今日重心會分析第十一場, 四分天下既局面, 分別係火焰之星, 自然好, 爆冷和龍冠, 馬膽取捨想了一整天, 希望今次唔會錯啦!
第十一場: 火焰之星
馬膽取捨一直在火焰之星和自然好之間選擇, 前者有卡士, 實力已證明直頂班, 今季不論千六或是千八, 場場都能做到極佳時間, 係好好個種, 屢遇強敵亦接近, 級數冠全場, 戴勝兩戰全勝, 人馬合拍, 更難得係戴勝能做到留前鬥後的最佳跑法, 前仗更在此組合下輕勝喜得法, 再加上馬房對此駒並不急進, 讓其自然地逐步向上, 至今雖然已介五歲, 但用得未算盡, 且實力仍未見底, 今次雖負頂磅, 但主要對手俱瞄準打比大賽, 以其能耐絕對有力在此稱雄! 而自然好就勝在鬥志好, 萬成上訊期已定, 騎者鬥志必更旺盛, 真係可以話騎乜都要留意下, 更何況係自然好, 今季五捷進步極大, 每仗跑來都有適當既進步表現, 上仗更輕勝好爸爸, 可謂視對手如無物, 更厲害的是末段快達22.8秒下, 可以從後趕上, 反勝對手近兩個馬位, 總時間亦唔差, 足見幕後無選擇錯誤, 在極佳優勢下放棄爭取跑馬地百萬大獎既榮譽而反回沙田跑, 明顯係自視甚高, 而且亦不排除幕後一切都係為打比而來, 先在谷草對住弱手爭取夠分數後, 才再到沙田證明級數, 今場會最好既試金石, 由於上仗終於係對手輕視其分量下出戰, 而今場會係對手留意既對手之一, 實唔少對手會睇住佢黎跑, 環境應比上仗難跑唔少, 由於兩驅俱極度喜歡, 尤其萬成座騎戰意更為吸引, 但既然兩隻難分秋色下, 便以座騎實力秤先, 咁依目前所見, 明顯係火焰之星略勝一籌, 所以決定用火焰之星作馬膽, 最好之處係此駒無壓力, 因為都係個句, 對手都係以打比為目標, 看看是否能在此為此組合黎個三出三勝之賽果! 爆冷和龍冠都係實力份子, 但今場千六唔係二千, 若是二千就有機會一爭馬膽之位, 目前這兩匹馬應該係再長D先好, 千六已會嫌短, 然而質素唔差, 當有能力在今場四強佔一席位!
講完今次推介既第十一場後, 再講講其他小心水, 第九場應係永利好和俊歡騰單打獨鬥既局面, 實在難分先後, 但除此兩駒外, 值得一提是上仗我已小試十蚊雞既全德勝, 上仗在嫌短既千二既輸得唔算遠, 今場一早已找冼毅力過檔, 騎者連一口田都唔玩, 小心全德勝增程先係真野, 而且今仗必有賠率, 不論冷腳或十蚊雞玩, 都可以考慮加埋佢, 我唔係話佢好有機會贏永利好和俊歡騰, 頭馬我始終覺得非永利好即俊歡騰, 但金德勝真係好好分的話, 我十蚊當明輸俾佢都要再跟一跟!
另外仲有一隻應該都會有肉食既就係第二場既翡翠舞士, 大前仗千二已證明此駒有狀態, 今場吼佢係因為佢轉泥黎玩, 此駒就算唔係大超級馬, 亦不至於四班無馬贏, 跑來跑去都不外如是, 轉泥試下係好應該, 正因為此駒唯一頭馬在軟地取得, 今次轉泥可能有新出路, 十檔唔會被困, 霍達跑泥地都有一手, 若有分頭可以吼下!
