引用:
原帖由 stellaluna 於 2022-6-15 10:26 發表
佢做咩令你呷醋先?
大王嘅成功係有佢嘅原因!就好似佢唔會執著你過去點點點⋯連就算鬧交都唔會講返你以前嘅野⋯我感受到尊重同佢都好珍惜愛護你🥰
好似講漏o左呢part
其實真係好小事, 尤其是事後回想番... 不過係身邊其他女性, 主要係一d 我唔識/ 唔係好熟o既人例如佢自己d 女同事咁囉
案發時間大部份都係我同佢初相識仲未話對佢個人百分之百了解之前
覺得佢對一d 女人有一種同兄弟之間果隻為o左人可以上刀山落油鑊奮不顧身o既幫忙
佢會為一個請病假o既女同事加班做埋人地果份, 知道人地第二日可以返工前一晚短訊whatsapp 電話對話同人溝通交接,
個女同事當時係佢下屬, 重點係幾靚女o既, 10分滿分客觀地都可以俾佢7.5
我心諗屌你老味駛唔駛咁呀? 真係當我死o架?
後來知道原來係佢 "收買人心" o既手段, 正確d 講唔係手段係工作心態/ 管理方式, 對男同事女同事一直以o黎佢都係咁
簡單兩個字形容就係上心囉, 我好多o野都係從呢條友身上學返o黎
呢個就係我一直以o黎都好強調o既一樣o野, 要做我伴侶o既男人除o左外表同性能力之外,
一定要有d 可以俾我崇拜仰慕, 同埋可以俾我從佢身上學習o既o野