
[ 本帖最後由 牛熊殺手 於 2016-12-4 11:08 PM 編輯 ]
