首先希望各位原諒今次既馬會推介熱左, 只因我應為此三駒都有贏哂機會, 而且算係幾有信心個種, 若三隻贏哂就算熱極都有六倍幾以上, 在此推介三乘一, 若想穩陣可買三串四, 中兩隻可保本, 但本人會買三乘一! 今次吼告仔三隻熱門, 天行者, 幸運鑽石和安翹, 告仔今季成績未如理想, 今日屯重兵, 應會為馬房帶來好成績!
第二場: 天行者
上次贏既對手唔強, 輕勝七個多馬位唔算話好叻, 但咁既姿態以1.38.5完成泥地一哩, 實在係好好既賽績, 上仗處女馬身份仍熱到四十七蚊, 幕後信心亦可謂極強, 就算今場對手增強, 講緊泥地好既笑住贏和高風等, 都無試過咁快既時間完成此程, 此貴價馬難得搵到出路兼開左, 應會會藉本身泥地王本色, 專心係泥地扶搖直上, 排六檔能跟能放, 目前兩倍信心亦足, 應可再度輕勝!
第五場: 幸運鑽石
至今三出只有兩個位置, 只因路程上問題, 中距離以上才是最佳出路, 其實上仗本極有機會持質先贏一場千四, 但奈何早段實在欠缺應有速度, 以至遲遲才抽出望空追趕, 但為時已晚, 僅負不夠一個馬位, 今場循序漸進增至一哩, 好有機會在此破處, 馬主們乃有頭有臉既有錢佬, 告仔應唔會讓馬主們久等, 加上此駒四班必定大超, 今場唔多似有二班質素既對手, 以此駒質素應可順利贏馬開齋! 順帶一句, 有興趣單棍搭落天天開心度, 此條兄弟Q都幾有機會開架!
第十場: 安翹
上仗我未貼佢贏得, 而此駒亦一如我所願跟三位競跑, 可惜人算不如天算, 跟好位入直路卻要等位遲左望空, 該場慢步速, 福星拱照入直路已咬到上黎, 兼可以比安翹先快力, 末段快達廿三秒一, 福星拱照可謂成功先發制人, 安翹衰在遲左少少望空, 未能於入直路藉慢步速突圍, 唯有嘆一句欠運, 今場抽得十三檔, 應可順利切入再跟在前列, 換人上陣問題不大, 當然可以考慮到高雅志走去騎得運小子, 但兩駒質素有別, 兼前者屬爭打比入場卷希望, 再加上告仔和高雅志下季都分手, 有d馬唔用高雅志出擊亦唔奇, 最緊要係騎者可以幫佢贏到馬, 蘇銘倫離別在即, 和告仔合作當算愉快兼有成績, 此駒今場極有機會再為此拍檔帶來頭馬! 福星拱照上仗若唔係贏在入直路時既形勢, 可能未必夠贏, 今次安翹換上蘇銘倫, 福星拱照未必可以再偷到佢雞, 其餘對手亦未見突出, 相信只要過到福星拱照一關, 安翹應可為告仔連中三元!
[ 本帖最後由 nithan 於 2006-3-3 09:28 PM 編輯 ]
