第五場: 大圓機
大圓機今季三出三入位而仍未勝, 本身三歲應該可以繼續進步, 血系方面亦屬早熟份子, 此駒初出爆大冷位, 頭馬乃夢寐以求, 第二名既果然好和第四名既大富之星, 其三駒其後都已再有頭馬進帳, 此場水準極高, 而大圓機接仗成熱以為佢會縮, 點知卻照搏可也, 可能係自持有質, 心急盡快贏馬交代, 該仗若非遇上大超班馬寶樹勁盈, 相信已可補中, 而上仗遇弱旅卻稍為失望, 自製步速下連利是錢都追到佢, 進步幅度似沒有想像中黎得咁好, 慶幸上仗第三名叻百利其後也補中, 尚算有點水準, 亦有可能首次自己領放無跑得咁好, 今次寄望由田轉谷對手減弱有著數, 同系馬大部份都係跑谷草都無問題, 而本身抽到四檔, 對初次渡江既大圓機極有幫助, 希望可以稍留二三位, 憑其田草卡士, 在此佔有一定優勢, 寄望其駒能為本馬膽推介帶來久違既頭馬! 對手方面我忌重戴眼罩既開心假日, 唔知會唔會真係有個罩就完全唔同, 慶幸抽十二檔, 對大圓機威脅減少, 但重配主帥又重戴眼罩, 看似要拼個明白, 若夠快cut入蝕少少都不能抹殺其三甲機會, 仲有隻上仗車前倒後都跑得近既駿馬繽紛, 跑過一仗後增程二百兼渡江而來, 抽得一檔兼有韋達, 我覺得對大圓機最有威脅既就係佢, 正路配腳, 另外美酒初出一役於谷草一千後上不俗, 上仗轉去田草遇強而縮, 輸得遠遠地後又轉返黎谷草兼增長二百, 觀其同系馬都是稍長為佳, 分分鐘後上殺入冷位, 冷腳不可放過!
結論: 大圓機可作膽, 配腳考慮駿馬繽紛, 開心假日和美酒, 若想穩陣兼有位既話可以加埋卓越時代!
